كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-24497243046 %54 %
2019-08-25515257448 %52 %
2019-08-265131542 %58 %

استانادا ونىنشى مەشىت ەسىگىن ايقارا اشتى (فوتو) - Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 20:40 - 2019/07/07

: PDF Download - Жұктеұ - Скачать - ءتۇسىرۋ

elarna.net Printed Version.استانادا ونىنشى مەشىت ەسىگىن ايقارا اشتى (فوتو) - Sunna.kz

بۇگىن استانا قالاسىندا “اق مەشىت” مەشىتىنىڭ اشىلۋ سالتاناتى ءوتتى. يگى شاراعا قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى وراز قاتىستى، – دەپ حابارلايدى قمدب ءباسپاسوز قىزمەتى.

سالتاناتتى شارا سادۋاقاس قاجى عىلماني مەنىشىتىنىڭ باس يمامى جۇمانازار وسەرحانۇلىنىڭ قاسيەتتى قۇران وقۋىمەن اشىلدى. قمدب ءتوراعاسىنىڭ ءبىرىنشى ورىنباسارى، نايب ءمۇفتي ناۋرىزباي قاجى تاعانۇلى العاشقى ءسوزدى باس مۇفتيگە ۇسىندى.

“مەشىت – سۇيىسپەنشىلىك پەن باۋىرمالدىقتىڭ، يگىلىك پەن ىزگىلىكتىڭ، بىرلىك پەن مەيىرىمدىلىكتىڭ، بارشا جاقسىلىقتىڭ توعىسقان قۇتتى مەكەنى. مەشىت – اللانىڭ ءۇيى. ادامزات بالاسىنىڭ رۋحاني تۇرعىدان دامۋى مەن پەندەنىڭ تۇلابويىنا ادامگەرشىلىك قۇندىلىقتاردى ۇيالاتۋدا مەشىتتىڭ ورنى قاشان دا ماڭىزدى. قازاق توپىراعىندا بوي كوتەرگەن مەشىتتەردىڭ ءتالىم مەن تاعىلىمنىڭ، ءبىلىم مەن عىلىمنىڭ رۋحاني ورداسىنا اينالعانى وسىنىڭ ايعاعى. بۇل مەشىت قۇلشىلىقتىڭ عانا ورداسى بولىپ قالماي، رۋحاني ءھام مادەني-اعارتۋ، قوعامدىق كەلىسىم مەن بىرلىك پەن بەرەكەنىڭ وشاعىنا اينالادى دەگەن سەنىمدەمىن. جاڭا مەشىت، سونىمەن قاتار ءسالت-داستۇرىمىزدىڭ، تاعىلىمعا تولى تاريحىمىزدىڭ ناسيحاتشىسى، ءدىني ءھام عىلىمي جاڭالىقتاردىڭ ءارى قايىرىمدىلىقتىڭ ورتالىعى بولادى. راسىندا، ءومىردىڭ تىرشىلىكسىز، ال تىرشىلىكتىڭ قۇلشىلىقسىز قۇنى جوق. يسلام ءدىنى تىرشىلىك پەن قۇلشىلىقتى قاتار ۇيلەستىرىپ، ونەگەلى ءومىر سالتىن ساباقتاستىرىپ، عۇمىر كەشۋگە ۇندەيدى. پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ءوزىنىڭ قاسيەتتى حاديس-شاريفىندە: «اللا تاعالا مەشىتتى جاقسى كورگەن پەندەنى جاقسى كورەدى»، – دەگەن. تاعى ءبىر حاديستە ايتىلعانداي، «مەشىت سالعان ادام ءۇشىن اللا تاعالا ءجانناتتا ساراي تۇرعىزادى». مەشىت سالۋ – ساۋابى ۇزىلمەيتىن ساۋاپتى ءىس! وسى رەتتە مەشىتتى سالعان ازاماتتارعا ايرىقشا العىسىمدى بىلدىرەمىن”، – دەدى سەرىكباي قاجى ساتىبالدىۇلى.

وسىدان كەيىن باس ءمۇفتي جۇما ۋاعىزىن ايتىپ، جۇما نامازىن جۇرگىزدى.

ايتا كەتەيىك، “اق مەشىتتە” ءبىر مەزەتتە 1200 ادام قۇلشىلىعىن وتەي الادى. مەشىت جانىندا مەدرەسە سالىنعان.

باس ءمۇفتي بۇيرىعىمەن بەلگىلى ءدىن قىزمەتكەرى داۋرەن ءمۇسلىموۆ “اق مەشىتتىڭ” باس يمامى قىزمەتىنە تاعايىندالدى.


كەلۋ قاينارى: http://www.elarna.net/koru.php?tur=18&id=1020441

پىكىرلەر:

juz dep sifirmen jazingiz.