كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133195474366 %34 %

نازارباەۆ قازاقستاندىق تولەرانتتىقتى ساقتاۋدى سۇرادى | Serke.org


ءتۇرى: سەركە اقپاراتتارى

ۋاقىتى: 18:20 - 2019/01/23

: PDF Download - Жұктеұ - Скачать - ءتۇسىرۋ

elarna.net Printed Version.نازارباەۆ قازاقستاندىق تولەرانتتىقتى ساقتاۋدى سۇرادى | Serke.org

نازارباەۆ قازاقستاندىق تولەرانتتىقتى ساقتاۋدى سۇرادى

پرەزيدەنت نۇرسۇلتان نازارباەۆ جاستاردى بارلىق حالىق پەن كونفەسسيالاردىڭ قۇقىعىن قۇرمەتتەۋگە شاقىردى.

"قازاقستاندا ەتنوستاردىڭ كوپ بولۋىنا بايلانىستى ءتاتۋ-تاتتى ءومىر ءسۇرىپ، ءبىر-بىرىن قۇرمەتتەپ، شىداممەن قارايتىنى ءۇشىن ءبىزدى بۇكىل الەم قۇرمەتتەيدى دەپ ايتتىم. سوندىقتان دا ءداستۇرلى الەمدىك دىندەر سەزىن وتكىزۋدىڭ جالعىز ورنى - قازاقستان. باسقا جەر جوق. قازاقستان - مامىلەگە كەلەتىن ورىن، وسىنداي يگى الاڭ"، - دەدى پرەزيدەنت جاستار جىلىنىڭ اشىلۋ سالتاناتىندا سويلەگەن سوزىندە.

ول 17 كونفەسسيانىڭ وكىلدەرى قازاقستاندا ءوز ءدىني عيماراتتارىن ورناتقانىن ەسكە سالدى.

"بىزدە ەركىن جۇرەدى، ال باسقا جەرلەردە ول ءۇشىن ولتىرىلەدى. ءبىر-بىرىمىزدى ساقتاۋىمىز كەرەك. ءبىز ءوز ەلىمىزدىڭ پاتريوتى بولۋىمىز كەرەك، ءبىراق باسقا ادامداردىڭ قۇقىقتارىن قۇرمەتتەۋىمىز ءتيىس. وركەندەۋ سوندا بولادى"، - دەدى ول.

ونىڭ ايتۋىنشا، قويىلعان مىندەتتەردى ىسكە اسىرۋداعى ەرەكشە ءرولى "نۇر وتان"پارتياسىنا جۇكتەلگەن.

"قولدانىستاعى جوبالاردىڭ ىسكە اسىرىلۋىن باقىلاۋدى جۇزەگە اسىرا وتىرىپ، پارتيا بارلىق باعىت بويىنشا جاستار ساياساتىنىڭ درايۆەرىنە اينالۋى ءتيىس. ونىڭ مۇمكىندىگى دە بار - "جاس وتان" جاستار قاناتى. كومەكتەسە دە الادى جانە قارجىلاي قولداۋ بىلدىرە دە الادى. ءبىزدىڭ باستى فورمۋلا - كوپەتنيكالىق حالىق شارتى بويىنشا حالىقتىڭ بىرلىگى مەن ەتنوسارالىق كەلىسىمدى ساقتاۋ. اسسامبلەيا ەگەمەن قازاقستاننىڭ قۇندىلىقتارىن ىلگەرىلەتۋ، بىرلىكتى نىعايتۋداعى ۇرپاقتار ساباقتاستىعى جونىندەگى ناقتى باعدارلامانى قالىپتاستىرۋى ءتيىس. بارلىعىمىزدىڭ ءبىر عانا وتانىمىز بار"، - دەپ اتاپ ءوتتى پرەزيدەنت.

ەسكە سالايىق، 2019 جىل جاستار جىلى بولىپ جاريالاندى. وسى شارا ەلىمىزدە مەملەكەتتىك جاستار ساياساتىن جان-جاقتى قولداۋ مەن جۇزەگە اسىرۋعا باعىتتالعان اۋقىمدى ءىس-قيمىل جوسپارىن ىسكە اسىرۋعا باستاۋ بولماق.


كەلۋ قاينارى: http://www.elarna.net/koru.php?tur=39&id=937405

پىكىرلەر:

juz dep sifirmen jazingiz.