كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-131000392439 %61 %
2019-09-14785288944 %56 %
2019-09-15946325237 %63 %

ءدوربىلجىن اۋدانىنىڭ ەلەكتروندى ساۋدا تەكشەسى حالىققا قولايلىلىق اكەلدى


ءتۇرى: ىلە ايماعى اقپاراتتارى

ۋاقىتى: 23:20 - 2018/11/10

: PDF Download - Жұктеұ - Скачать - ءتۇسىرۋ

elarna.net Printed Version.ءدوربىلجىن اۋدانىنىڭ ەلەكتروندى ساۋدا تەكشەسى حالىققا قولايلىلىق اكەلدى

 

    10 – ايدىڭ 29 – كۇنى ءدوربىلجىن اۋدانى مارالسۋ قالاشىعى مارالسۋ مال شارۋاشىلىق قىستاعىنىڭ مالشىسى ەربولات راقىمبەك ۇلى 200 تۇياق ەمىل اق قويىن شينجياڭ مايلى ازىق – تۇلىك سەرىكتىگىنە اپارىپ سويعىزىپ، ەتىن مۇشەلەپ ءبولدىرىپ، قوراپتاتىپ، سول كۇنى حاڭجوۋعا جونەلتتى. بىلتىردان قازىرگە دەيىن ول مىڭ تۇياق ەمىل اق قويىن ساتىپتى.

    ونىڭ ەمىل اق قويى ەتىن جەرگىلىكتى بازار باعاسىنان قىمبات باعادا حاڭجوۋعا ساتۋى ءدوربىلجىن اۋداندىق ەلەكتروندى ساۋدادان قىزمەت وتەۋ ورتالىعى سىندى تەكشەنىڭ پايداسى ەدى.

    بۇل تەكشەنىڭ پايداسى جونىندە ەربولات راقىمبەك ۇلى: «بۇرىن مال ساتقاندا باعانىڭ ارزان بولۋىنان الاڭدايتىن ەدىك، ەلەكتروندى ساۋدا تەكشەسى ءبىزدى الاڭداۋشىلىقتان ارىلتتى» – دەدى.

    ءدوربىلجىن اۋداندىق مال شارۋاشىلىعى – مال شيپاگەرلىگى مەكەمەسىنىڭ باستىعى ەربولات بەيسەنقان ۇلىنىڭ تانىستىرۋىنشا،10 ميلليون 490 مىڭ مۋ جايىلىمى بار ءدوربىلجىن اۋدانىنىڭ زالالسىز مال شارۋاشىلىق ونىمدەرى اسا مول بولىپ، شينجياڭ قوڭىر سيىرى، ەمىل اق قويى سياقتى ءناسىلدى تۇلىكتەردىڭ جەمدەپ باعىلۋ مولشەرى ءبىر ميلليون 500 مىڭ باسقا (تۇياق) جەتىپ، بىلتىردىڭ وزىندە 695 مىڭ باس (تۇياق) مال بازارعا سالىنىپ، مۇنىڭ ىشىندە، قورادا قالدىرىلعان ەمىل اق قويى سانى 40 مىڭ تۇياققا جەتكەن. الايدا تيجارات ۇلگىسى جالاڭ بولعاندىقتان ءدوربىلجىن اۋدانىنىڭ زالالسىز مال شارۋاشىلىق ونىمدەرىنە ماندىمدى بازار اشا الماي كەلگەن.

    2015 – جىلى ءدوربىلجىن اۋدانى زىفىڭ اۋىل شارۋاشىلىق ساۋدا بازارىنان ءدوربىلجىن اۋداندىق ەلەكتروندى ساۋدادان قىزمەت وتەۋ ورتالىعىن قۇرىپ، بىلتىر 8 – ايدا « ەلەكتروندى ساۋدا + كاسىپ»،« ەلەكتروندى ساۋدا + كاسىپ كوزىن اشۋ»،«ەلەكتروندى ساۋدا + كەدەيلەردى سۇيەمەلدەۋ» سىندى جوسپارلاردى رەسمي اتقاردى. «ءبىر جىل اينالىمعا ءتۇسۋ ارقىلى كەدەي وتباسىنان 40 ادام كاسىپتەنىپ، ايلىق كىرىستەرى 3 مىڭ يۋاننان استى. قازىرگە دەيىن گۋاڭجوۋ، شاڭحاي، بەيجيڭ، حاڭجوۋ سياقتى جەرلەرگە ءبىر مىڭ 600 توننادان استام ساپالى مال ەتى ساتىلىپ، تۇتاس اۋدانىمىزداعى 500 دەن استام وتباسىنىڭ 50 مىڭ تۇياقتان استام ەمىل اق قويى مەن 2 مىڭ باستان استام شينجياڭ قوڭىر سيىرىن قامتىپ، اۋىل – قىستاق تۇرعىندارى ەلەكتروندى ساۋدانىڭ پايداسىنان شىن مانىندە يگىلىكتەندى» دەدى ءدوربىلجىن اۋداندىق ەلەكتروندى ساۋدادان قىزمەت وتەۋ ورتالىعىنىڭ جاۋاپتىسى سۇي جياندى.

    قازىرگە دەيىن شينجياڭ مايلى ازىق – تۇلىك شەكتى سەرىكتىگى، شيندا تۇڭچۋاڭ بيو – تەحنيكالىق ينجەنەريا شەكتى سەرىكتىگى، ءدوربىلجىن تيانحى – يۋان ەكولوگيالىق اۋىل شارۋاشىلىعى شەكتى سەرىكتىگى، ءدوربىلجىن فىڭمين قاز ەتى ونىمدەرى كاسىپتىك سەلبەستىك كووپەراتيۆى، ءدوربىلجىن جۋشى كۇنباعىس ەگىمشىلىگى سەلبەستىك كووپەراتيۆى، ءدوربىلجىن شينمۋ باعىمشىلىق كاسىپتىك سەلبەستىك كووپەراتيۆى سياقتى كاسىپورىندار ءدوربىلجىن اۋداندىق ەلەكتروندى ساۋدادان قىزمەت وتەۋ ورتالىعىنا ىرگە تەپتى.



    وسى تەكشەنىڭ جەبەۋىندە «سانجياڭنۇڭ» ماركالى قوي ەتى، «جىبەك جولى» ماركالى كۇرىش اراعى، «قىزقۋار» ماركالى سۇرلەنگەن ەت، «ى – يان» ماركالى قاز ەتى، «جيەيۇي» ماركالى شەكىلدەۋىكتى قاربىز ءدانى، «قىستاۋ» ماركالى مال شارۋاشىلىق ونىمدەرى سياقتى ءبىر توپ ساپالى، ەرەكشەلىككە يە اۋىل شارۋاشىلىق ونىمدەرى بىرتىندەپ بازار اشا باستادى.

    ءدوربىلجىن اۋدان قالاشىعىنداعى جەل – جەمىس دۇكەنىنىڭ قوجايىنى حوۋ پيڭ ەلەكتروندى ساۋدا تەكشەسى ارقىلى ونىمدەرىن شيزاڭ، حيلۇڭجياڭ، تايۋان جانە مالايزيا سياقتى جەرلەرگە ساتۋدا. وسى قولايلى تەكشە ارقىلى كاسىبىن دامىتقان ول :« ۇكىمەت تىڭ ساۋدا جولىن اشىپ بەردى، قازىر دۇكەنىمىزدە وتىرىپ – اق ەل ىشىندەگى قاريدارلارمەن ساۋدا جاساي الاتىن بولدىق» – دەدى.

    ءتىپتى دە قۋانارلىعى ەلەكتروندى ساۋدا تەكشەسىنىڭ دانەكەر بولۋىندا شينجياڭ مايلى ازىق – تۇلىك شەكتى سەرىكتىگىنىڭ جەرگىلىكتى سەلبەستىك كووپەراتيۆىمەن بىرلەسىپ وندىرگەن « سانجياڭنۇڭ» ماركالى ەت ونىمدەرىنىڭ ساۋدا مولشەرى ءبىر ميلليون 800 مىڭ يۋانعا جەتتى.

    ءدوربىلجىن اۋداندىق ساۋدا جانە ەكونوميكا – ينفورماتسيالاندىرۋ كوميتەتىنىڭ مەڭگەرۋشىسى سۇڭ جىچىڭ: « ەلەكتروندى ساۋدا اۋىل – قىستاق ەكونوميكاسىنىڭ دامۋىن جەبەپ، اۋىل – قىستاق تۇرعىندارىنىڭ كاسىپتەنۋ ماسەلەسىن شەشىپ، شارۋالار كىرىسىن ارتتىرۋدا كۇشتى دانەكەرلىك رول ويناپ، ينتەرنەت ساۋداسىنىڭ اۋىل – قىستاققا ويىسۋى مەن اۋىل شارۋاشىلىق ونىمدەرىنىڭ قالاعا كىرۋىنە داڭعىل جول اشتى. قازىرگە دەيىن تۇتاس اۋدانىمىزداعى 13 اۋىل – قالاشىق، فەرمانىڭ شوعىرلى قىستاقتارىندا 154 ەلەكتروندى ساۋدادان قىزمەت وتەۋ پۋنكىتى قۇرىلىپ، 300 دەن استام كاسىپ كوزىن اشۋ، كاسىپتەنۋ ورنى قۇرىلدى. كەلەر جىلى زات جەتكىزۋ كاسىبىنىڭ اۋىل – قىستاقتى تولىق قامتۋىن جۇزەگە اسىرىپ، ‹ەلەكتروندى ساۋدا + ساياحات، مادەنيەت + اۋىل شارۋاشىلىق ونىمدەرى + اۋىل – قىستاق تيجاراتى› سىندى ەلەكتروندى ساۋدانى دامىتۋدىڭ جاڭا ۇلگىسىن جاراتىپ، اۋدانىمىزدى قۇلىستاي ويپاتىنداعى جەدەل جولداما زات اينالىمى كاسىبىنەن قىزمەت وتەۋ ورتالىعىنا اينالدىرىپ، اۋدان ەكونوميكاسىنىڭ ءارى جاقسى، ءارى تەز دامۋىن جەبەمەكشىمىز» – دەدى.

    ايبىنبەك ءمۇسايىر ۇلى، ليۋ پىڭ


جاۋاپتى رەداكتور: گۇلدەن ماقسات قىزى

كەلۋ قاينارى: http://www.elarna.net/koru.php?tur=62&id=896126

پىكىرلەر:

juz dep sifirmen jazingiz.

قوناق: #6091، ۋاقىتى: 08:14 - 2019/08/29

Сәлеметсіздер ме? Дөрбілжіннен кісілер бар ма? маған бір ақпарат керек еді