كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-16532315249 %51 %
2019-08-17559439538 %62 %
2019-08-18439230342 %58 %

"Aldaspan" توبى "Nala" انىنە كليپ ءتۇسىردى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارق


ءتۇرى: ماسساگەت ماقالالارى

ۋاقىتى: 18:30 - 2019/01/28

: PDF Download - Жұктеұ - Скачать - ءتۇسىرۋ

elarna.net Printed Version. "Aldaspan" توبى "Nala" انىنە كليپ ءتۇسىردى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


"الداسپان" توبى – ەلەكترودومبىرادا وينايتىن جالعىز توپ. سونىمەن قاتار، بۇل توپ حالىقارالىق زاماناۋي ەتنيكالىق The Spirit of Tengri مۋزىكالىق فەستيۆالىنىڭ تۇراقتى قاتىسۋشىسى. "الداسپان" توبى ادەتتە، پاتريوتتىق اندەر ايتادى. ال جاڭا ءان قازىرگى زاماننىڭ تالابىن، قوعامدا بەلەڭ الىپ جاتقان جايتتاردى سۋرەتتەيدى. 25 قاڭتار كۇنى "الداسپان" ەتنو-روك توبىنىڭ "Nala" انىنە تۇسىرىلگەن جاڭا كليپىنىڭ جابىق كورسەتىلىمى ءوتتى.

جابىق كورسەتىلىمگە "الداسپان" توبى مەن رەجيسسەرلىك كوماندانىڭ جاقىن دوستارى مەن جانكۇيەرلەرى جينالدى. "الداسپان" توبى تىڭدارماندارىنا ءتىرى داۋىستا شاعىن كونتسەرت بەردى.

كليپ رەجيسسەرى جاقيا دامير توپپەن قالاي تانىسقانى جانە كليپتىڭ ءتۇسىرىلىمى جايلى بىلاي دەدى:

"مەنى "الداسپان" توبىمەن نەگىزى 3 جىل بۇرىن جاقىن دوسىم تانىستىردى. مەن ولاردى العاش رەت مەگانىڭ جانىندا بەرگەن كونتسەرتىندە كوردىم. وتە قىزىق بولدى، مەن ءبىرىنشى رەت ەلەكترودومبىرانى كوردىم. الەم بويىنشا، ەلەكترودومبىرا تەك ولاردا بار، باسقا ەشكىمدە جوق. سودان بەرى ولارمەن اراسىندا سويلەسىپ ءجۇردىم. جاقىندا، جەلتوقسان ايىندا دوسىممەن كولىكتە كەلە جاتقاندا، دوسىم "الداسپان" توبىنىڭ جاڭا البومىن كورسەتىپ، "نالا" ءانىن قوستى. بۇل ءاندى ەستىگەن بويدا قيالداي باستادىم. سودان سوڭ توپقا حابارلاسىپ، كليپ ءتۇسىرۋدى ۇسىندىم. سودان كەيىن بىردەن كليپكە دايىندىقتى باستاپ كەتتىك. بيۋدجەت از بولدى، بار نارسەنى جيناپ، جاڭا دەڭگەيدە كليپ تۇسىرۋگە تىرىستىق. بۇل مەنىڭ دەبيۋتىم. بۇل مەن تۇسىرگەن العاشقى كليپ. ول مونوحرومدى جانە جاستار ستيلىندە تۇسىرىلگەن. دوسىم، يلاي دياگيلەۆ جىگىتتەردىڭ ءستيلىن جاساۋعا كومەكتەستى. سونىمەن قاتار، اتاقتى قازاقستاندىق ديزاينەر اينۇر تۇرىسبەك ءوز كومەگىن بەردى. ءبىز ولاردىڭ بەينەسىن تولىقتاي وزگەرتتىك. ولاردى جاستار دا تىڭداعانىن قالادىق. مەن جاستاردىڭ كوپشىلىگى ولاردى تىڭدامايتىندىعىن بىلگەندە تاڭعالدىم. سەبەبى قازاقشا ەتنو-روك دەگەنىمىز كەرەمەت قوي. روك ەۋروپادا بار، امەريكادا بار. نەگە قازاقستاندا دا روكپەن اۋەستەنبەسكە؟! ەلەكترودومبىرانىڭ دىبىسى ەلەكروگيتارادان ەش كەم ەمەس. "الداسپان" توبى جىگىتتەرىنىڭ ويناعانى اتاقتى "Linkin Park"، "AC/DC" توپتارىنان ەش كەم ەمەس. بۇل مەنىڭ العاشقى كليپىم بولعاندىقتان، جىگىتتەرگە ۇسىنعان ويىمدى كليپتە كورسەتە الماي قالۋدان قورىقتىم. ءبىراق ولاردىڭ سەنىمىن اقتادىم دەپ ويلايمىن. مەن بۇل كليپ ارقىلى جاستارعا موتيۆاتسيا بەرگىم كەلدى. سەبەبى ءبىزدىڭ قوعامدا حالىقتىڭ سىنىنان قورقاتىن دارىندى جاستار كوپ".

جابىق كورسەتىلىمگە "الداسپان" توبىنىڭ ومىردەگى جانە ونەردەگى دوستارى "Mezzo" جانە "ۇلىتاۋ" توپتارى كەلىپ، ونەر كورسەتتى.

""الداسپان" توبىنىڭ سياسى كەتپەگەن «نالا» اتتى انىنە تۇسىرىلگەن سۋ جاڭا كليپىن تاماشالاپ، جاقسى اسەردە بولدىق. سەبەبى، بۇل ءاننىڭ دە، كليپتىڭ دە ەرەكشەلىگى – قوعامداعى، اينالامىزداعى بولىپ جاتقان كەلەڭسىز جايتتاردى كورسەتىپ، بۇل باعىتتىڭ تەرىس ەكەندىگىن ۇعىندىرۋ. حايپ قۇمارلاردىڭ ءىسى، بارىپ تۇرعان ايىپ ەكەنىن تۇسىندىرەدى. قىزىل-جاسىل دۇنيەنىڭ ويلانىپ قاراعان ادامعا كوز بوياعىش، الدامشى ەكەنىن كورسەتكەندەي"، - دەدى "ۇلىتاۋ" توبىنىڭ دومبىراشىسى رۇستەم باەكەەۆ.

"الداسپان" توبىنىڭ پروديۋسەرى نۇرجان تويشى توپتىڭ بولاشاقتاعى جوسپارىمەن ءبولىستى:

""الداسپان" مۋلتيجانرلىق توپ بولعاندىقتان، ءبىز قازىرگى باسىمدىلىقتا تۇرعان بىرنەشە جانرلاردى دامىتۋدى ويلايمىز. بىرىنشىدەن، مىسالى، "نالا" سەكىلدى زاماناۋي كوممەرتسيالىق ءدامى بار شىعارمالاردى دامىتۋ. ەكىنشىدەن، بۇرىنعى كلاسسيكالىق ەتنو-روكتى ارى قاراي دامىتۋ جانە سول باعىتتاعى شىعارمالاردى شىعارۋدى توقتاتپاۋ. كەلەسى جىلى شەتەلدى بارلاۋدى كوزدەپ وتىرمىز. شەتەلدى قالاي بارلايتىندىعىمىزدى ءقازىر ايتا المايمىز، ءبىراق بولاشاقتا بۇل جاڭالىعىمىزبەن بولىسەتىن بولامىز. شەتەلدە بىزبەن جۇمىس جاسايتىن ادامدار تابىلدى. "الداسپان" – وتە ماڭىزدى جوبا. بۇل توپتىڭ باستى ماقساتى – تۇركى ەلدەرىنىڭ مۋزىكاسىن الەمگە پاش ەتۋ، مەينستريمگە اسەر ەتۋ. توپتىڭ قازىرگى ماقساتى – جاستاردى، اۋديتوريانى پوپ-روكپەن جاۋلاۋ، شەتەلگە ەتنيكالىق شىعارمالارمەن شىعۋ، شەبەرلىگىمىزدى كوتەرۋ جانە ارى قاراۋ ىزدەنۋ".

جاڭا كليپتى تاماشالاپ، ءسىز دە ءوز باعاڭىزدى بەرىڭىز. ال ءبىز ۇجىم اتىنان "الداسپان" توبىنا شىعارماشىلىق تابىستار تىلەيمىز.



كەلۋ قاينارى: http://www.elarna.net/koru.php?tur=41&id=940091

پىكىرلەر:

juz dep sifirmen jazingiz.