كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-14529148652 %48 %

پاۆلودار وبلىسىدا جاستار جىلى اياسىندا نەكە قيۋ زالى اشىلدى - جاڭالىقتار | BNews


ءتۇرى: Bnews.kz جاڭالىقتارى

ۋاقىتى: 10:00 - 2019/02/11

: PDF Download - Жұктеұ - Скачать - ءتۇسىرۋ

elarna.net Printed Version.
پاۆلودار وبلىسىدا جاستار جىلى اياسىندا نەكە قيۋ زالى اشىلدى

اقسۋ قالاسىندا بىلتىرعى جىلى 490 وتباسىنىڭ نەكەسى قيىلدى.

قالاداعى ءيمانجۇسىپ قۇتپانۇلى اتىنداعى سپورت سارايى عيماراتىنىڭ جانىنان احاج ءبولىمى اشىلدى، دەپ حابارلادى pavlodarnews.kz. 

"ازاماتتىق حال-اكتىلەرىن تىركەۋ ءبولىمى ادام ءومىرىنىڭ ەڭ ماڭىزدى بەلەسى – وتباسىن قۇرۋ ءراسىمىنىڭ ەرەكشە قۋانىش ەكەنىن ايشىقتاۋ، ۇمىتىلماستاي ەستە قالدىرۋ ءۇشىن قىزمەت ەتەتىن بولادى. جاڭادان ەڭسە تىكتەيتىن بولىمدە ازاماتتىق حال-اكتىلەرىن جازۋ قىزمەتى ءۇشىن بارلىق جاعداي جاسالاتىن بولادى. جاڭا ورىن نەكەگە وتىراتىن جاستاردىڭ كوبەيىپ، بەرەكەسى مىقتى وتباسىلاردىڭ قاتارىن تولىقتىراتىنىنا سەنىمدىمىن"، - دەدى نىساننىڭ اشىلۋ سالتاناتىنا قاتىسقان اقسۋ قالاسىنىڭ اكىمى بالعاباي ىبىراەۆ.

احاج ءبولىمىنىڭ تۇساۋى كەسىلگەن كۇنى اسىلبەك قابدراش پەن ورالسىن نۇرقابىل العاشقى بولىپ جاڭا تۋعان نارەستەلەرى ايزەرەنىڭ تۋ تۋرالى كۋالىگىن الدى. قالا اكىمى جاس اتا-اناعا دەنساۋلىق پەن باقىت تىلەپ، ءسابيدىڭ تۋ تۋرالى كۋالىگى مەن مەن ەستەلىك سىيلىق تابىس ەتتى.

"ۇيلەنۋ تويىمىز مەكەمەنىڭ اشىلۋىمەن تۇسپا-تۇس كەلگەنىنە، العاشقى بولىپ نەكە قيدىرىپ وتىرعانىمىزعا قۋانىشتىمىز. قالا اكىمىنىڭ قولىنان نەكە كۋالىگىن الدىق. ءبىز باقىتتىمىز"، - دەيدى جاس جۇبايلار.

مەتاللۋرگتەر شاھارىندا جىل سايىن وتباسىن قۇرعانداردىڭ سانى ارتىپ كەلەدى. مىسالى، 2017 جىلى 461 نەكە قيىلسا، 2018 جىلى 490 وتباسى نەكەگە وتىرعان. بيىل قاڭتار ايىندا وتىز شاڭىراق وتاۋ قۇرعان. 

ايتا كەتەرلىگى، بۇعان دەيىن احاج ءبولىمى  تار عيماراتتا ورنالاسقان ەدى جانە نەكە قيۋ زالى بولماعان. تۇرعىندار تاراپىنان بىرنەشە جىل قاتارىنان كوتەرىلىپ كەلە جاتقان ماسەلە بيىل شەشىمىن تاپتى. جاڭا ورىن جالپى اۋماعى 130 شارشى مەتردى الادى. بۇل جەردە نەكە قيۋ زالى، مۇراعات جانە بىرنەشە كابينەت ورنالاسقان. 

بىزدىڭ Telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!


كەلۋ قاينارى: http://www.elarna.net/koru.php?tur=1&id=947946

پىكىرلەر:

juz dep sifirmen jazingiz.