كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

اشۋرا ورازاسىنىڭ ارتىقشىلىعى


ءتۇرى: قازاقستان مۇفتيات جاڭالىقتارى

ۋاقىتى: 20:00 - 2019/09/08

: PDF Download - Жұктеұ - Скачать - ءتۇسىرۋ

elarna.net Printed Version. اشۋرا ورازاسىنىڭ ارتىقشىلىعى


ۇكىمى: اشۋرا كۇنىنىڭ ورازاسى مىندەتتى ەمەس، ءناپىل ورازالاردان. رامازان ايىندا ورازا تۇتۋ پارىز ەتىلگەن سوڭ پايعامبار (اللانىڭ وعان سالاۋاتى مەن سالەمى بولسىن) اشۋرا كۇنىندە ورازا تۇتۋدى ساحابالاردىڭ ەركىنە قالدىرعان ەدى. دەگەنمەن، ورازا ۇستاعان مۇسىلمان ۇلكەن ساۋاپقا يە بولماق. ءارى بۇل ورازا بولسا، ونىڭ وتكەن جىلدا جاساعان كۇنالارىنا وتەم بولاتىنى جايلى دا ايتىلعان.

اللا ەلشىسى (اللانىڭ وعان سالاۋاتى مەن سالەمى بولسىن) رامازان ايىنىڭ پارىز ورازاسى مەن اشۋرا كۇنىنىڭ ورازاسىن ەرەكشە كۇتىپ، تۇتقان.

عَنْ ابْنِ عَبَّاسٍ رَضِيَ اللَّهُ عَنْهُمَا قَالَ: «مَا رَأَيْتُ النَّبِيَّ صَلَّى اللهُ عَلَيْهِ وَسَلَّمَ يَتَحَرَّى صِيَامَ يَوْمٍ فَضَّلَهُ عَلَى غَيْرِهِ إِلاَّ هَذَا الْيَوْمَ يَوْمَ ءعَاشُورَاَ وَهَذَا الشَّهْرَ يَعْنِي شَهْرَ رَمَضَانَ». رَوَاهُ الْبُخَارِيُّ.

يبن ابباس (ر.ا.) بىلاي دەيدى: «مەن پايعامباردىڭ (اللانىڭ وعان سالاۋاتى مەن سالەمى بولسىن) اشۋرا كۇنى جانە رامازان ايىنان وزگە كۇندى ورازا تۇتۋ ءۇشىن ارداقتاپ، كۇتكەنىن كورمەدىم»، – دەگەن. بۇحاري ريۋايات ەتكەن.

حانافي مازھابىنىڭ عالىمدارى اشۋرا ورازاسىن ۇستاۋ - سۇننەت بولىپ سانالادى دەپ بەلگىلەگەن. الايدا، اشۋرا كۇنىن جەكە تۇتپاي، وعان الدىڭعى، نە كەيىنگى كۇندى قوسىپ تۇتۋى كەرەك. ويتكەنى، اشۋرا كۇنى عانا ورازا تۇتۋ ياھۋديلەردىڭ امالىنا ۇقساپ قالۋى مۇمكىن. سوندىقتان اشۋرا كۇنىن جەكە-دارا تۇتقاندى ءتانزيھان ماكرۇھ (كۇناسى از ۇنامسىز ءىس) دەپ ايتىلعان. ولار دالەل رەتىندە تومەندەگى ءحاديستى العا تارتقان.

عَنْ ابْنِ عَبَّاسٍ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «صُومُوا يَوْمَ ءعَاشُورَاَ وَخَالِفُوا الْيَهُودَ وَصُومُوا قَبْلَهُ يَوْمًا وَبَعْدَهُ يَوْمًا». رَوَاهُ أَحْمَدُ.

يبن ابباستىڭ (ر.ا.) ايتۋىنشا اللانىڭ ەلشىسى (اللانىڭ وعان سالاۋاتى مەن سالەمى بولسىن):«اشۋرادا ورازا تۇتىڭدار جانە ياھۋديلەرگە كەرى ءىس جاساپ، الدىڭعى نە كەيىنگى كۇندى دە تۇتىڭدار»،– دەگەن. احمەت ريۋايات ەتكەن.

حانافي مازھابىنداعى اتاقتى ءپاتۋا ەڭبەكتەرىنىڭ ءبىرى بولعان ء«ال-فاتاۋا ءال-ھينديا» اتتى كىتاپتا «اشۋرا كۇنىمەن بىرگە ونىڭ الدىنداعى مۇحاررام ايىنىڭ توعىزىنشى كۇنىن بىرگە تۇتۋ سۇننەت. ال اشۋرا كۇنىن جالعىز تۇتۋ ماكرۇھ» دەلىنگەن. دەگەنمەن، وزگە مازھابتاردا اشۋرا كۇنىن جالعىز تۇتۋ ماكرۇھ ىسكە سانالمايدى.

يبن حاجار ءال-اسقالاني ءوزىنىڭ «فاتحۋل-باري» اتتى ەڭبەگىندە: «اشۋرا ورازاسى ءۇش دەڭگەيلى: ەڭ ازى سول كۇندى عانا تۇتۋ; ەكىنشىسى ونىڭ الدىنداعى كۇنمەن بىرگە تۇتۋ; ەڭ كوبى الدىنداعى جانە ارتىنداعى كۇندەرمەن قوسىپ ءۇش كۇن ەتىپ تۇتۋ».

قالاي بولماسىن، ءناپىل ورازا تۇتۋ اللا رازىلىعىنا جەتكىزىپ، كۇنانىڭ كەشىرىلۋىنە سەبەپ بولاتىن اسا ساۋاپتى عيبادات بولماق.

ەسكەرتۋ! بيىل (2019 جىل) اشۋرا كۇنى قىركۇيەك ايىنىڭ 9-جۇلدىزىنا سايكەس كەلەدى!


كەلۋ قاينارى: http://www.elarna.net/koru.php?tur=16&id=1045239

پىكىرلەر:

juz dep sifirmen jazingiz.