كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-1918849844 %56 %

الماتى وبلىسىندا 17 ادام قىزىلشامەن اۋىرعانى راستالدى | Serke.org


ءتۇرى: سەركە اقپاراتتارى

ۋاقىتى: 15:40 - 2019/01/26

: PDF Download - Жұктеұ - Скачать - ءتۇسىرۋ

elarna.net Printed Version.الماتى وبلىسىندا 17 ادام قىزىلشامەن اۋىرعانى راستالدى | Serke.org

الماتى وبلىسىندا 17 ادام قىزىلشامەن اۋىرعانى راستالدى

الماتى وبلىسىندا 17 ادامنىڭ قىزىلشا اۋرۋىنا شالدىققانى راستالدى، دەپ حابارلايدى ايماقتىق قوعامدىق دەنساۋلىق ساقتاۋ دەپارتامەنتىنە سىلتەمە جاساعان قازاقپارات.

"2018 جىلدىڭ 1 قاراشاسىنان باستاپ بۇگىنگى كۇنگە دەيىن باستاپقى دياگنوزبەن قىزىلشا اۋرۋىنا شالدىعۋدىڭ 39 وقيعاسى تىركەلگەن، سونىڭ ىشىندە 14 جاسقا دەيىنگى 35 بالا بار. ناۋقاستاردىڭ بارلىعى زەرتحانالىق تەكسەرۋدەن ءوتىپ، اۋرۋعا شالدىعۋدىڭ 17 وقيعاسى (46 پايىز) راستالدى، سونىڭ ىشىندە التى ادام - ءبىر جاسقا دەيىن ەكپە جاسالماعان بالالار، ۇشەۋىنە دەنساۋلىق جاعدايىنا بايلانىستى ەكپە جاسالماعان، تاعى ەكەۋى - ەكپەدەن باس تارتقاندار»، - دەپ ءتۇسىندىردى ۆەدومستۆودان.

باستاپقى دياگنوز قويىلعان بارلىق وقيعالار بويىنشا ەپيدەميولوگيالىق تەرگەۋ جانە ەپيدەمياعا قارسى ءىس-شارالار جۇرگىزىلىپ جاتقانى اتاپ وتىلەدى. ناۋقاستارمەن بايلانىستا بولعان 932 تۇلعا مەديتسينالىق باقىلاۋعا الىندى. ىندەت وشاقتارىندا ەپيدەميولوگيالىق كورسەتكىشتەر بويىنشا 76 ادامعا ۆاكتسينا ەگىلدى، ەپيدەمياعا قارسى شارالار جالعاستىرىلۋدا.

«بۇگىندە ىندەتتىڭ الدىن الىپ، ونىمەن كۇرەس جۇرگىزۋدىڭ ەڭ قولجەتىمدى ءارى ءتيىمدى ءادىسى - ۆاكتسينا ەگۋ. پروفيلاكتيكالىق ەكپە جاساۋ ۇلتتىق كۇنتىزبەسىنە سايكەس، بالالارعا قىزىلشا اۋرۋىنا قارسى ەكپە 12 ايىندا، سوسىن 6 جاسىندا قايتا جاسالادى. قالىپتاسقان يممۋنيتەت بۇل دەرتتەن قورعاپ، نەمەسە، جۇقتىرعان جاعدايدا ونىمەن جەڭىل تۇردە، اسقىنۋسىز اۋىرۋعا كومەكتەسەدى»، - دەپ باياندادى وبلىستىق قدسد-نەن.


كەلۋ قاينارى: http://www.elarna.net/koru.php?tur=39&id=939132

پىكىرلەر:

juz dep sifirmen jazingiz.