كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-1920955644 %56 %

13 ماۋسىم. قازاقپارات كۇنتىزبەسى


ءتۇرى: قازاقپارات جاڭالىقتارى

ۋاقىتى: 07:03 - 2019/06/13

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات - قازاقپارات وقىرماندارىنا 2019 جىلعى 13 ماۋسىمعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق البينيزم تۋرالى اقپارات تاراتۋ كۇنى

بۇۇ باس اسسامبلەياسىنىڭ 2014 جىلعى 18 جەلتوقسانداعى A/RES/69/170 قارارىمەن بەكىتىلگەن. 2015 جىلدان بەرى جىل سايىن تويلانادى.

البينيزم - تەرىگە، شاشقا، كوزدىڭ شاتىرشا قابىعىنا ءتۇس بەرىپ تۇراتىن مەلانين پيگمەنتىنىڭ تۋمىسىنان بولماۋى ارقىلى كورىنىس تاباتىن اۋرۋ. ول ادام ورگانيزمىندە مۇلدە بولماۋى دا مۇمكىن، تاپشى بولۋى دا مۇمكىن.

ەستە قالار وقيعالار

1924 جىلىورىنبوردا قازاق عالىمدارىنىڭ 1-سەزى باستالدى. ماۋسىمنىڭ 18-نە دەيىن سوزىلعان بۇل جيىندا قازاق فولكلورىن جيناۋ، زەرتتەۋ تۋرالى قاۋلى قابىلداندى.

1994 جىلى قازاقستاننىڭ وتىن-ەنەرگەتيكا الەۋەتىن پايدالانۋ سالاسىنداعى مەملەكەتتىك ساياساتتى تيىمدىرەك جۇرگىزۋ ماقساتىندا قر ەنەرگەتيكا جانە وتىن رەسۋرستارى مينيسترلىگى ەكىگە ءبولىنىپ، ەنەرگەتيكا جانە كومىر ونەركاسىبى مينيسترلىگى مەن مۇناي جانە گاز ونەركاسىبى مينيسترلىگى قۇرىلدى.

1996 جىلىەلباسى نۇرسۇلتان نازارباەۆتىڭ جارلىعىمەن ەنەرگەتيك، تەحنيكا عىلىمىنىڭ دوكتورى، پروفەسسور، قازاق سسر عا-نىڭ اكادەميگى، قازاق ءسسر-ىنىڭ ەڭبەك سىڭىرگەن عىلىم قايراتكەرى، قازاق سسر مەملەكەتتىك سىيلىعىنىڭ لاۋرەاتى شافىق شوكينگە «حالىق قاھارمانى» اتاعى بەرىلدى.

2011 جىلى قازاقستان سپورتىنىڭ تاريحىندا العاش رەت ازيا تەننيس فەدەراتسياسى ديرەكتورلار كەڭەسىنە قازاقستان تەننيس فەدەراتسياسىنىڭ وكىلى، فەدەراتسيانىڭ ۆيتسە-پرەزيدەنتى ءادىل بورلىباەۆ كىردى.

2011 جىلىالماتىدا «ەر توستىك» انيماتسيالىق فيلمدەرىنىڭ ءى قازاقستاندىق فەستيۆالى باستالدى. ول قازاقستانداعى انيماتسيا دامۋىنىڭ پروبلەمالارىنا نازار اۋدارتۋ ءۇشىن ۇيىمداستىرىلعان. ۇيىمداستىرۋشىسى - شاكەن ايمانوۆ اتىنداعى «قازاقفيلم» اق.

2012 جىلى استاناداعى قر ۇلتتىق اكادەميالىق كىتاپحانادا ميحايل تەرەنتەۆتىڭ (1837-1909) «يستوريا زاۆوەۆانيا سرەدنەي ازي س كارتامي ي پلانامي» اتتى ءۇش تومدىق ەڭبەگىنىڭ فاكسيميلدىك باسىلىمى تانىستىرىلدى. كىتاپ العاش رەت 1906 جىلى سانكت-پەتەربۋرگ قالاسىندا جارىق كورگەن. كىتاپتىڭ ءتۇپنۇسقاسى قر ۇاك سيرەك كىتاپتار مەن قولجازبالار قورىندا ساقتاۋلى.

2012 جىلىقر ۇلتتىق ارحيۆىندە قازاقستان رەسپۋبليكاسىنىڭ «قر مەملەكەتتىك رامىزدەرى تۋرالى» زاڭىنىڭ قابىلدانعانىنا 20 جىل تولۋىنا وراي «رامىزدەر - تاۋەلسىزدىك بەلگىسى» قۇجاتتار كورمەسى وتكىزىلدى. كورمەگە قازاقستاننىڭ ەگەمەندىك الۋ تاريحىنان سىر شەرتەتىن 150-دەن استام قۇجات قويىلدى. ولار قر پرەزيدەنتى اكىمشىلىگىنىڭ، قر پارلامەنتىنىڭ، قر پرەمەر-مينيسترى كەڭسەسىنىڭ، «نۇر وتان» پارتياسىنىڭ ارحيۆتەرىنەن الىندى.

2013 جىلىقر پرەزيدەنتى نۇرسۇلتان نازارباەۆ رەسمي ساپارمەن وزبەكستان رەسپۋبليكاسىنا باردى. مەملەكەت باسشىسى وزبەكستانداعى قازاقستان ەلشىلىگىنىڭ جاڭا عيماراتى مەنتاشكەنتتەگى «اباي» ەسكەرتكىشىنىڭ اشىلۋىنا قاتىستى.

قازاقستان مەن وزبەكستان اراسىنداعى ديپلوماتيالىق قارىم-قاتىناس 1992 جىلدىڭ 23 قاراشاسىندا ورناعان. ەكىجاقتى قارىم-قاتىناس ماڭگىلىك دوستىق تۋرالى كەلىسىم جانە ەكونوميكالىق ىنتىماقتاستىقتى تەرەڭدەتۋ تۋرالى كەلىسىم قۇجاتتارىنا نەگىزدەلگەن.

2013 جىلى الماتىداعى قر ورتالىق مەملەكەتتىك مۋزەيىندە نەمىستىڭ بەلگىلى ديزاينەرى، سۋرەتشى ءارى فوتوگراف بەرند لۋتستىڭ KazArtPop كورمەسى اشىلدى. وندا پوپ-ارت ستيلىندەگى 40-تان استام جۇمىس كورسەتىلدى. سۋرەتتەردىڭ باسىم كوپشىلىگى قازاقستان تاقىرىبىنا ارنالدى.

2014 جىلىشۆەتسيانىڭ يونچيوپينگ قالاسىنداعى يست ۆەتتەرن سكارپ بيوسفەرالىق قورىعى اۋماعىندا يۋنەسكو-نىڭ «ادامزات جانە بيوسفەرا» باعدارلاماسى اياسىندا حالىقارالىق ۇيلەستىرۋشى كەڭەس وتىرىسى ءوتتى. كەڭەس بارىسىندا دۇنيەجۇزىلىك بيوسفەرالىق قورىقتار جەلىسىنە «قاتونقاراعاي» مەملەكەتتىك ۇلتتىق تابيعي پاركى مەن «اقجايىق» بيوسفەرالىق اۋماعى ەنگىزىلدى.

2017 جىلىجۋالى اۋدانىنىڭ بەرىكقارا شاتقالىنداعى «تاۋ سامالى» تۋريستىك كەشەنىنە قاراي سالىنىپ جاتقان جولدىڭ 3-شاقىرىمىنان ءبىزدىڭ زامانىمىزعا دەيىنگى II عاسىردان - ءبىزدىڭ زامانىمىزدىڭ V عاسىرى ارالىعىنداعى كەزەڭگە ءتان جەرلەۋ داستۇرلەرىنە تيەسىلى تاڭعاجايىپ ماتەريالدار تابىلدى.

2017 جىلىقازاقستاندىق ءانشى ديماش قۇدايبەرگەن «2017 MTV Global Chinese Music Awards» بايقاۋىنىڭ «ۇزدىك شەتەلدىك تانىمال ءانشى» اتالىمىندا جەڭىمپاز بولدى.

ديماشتىڭ كانديداتۋراسى بايقاۋدا «ۇزدىك شەتەلدىك تانىمال ءانشى» جانە «ەڭ تانىمال جاڭا ءانشى» اتالىمدارىنا ۇسىنىلعان بولاتىن. قازاقستاندىق جاس ونەرپاز قىتايدىڭ تانىمال 8 ەسترادا انشىسىمەن باسەكەلەسكەن ەدى.

2018 جىلى تارازداعى ەرتە يسلام كەزەڭىندە سالىنعان ەڭ كونە مەشىت رەستاۆراتسيالانعاننان كەيىن جامبىل ءوڭىرىنىڭ بىرەگەي تۋريستىك نىسانى مارتەبەسىن الدى.

ەجەلگى مەشىتتىڭ قالدىقتارىن 2006 جىلى ءا.مارعۇلان اتىنداعى ارحەولوگيا ينستيتۋتىنىڭ ءبىر توپ مامانى تاپتى. بۇرىن نەستوريان حرامى بولعان عيمارات VII عاسىردا مەشىتكە اينالدىرىلعان. ارحەولوگيالىق قازبا جۇمىستارى كەزىندە ەرتە حريستيان ءدىنىنىڭ نەستوري باعىتىنا جاتاتىن دەرەكتەر تابىلدى.


كەلۋ قاينارى: http://www.elarna.net/koru.php?tur=3&id=1008272

پىكىرلەر:

juz dep sifirmen jazingiz.