كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-14529148652 %48 %

اسىلبەك بايتانۇلى. ۇرىمتال سوزگە ۇتقىر جاۋاپ | ادەبيەت پورتالى


ءتۇرى: جۇلدىز جۋرنالى

ۋاقىتى: 14:00 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.

تابان استىندا تاۋىپ ايتۋ – ويى ۇشقىرلىقتىڭ، سوزگە شەبەرلىكتىڭ نىشانى. كەز كەلگەن جاعدايلارعا بايلانىستى بىردەن ءسوز تاۋىپ، جەڭىل ءازىل، اششى مىسقىل، ۋىتتى ساتيرا ارقىلى ەكىنشى جاقتاعى قارجىسىپ سۇحباتتاسقا نەمەسە ايتار ءسوزدىڭ ءسوز ورايى كەلىپ قالعان ادامىنا بەتىڭ-جۇزىڭ دەمەي، جۇيەلى ءسوزدى قاپىسىز سارت ەتكىزەر ۇتقىرلىق قازاق حالقىنا ءتان. قازاقتاردىڭ مۇنداي ەرەكشە قابىلەتىن باس يگەندەردىڭ ءبىرى ادولف يانۋشكەۆيچ بىلاي دەگەن جوق پا:

«دالالىق شەشەندەرمەن سالىستىرعاندا دەموسفەن، تسيتسەروندارىڭىز تۇككە تۇرمايدى. ال بۇگىن مەنىڭ الدىما كەلگەن وقي دا المايتىن، جازا دا بىلمەيتىن اقىندار وزدەرىنىڭ دارىندىلىقتارىمەن تاڭعالدىردى. ولاردىڭ ايتقان جۇيەلى سوزدەرى مەنىڭ جانىم مەن جۇرەگىمنەن ورىن الدى..».

جۇيەلى ءسوزدى تۇيدەكتەي بوراتىپ شەشەن سويلەۋ مەن جاعداياتقا بايلانىستى تابان استىندا جاۋاپ قاتۋ – ەكەۋى دە تاماشا قاسيەت. مۇنداي قابىلەت، ۇلى دالانىڭ ءتول بالاسى قازاققا عانا ءتان ەمەس. الەمنىڭ ءار تۇكپىرىندەگى حالىقتار وكىلدەرىنە ءتان. سونىڭ ىشىندە قولىنا قالام ۇستاعان جازۋشى قاۋىم تاۋىپ ايتار تاپقىرلىققا بەيىم تۇرماق. تومەندە وسىعا بىرەر مىسال كەلتىرمەكپىز.

تۇركمەننىڭ ايگىلى اقىنى كەمينەنىڭ (شىن ەسىمى مامەدالى) شەندەسكەندى شەنەپ تۇسەر وتكىر ازىلدەرى حالىق جادىندا ساقتالىپتى. سولاردىڭ ءبىرى مىناداي: ءبىر كۇنى كەمينە اقىننىڭ قۇلاعى توڭعاننان قىزارىپ، دەلديە ءىسىپ كەتەدى. مۇنى كورگەن يشان ۇستازى شاكىرتىنە بىلاي دەيدى:

- ەسەكتىڭ قۇلاعىن جاپسىرىپ العانسىڭ با؟ مىناۋ قۇلاعىڭا نە بولعان؟

سوندا يشاننىڭ ءوزىن ورايىن تاۋىپ ءاجۋالاپ تۇرعانىن اڭعارعان كەمينە جۇلىپ العانداي بىلاي دەپ جاۋاپ بەرىپتى:

- دۇرىس ايتاسىز، تاقسىر. ەسەكتى بولىسكە سالعاندا سىزگە باسى بۇيىرىپتى دا، ماعان قۇلاعى تيگەنى وسى عوي!

ۇرىمتال جەردەن تيگەن سوققى سوزگە جىعىلعان يشان ەشتەڭە دەي الماعان ەكەن.

تاعى بىردە كەمينە جاۋ جول ءجۇرىپ كەلە جاتادى. جۇرە-جۇرە تابانى اۋىرىپ، ابدەن شارشايدى. بولدىرىپ كەلە جاتقاندا سوڭىنان قۋىپ جەتكەن ءبىر موللا اقىندى ەسەگىنە مىنگەستىرىپ الادى. ەسەكتىڭ ارقاسىندا اياعىن سۋىتىپ، ەس جيناعان اقىن موللالاردىڭ ايتاتىن ۋاعىزىن يشارالاپ:

- جۇماق دەگەنىڭىز سونشالىقتى الىس ەمەس، بار بولعانى ەسەكتىڭ بويىنداي عانا بيىكتىككە ورنالاسقان ەكەن عوي! – دەگەن ەكەن.

ادەتتە، شىعارماشىلىق الەمىنەن تىس ماماندىق يەلەرى ءۇشىن اقىندار مەن جازۋشىلاردىڭ ءومىر ءسۇرۋ قالپى، ءناسىپ-ناپاقا تابۋى مۇلدە تۇسىنىكسىز عوي. وسىندايدان تۋعان جاعداياتتىڭ ءبىرى مىناداي: فرانتسۋز كلاسسيگى ۆيكتور گيۋگو كورشى ەل پرۋسسياعا ساپارلاپ بارادى. شەكارا وتكەلەگىندەگى جاندارم جازۋشىنىڭ انكەتاسىن تولتىرىپ جاتادى دا مىناداي سۇراق قويادى:

- نەمەن شۇعىلداناسىز؟

- جازامىن، - دەپ جاۋاپ بەرەدى جازۋشى.

- مەن سىزدەن كۇنكورىس ءۇشىن قاراجاتتى قالاي تاباسىز دەپ سۇراپ تۇرمىن، - دەپ قاباعىن شىتادى شەكارا قىزمەتكەرى. سوندا گيۋگو:

- قالاممەن، - دەپ قىسقا ءارى سابىرلى تۇردە جاۋاپ بەرەدى.

سوندا جاندارم جازۋشىنىڭ انكەتاسىنا «ۆيكتور گيۋگو، قالام ساتۋشى» دەپ تولتىرعان ەكەن.

جازۋشىلاردىڭ كوبىسى جاس شاعىندا گازەت-جۋرنالدار رەداكتسيالارىندا، باسپاحانادا قىزمەت اتقارىپ، وزگەلەردىڭ جولداعان تۋىندىلارىن تۇزەپ-كۇزەۋمەن شۇعىلدانعانعانى بەلگىلى. ادامدى قاجىتاتىن جۇمىس، ارينە. اۆتورعا تۇزەتۋشىنىڭ جولداعان جاۋاپ حاتتارىنداعى ۇتىمدى قىجىرتپالاردىڭ توپانى دا ءبىرشاما. سولاردىڭ ءبىرى اعىلشىن جازۋشىسى ارتۋر كونان دويلگە تيەسىلى: جۇرتقا تانىلماعان بەلگىسىز جاس جازۋشى رومان جازىپ، قولجازباسىن كونان دويلگە جولدايدى دا، باعا بەرۋىن وتىنەدى. ءبىراز كۇننەن كەيىن اۆتور قولجازباسىمەن قوسا مىناداي حات العان ەكەن. «تاماش كىتاپ! قىلمىسكەردىڭ جان دۇنيەسىن تولىق اشۋى جاعىنان عانا ەمەس، وزگەلەردەن سيۋجەت ۇرلاۋ جاعىنان دا اۆتوردىڭ تالانتى تاڭقالارلىق ەكەن!».

نەمىستىڭ كورنەكتى جازۋشىسى تەودور فونتانە دە گازەتتە رەداكتور بولىپ قىزمەت اتقارىپ ءجۇرىپتى. ءبىر كۇنى اۆتورلاردىڭ بىرىنەن ولەڭ كەلىپ تۇسەدى. وركوكىرەكتەۋ بىرەۋ بولسا كەرەك، ولەڭگە جازىلعان تۇسىنىكتەمە حاتىندا اۆتور بىلاي دەپ جازعان ەكەن: «ولەڭگە قاجەت بولسا دا ءۇتىر قويعانىم جوق. ءۇتىردى قاجەت دەگەن جەرلەرىڭىزگە ءوزىڭىز قويارسىز».

مۇنداي كىسىمسىنگەن اۆتورعا دەگەن ءوزىنىڭ رەنىشى مەن مىسقىلىن فونتاجە ولەڭدى اۆتورعا قايتارا، وتىرىپ، حات ارقىلى بىلايشا جازىپ جىبەرىپتى:

- كەلەسى جولى ىلعي ۇتىرلەر جىبەرىڭىز. ولەڭدى مەن ءوزىم دە جازامىن.

قالامگەر قاۋىمىنىڭ ومىرىندە كەز كەلگەن كۇردەلى جاعدايدى دا، ادام تاعدىرىنداعى بۇرالاڭ بۇرىلىستاردى دا استارلى ازىلگە شابىستىرىپ كەتەتىن جاعدايلار از بولمايدى. سولاردىڭ ءبىرى – ونورە دە بالزاك. ءبىر كۇنى فرانتسۋزدىڭ ۇلى جازۋشىسى ءۇيىنىڭ سىرتقى ەسىگىن بەكىتۋدى ۇمىتىپ كەتكەن ەكەن. توسەگىنە جاتىپ، كوزى ەندى ىلىنە بەرگەندە، ۇيىنە ۇرى كىرىپ كەلەدى. بولمەنىڭ قاي تۇسىندا نە بارىن بىلەتىن بىرەۋ بولسا كەرەك، قاراڭعىدا توسكتەگى جازۋشىنى كورمەيدى، ساندىققا بارىپ قارمالانا باستايدى. ساندىقتى اشىپ، ءىشىن اقتارا جونەلگەندە، جازۋشى جايباراقات بىلاي دەگەن ەكەن: «دوستىم، ءسىز عوي ەشقانداي جارىقسىز، ءتۇن ىشىندە اقشا ىزدەپ كەلدىڭىز. ال مەن ول جەردەن كۇن ساۋلەسىن توگىپ تۇرعان ۋاقىتتا دا ەشتەڭە تاپپاعانمىن».

بالزاكقا بىردە تانىس جەسىر ايەل جولىعىپ، وسىمەنەن ءۇشىنشى رەت كۇيەۋگە شىققالى جاتقانىن ايتىپ، جاڭالىعىمەن بولىسەدى.

- ءيا، قۇتتى بولسىن! سوندا سىزبەن قوسىلايىن دەپ ماڭدايى جارقىراپ تۇرعان ول ادام كىم بولىپ جۇمىس ىستەيدى؟ – دەپ سۇرايدى جازۋشى.

- شاراپ جاسايتىن زاۋىتتىڭ قوجايىنى.

- و، وندا ماسەلە ايقىن بولدى. ول ەسكى شاراپتاردىڭ ءمان-جايىن جاقسى بىلەتىن ادام عوي – دەگەن ەكەن. اناۋ ايەل ءتۇسىندى مە، جوق پا، ول جاعى بەيمالىم.

شىعارماشىلىق، ونەر ادامدارىنىڭ رۋحاني الەمى – كوبىنەسە، بىلايعى جۇرتقا جۇمباق قوي. ولار بولماسا، ادامزات قوعامىنىڭ تىنىس-تىرشىلىگى بىروڭكەي سۇرعىلت رەڭكتە كۇي كەشكەن بولار ەدى. اشىق كوڭىلدەن جارقىن ءازىل. ء«ازىلى جوقتىڭ قوينىندا بالتاسى بار» دەمەكشى، ءازىلدى ايتا ءبىلۋ دە، ءتۇسىنىپ، كوتەرە ءبىلۋ دە – ادامزاتتىڭ اسىل قاسيەتى عوي.



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1058182

پىكىرلەر:

juz dep sifirmen jazingiz.