كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-1920955644 %56 %

بالتابەك نۇرعاليەۆ. گۇلدى جىرلاپ، گۇل جيناسىن كىل اقىن ءبىز ءسىزدى جارقىن الەمگە جەتەلەيمىز! بىزگە قوسىل! ءبىز


ءتۇرى: ماسساگەت ماقالالارى

ۋاقىتى: 17:30 - 2019/08/12

: PDF Download - Жұктеұ - Скачать - ءتۇسىرۋ

elarna.net Printed Version. بالتابەك نۇرعاليەۆ. گۇلدى جىرلاپ، گۇل جيناسىن كىل اقىن ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


بالتابەك نۇرعاليەۆ. گۇلدى جىرلاپ، گۇل جيناسىن كىل اقىن

بالتابەكنۇرعاليەۆ – 1990 جىلى 16 ماۋسىم كۇنى اقتوبە وبلىسى، شالقار قالاسىندا دۇنيەگە كەلگەن. ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى. ماماندىعى – رەجيسسەر. 2010-2011 ج – الماتى قالاسىندا وتكەن رەسپۋبليكالىق ساحنا ونەرى سالاسىنداعى ستۋدەنتتەر وليمپياداسىندا "رەجيسسۋرا" ماماندىعى بويىنشا "ۇزدىك قويىلىمدارى ءۇشىن" ەكى مارتە 1-ورىن جانە گران-پري يەگەرى اتاندى.

2012 جىلى استانا قالاسىندا وتكەن شىعارماشىل جاستاردىڭ XV-حالىقارالىق "شابىت" فەستيۆالىندە "ۇزدىك ادەبي شىعارما" نوميناتسياسىنىڭ "پوەزيا" كاتەگورياسى بويىنشا "سەگىزىنشى نوتا" جىر جيناعى ءۇشىن گران-پري يەگەرى اتاندى.2013 جىلى استانا قالاسىندا وتكەن قازاقستان حالقى اسسامبلەياسىنىڭ رەسپۋبليكالىق "اڭسار" ادەبي بايقاۋىنىڭ "پوەزيا" نوميناتسياسى بويىنشا لاۋرەاتى اتاندى. "2013 جىلدىڭ ۇزدىك اقىنى" اتاعىنىڭ يەگەرى.

سۋساعان

ء

شول – عۇمىر-اي... شولدەتەر،
قۇم – ۋاقىت-اي... قولىمىزدان سۋسىماق.
بۇلاق – ارمان... قۇمعا ءسىڭىپ ول كەتەر،
جۇرمىز كوكتەن سۋ سۇراپ.

قايدا، شىركىن، ءبىر بۇلاق؟
وكىنىش كوپ وڭەشتەردى قىرناعان.
تاس جارماعان تۇنشىعادى گۇل جىلاپ،
قيالدار-اي قۇرعاعان.

ەركىندىكتەن قول ءۇزدى،
جەل بۇيىردى: «جەردەن ونى كوشىر» – دەپ.
قۇمدا قالعان ىزدەر بار-تىن، سول ءىزدى
قۇمنىڭ ءوزى وشىرمەك.

مۇڭ – القاكول سۇلاما،
بەۋ، ويلار-اي – شۇبىرىندى اقتابان.
اقىرىندا قۇم قيناسا، جىلاما...
كەزىندە كىم تاپتاعان؟

اجال اناۋ كورجۇزدى،
بۇرقىراعان شاڭ جۇتپاق پا بۇل جۇرەك؟
باسىپ قالماق... تۇنشىقتىرىپ ول ءبىزدى،
قۇتىلماسپىز قۇم كۇرەپ.

تەز كەتەرمىز، تەز كەلىپ،
كەڭگە سەرمەپ ۇلگەرمەيمىز قۇلاشتى.
بۇل دۇنيە – قۇم ۇستىندە كەزبەلىك،
و دۇنيە – قۇم استى...

جۇزدەرىندە الاڭ بار،
تۇر نەلىكتەن جانارلارعا مۇڭ قونىپ؟
گۇل بوپ ءومىر سۇرسەك دەيدى ادامدار،
كەتپەي تۇرىپ قۇم بولىپ.

©woman.rambler.ru

مۇڭ

كۇنسىز بولسا كوڭىلسىز كەۋدە جۇدەر،
جىر جازباساق جەر ءجۇزىن شىرايلى ەتەر.
«جالعىزبىن» دەپ ايتپاسىن جەردەگىلەر،
بىز تۇگىلى... اسپان دا جىلايدى ەكەن!

جۇلدىزداردىڭ كوز جاسى نەتكەن جارقىن،
جۇلدىز دەگەن جارىق مۇڭ جارشىسى ما!
توكپەي جۇرگەن جاسىمىز كەتكەن، بəلكىم،
كوك اسپاننىڭ اينالىپ تامشىسىنا؟!

قارالىققا سەزىمدەر تۇنشىققاندا،
جىر جاعاسىن جۇلقىلاپ... تال قارمايدى.
قالاي ءوزى... كوزسىز ەل قىرسىققان با؟
كوزدىڭ جاسىن ەشبىرى اڭعارمايدى.

نايزاعايداي قۋاتتى تولعاۋ-əنمەن،
جۇلدىز جاسى قارايعان جاندى جۋار.
بۇلتتاي بيىك، كوكتەي زاۋ بولماعانمەن،
جانارىندا گۇلدىڭ دە جاڭبىرى بار.

ۇعىپ سىرىن گۇلدەردىڭ ءتىلسىز بۇگىن،
جارىق مۇڭنىڭ جىرتىعىن ءجاي جامايمىن.
ۇزاق تاڭعا جەتەدى ۇنسىزدىگىم،
كۇركىرىمەن جاسىندى نايزاعايدىڭ!

و، كوك اسپان، قولدا سەن، ءبىر دەم بەرگىن،
ىشقىنعان بۇلت قىزعانىپ كۇيىپ جۇرەر.
كوزدىڭ جاسىن كۇلكى ەتىپ جۇرگەندەردىڭ
جاڭبىرىڭدى ۇستىنەن قۇيىپ جىبەر!

وتكىنشى قىس، كوكتەم، جاز، ءار كۇز ەلەس،
تورتەۋى دەپ سوعادى جىل جۇرەگى.
جالعىزدىق ول راسىندا جالعىز ەمەس،
جەتەگىندە ءاردايىم مۇڭ جۇرەدى.

©jam-dc.ru

اداسۋ

ماعان شاتتىق بولا قويماس سەن ولسەڭ،
ساعان شاتتىق بولار ما ەكەن مەن ولسەم؟
كەۋدەمدەگى كۇمبىرىمدى كۇندەيسىڭ،
نەگە ءومىردى قىزعاناسىڭ مەنەن سەن؟

اناۋ اسپان، مىناۋ جەر دە مەن ءۇشىن،
اناۋ جەر دە، مىناۋ اسپان سەن ءۇشىن.
تابيعات تا تىلەيدى شىن بولسىن دەپ
ەكەۋمىزدىڭ ارامىزدا كەلىسىم!

ء

ازازىلدى جۋىتپايىق اراعا،
قاتە باسقان ادام اتا، حاۋا انا.
تار تابىتتا تۇنشىعامىز ءبىز ەرتەڭ،
جۇرسەك بۇگىن تالاسىپ مول اۋاعا.

قالا – قىرعىن، داۋرىعادى... دالا – شۋ،
اينالادا ايقاي سالعان اداسۋ.
اسپان استى ادامزاتتىڭ ءومىرى –
اردان اتتاپ، اۋا ءۇشىن تالاسۋ.

كۇڭىرەنىپ كەساپاتتى كەكپەنەن،
تىلسە-داعى قان شىقپايتىن بەتپەنەن.
دەيمىز جəنە كۇنشىلدىكپەن تەپسىنىپ:
"سەن اۋانى جۇتىپ قويدىڭ كوپ مەنەن!"

اۋاسى دا ارام بولار جالعىزدىڭ،
جالعىزدىعى جاراسپايدى جۇلدىزدىڭ.
قىزعانىشپەن جۇتىپ ءجۇرمىز اۋانى،
دەمىمىزدى جاراتار ما ول ءبىزدىڭ؟
سول قىزىق...

©noulpamant.ro

كۇبىر

ماڭگىمىز بە؟
كەزەك ەندى، مىنەكەي، كەلدى كۇزگە...
ۋا، ادامزات، جاۋعانىن جاپىراقتار،
كوردىڭىز بە؟..

جاس-كۇيىگىن
كوتەرە الماي، زىلدەي مۇڭ باستى يىعىن.
قالجىراتىپ كۇز جەلى، كەمسەڭ قاعىپ،
كارى اعاش ساناپ وتىر تاسپيىعىن.

كۇز بوپ تونگەن،
ول اجالعا نە دەمەك ىزدەپ كەلگەن؟
جاپىراقتار كارى اعاش قولىنداعى
تاسپيىقتاي بەينە ءبىر تىزبەكتەلگەن.

جىعىلعانشا،
ول سانايدى قالعانىن عۇمىر قانشا.
دىرىلدەيدى قايتالاپ ءتاڭىر اتىن،
كۇبىرلەيدى جانارى جۇمىلعانشا.

جول-شاتقالى...
ونىڭ ءالى ەسىندە سول شاقتاعى.
ومىر بەرسە بىرەر كۇن – تىلەگەنى،
توگىلگەنشە توزەر مە مونشاقتارى؟!

تاركى جالعان...
سوعىپ جاتىر الاپات سالقىن الدان.
قۋراپ قالعان كارى اعاش جاپىراقسىز،
تاسپيىعىن اق اجال تارتىپ العان.

ولەر ەكەن...
قالعىمايتىن قۇدىرەت شەبەر ەكەن.
جاپىراقتاي ادەمى ولە ءبىلۋ –
ۇققان جانعا – ەڭ ۇلى ونەر ەكەن!

ماڭگىمىز بە؟
كەزەك ەندى، مىنەكەي، كەلدى كۇزگە...
ۋا، ادامزات، جاۋعانىن جاپىراقتار،
كوردىڭىز بە؟.

©dnca-investments.com

گۇل ءۇشىن

تىرلىگىڭنىڭ ءبارى بۇگىن كۇلكىلى،
كوپ گۇلدەردىڭ تىڭداماعان تىنىسىن.
اقىن بىتكەن ۇيالادى ءبىر كۇنى
ۇلى سوعىس باستالعاندا گۇل ءۇشىن.

سوعىس تالاي وتكەن سوناۋ داۋىردە،
دۇنيەگە كىم كەلمەگەن، كىم كەتپەي؟
داعدارعانىڭ ەسىڭدە مە... قابىرگە
ەگەتۇعىن ءبىر جاپىراق گۇل جەتپەي.

گۇلدى جىرلاپ، گۇل جيناسىن كىل اقىن،
نۇرسىز جۇرەك گۇلدىڭ ءسوزىن تىڭداي ما؟
گۇلىڭ قايدا تاستى جارىپ شىعاتىن،
مۇزدى جارىپ شىعاتۇعىن گۇل قايدا؟

گۇلدى مىناۋ يت-قۇسىڭ دا جەم قىلار،
جوقتاۋ ايتار جەرگە قاراپ، كۇن زارلاپ.
گۇل سىيلاۋىڭ بىلاي تۇرسىن... ەندى ولار،
ارپالىسار الۋ ءۇشىن گۇل جاۋلاپ.

گۇل جاۋسا دەپ تىلەپ تۇرعان اسپاننان،
اناۋ بايعۇس اقىنىڭا قاراشى.
توقتاتۋعا بۇل سوعىستى باستالعان
گۇلدىڭ سوندا كەلەر مە ەكەن شاماسى؟

سوندا مەنىڭ جۇرەگىمدى مۇڭ جانشىپ،
قيناعاندا قانىشەرلىك تۇنەگى.
ىرشىپ تۇسسە گۇل كوزىندە تۇنعان شىق،
جارىق كۇننىڭ سوقپاي قالار جۇرەگى.

ۇلى سوعىس باستالعاندا گۇل ءۇشىن،
ۇعىنىقسىز بولىپ قالار گۇل ءتىلى.
گۇل ولگەندە... قالاي ءجۇرسىڭ، ءتىرىسىڭ،
تىرلىگىڭنىڭ ءبارى ماعان كۇلكىلى!

©icocnews.ru

حاۋاعا ارناۋ

عالامعا باسىن ەش يمەگەن،
جەرگە دە تابانى تيمەگەن
ەرتەدە ءبىر جۇرەك بولىپتى
جۇماقتىڭ سازىنا بيلەگەن.

كۇندى دە، ايدى دا قۇشاتىن،
بۇلتتاردىڭ قولدارىن قىساتىن
بولىپتى ءبىر جۇرەك ەرتەدە،
نۇرقانات تاعىنىپ ۇشاتىن.

بيلەي دە، ۇشا دا بىلەتىن،
قاناتى جوقتارعا كۇلەتىن
بىر جۇرەك بولىپتى ەرتەدە،
اسپانعا گۇل ەگىپ جۇرەتىن.

كىرشىكسىز توگىپپىز نۇر اسەم،
كىرشىكسىز ەگىپپىز گۇل اسەم.
جۇرەككە يەلىك ەتىپپىز،
مىنا مەن جانە دە مىنا سەن.

گۇل ەگە بيلەپپىز، نۇر توگە.
نۇر توگۋ، گۇل ەگۋ - مəرتەبە.
بىر جۇرەك – مەندەگى، سەندەگى،
بولىپتى ول ءبىراق ەرتەدە.
سول كەزدى ساعىندىم ورتەنە...

©nesslau-krummenau.info

ماحاببات

كەزەرىپ جەردىڭ گۇل-ەرىندەرى،
سۇيە الماي كەتتى نۇر-جاڭبىر.
جىلۋىن ىزدەپ جۇرەگىندەگى،
تابامىن دەيدى مۇڭنان نۇر...

كۇل بولار... باعىن كۇتە كوكتەمى،
كوكتەمدەر ءتۇبى كۇيرەيدى.
راۋشان گۇلدەردىڭ تىكەنەكتەرى
جەر جانىن ول دا تۇيرەيدى.

جار سالعىم كەلدى، ءان سالعىم كەلدى،
اق اسپان، كەيىن ۇعارسىڭ.
قانعا بويالعان راۋشان گۇلدەردى،
كوزىڭنىڭ جاسى سۋارسىن.

ولگەلى جاتقان ارمان ويانعان،
ماحاببات دەگەن قانداي كۇش؟!
گۇل-ەرنىن توسىپ قانعا بويالعان،
اسپاندى سۇيمەك جەر بايعۇس...

©sacred-journey-healing.myshopify.com

ء

ومىر-جالعان

ۇزاتىلىپ بارا جاتتى ەلدەن قىز،
جانارداعى جاۋھار جاسىن كورگەنبىز.
بىز قوناق بوپ سوناۋ قىزدىڭ تويىنا
قۇتتىقتاۋعا كەلگەنبىز...

جۇرەگىندە جاسىرىنعان نە سىرى؟
"اقيقات!" دەپ قۇلشىنىپتى ەس-ۇنى.
و، اعايىن، پاش ەتەيىن... ول قىزدىڭ
ومىر ەكەن ەسىمى.

ء

قىز-ومىردى قيماس ارمان جىلاتتى،
جىلدار ونى جار-جار ايتىپ جۇباتتى.
كوز الدىندا كەرۋەنى ۋاقىتتىڭ
قارا شاڭىن شۇباتتى.

كۇيمەسىنە جۇگىن جيىپ... كوشتى اسىپ،
سۇيمەسىنە پاك قۇشاعىن توستى اشىپ.
وكىنىشپەن وكسىپ كەتتى ول ءومىر،
عاشىعىمەن قوشتاسىپ.

ء

سىرا، سولاي بولاتىنىن ءبىلىپ پە؟
سان تولعانسا... ساناسىنا كىرىپ پە؟
اقيقاتتى سۇيگەنمەنەن... قوسىلدى
جالعان اتتى جىگىتكە.

بۇگىندە ونىڭ ءۇمىت دەگەن بار ۇلى –
جالعىز عانا، جالعىز عانا جارىعى.
ورالمادى ءومىر-قىزدان الىستاپ،
اقيقاتتىڭ اۋىلى.

قىزدان وزگە سول ءۇمىتتىڭ نۇرلى-يگى
اقيقاتتىڭ ۇلى ەكەنىن بىلمەيدى.
اكە اۋىلىن سوناۋ ءۇمىت ۇلكەيىپ،
ىزدەپ ءالى ءجۇر دەيدى.

الاڭ جۇرتىم، كىم بىلەدى انىقتى،
جۇماقتى، الدە، بەتتەدى مە تامۇقتى؟
سول ءومىردىڭ سودان بەرى سىڭارى
جالعان بولىپ قالىپتى.

P.S. ءومىر-جالعان...



كەلۋ قاينارى: http://www.elarna.net/koru.php?tur=41&id=1033476

پىكىرلەر:

juz dep sifirmen jazingiz.