كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-15437181774 %26 %

ادامداردى «اسپا كەسەلدەن» ەمدەگەنىن ايتادى


ءتۇرى: اقجۇنىس ماقالالارى

ۋاقىتى: 09:10 - 2015/03/17

: PDF Download - Жұктеұ - Скачать - ءتۇسىرۋ

elarna.net Printed Version.

ادامداردى «اسپا كەسەلدەن» ەمدەگەنىن ايتادى

17.03.2015 12:04

dftga bewكەيىنگى كەزدەرى سۋيتسيد، ياعني ادامنىڭ وزىنە-وزى قول سالۋ وقيعالارى تۋرالى ءجيى ايتىلىپ تا، جازىلىپ تا ءجۇر. مۇنى بىرەۋلەر ءتۇرلى ماسەلەلەرگە بايلانىستى تىعىرىققا تىرەل­گەن ادامنىڭ جان كۇيزەلىسى كەزىندە وزىنە ەرىكتى تۇردە قول سالۋى دەيدى، ەندى بىرەۋلەر وزگە ءبىر تىرشىلىك يەلەرىنىڭ ارالاسۋىمەن بولاتىن «اسپا كەسەل» دەگەن اۋرۋ دەپ تە اتايدى. اسىرەسە عىلىمعا سىرى بەلگىسىز اسپا كەسەل تۋرالى ەل اراسىندا ايتىلاتىن ءسوز كوپ.

وسى ورايدا قازىعۇرت اۋدانىنداعى قاقپاق اۋىلىندا تۇراتىن تازابەك قۇلسەيىت قاريانىڭ (سۋرەتتە) بۇل جايىندا ءوز ايتارى بار. تاياۋدا ول كىسىدەن رەداكتسيا­مىزعا كولەمدى ەتىپ جازىلعان حات كەلدى. ءبىز بۇل حاتتى مۇقيات وقىپ شىقتىق، سوسىن ونى گازەتىمىزدە ىقشامداپ جاريالاۋدى ۇيعاردىق. قىسقاسى، تازابەك قاريا بىلاي دەيدى:

 قايساردى قۇتقاردىم

«اسپا كەسەل» دەگەن – جىن-پەرىلەردىڭ ادامعا جاسايتىن قاستىعىنان تۋىندايتىن جاي. وسىعان وراي ءوزىم كوزىممەن كورىپ، ءوز قولىممەن اتقارعان ءبىراز ىستەر جونىندە ايتىپ بەرەيىن.

اۋىلدا تولەگەن دەگەن اعايىن بوپ كە­لەتىن كوكەمنىڭ بالالارىندا كەيدە ەس-تۇس­سىز قۇلاپ قالاتىن ءبىر كىنارات بار ەدى. سونداي كەزدەرى ولاردى ماعان اكە­لەتىن. مەن ءبىر دەم سالعان سوڭ، 5-10 مينۋت شاما­سىندا تۇك بولماعانداي، ايى­عىپ كەتەتىن ەدى.

بىردە وسى تولەگەن كوكەمنىڭ قولىنداعى بالاسى اسىلىپ قالىپتى. كەشكى اپاق-سا­پاقتا سۋىق حاباردى ەستي سالىسىمەن اسپاپتارىمدى الىپ جەتىپ باردىم. بالا ساتىعا اسىلعان ەكەن، ودان شەشىپ الىپ، توسەككە جاتقىزىپ قويعان. بارعان بەتتە وعان دەم سالدىم. راحىم دەگەن باس دارىگەر بار ەدى، ىلە-شالا ول دا جەتتى. بالانىڭ قورىلداپ جاتقانىن كورىپ: «كوكە، بىزدەن بۇعان جاردەم جوق، ءوزىڭىز قاراي بەرىڭىز»، – دەپ ۇيىنە قايتىپ­ كەتتى. مەن بالاعا تۇنگى ساعات­ 1-گە قاراي ەكىنشى مارتە دەم سالىپ، بەتى بەرى قاراعاسىن ۇيگە قايتىپ كەتتىم.

ۇيدىڭ جانىندا كوپىر بار ەدى، ەرتە­سى­نە سودان ءوتىپ، وراز دەگەن ءىنىمنىڭ ۇيىنە بەتتەپ بارا جاتقانىمدا كوزىمە سول ۇيگە كىرگەن ءبىر كەلىنشەك شالىندى. جا­لاڭباس، شاشىن ءبىر بۇرىم ەتىپ ورگەن، بوكسەلى كەل­گەن، ەركەكتى ارتىنان ەرتىپ كەتەردەي تار­تىمدى ەكەن. ال ءتۇس اۋا سول ءۇيدىڭ كىشى بالاسى: «بابا، كوكەم سىزگە تەز جەتسىن دەپ جاتىر، قايسار اسىلىپ قالدى!» – دەپ جۇگىرىپ كەلدى. تەز ارادا جەتىپ باردىم. بالا قورانىڭ ىشىنە، شپاگات جىپكە اسىلىپتى. پىشاقپەن ءجىپتى قيىپ جىبەرىپ، جەرگە جاتقىزا سالدىم. بالادا جان جوق، بىلق-سىلق ەتەدى. مەن دەرەۋ وعان دەم سالا باستادىم. ايەلدەر بوزداپ جىلاپ تۇر، ىشىندە ەشتەڭەدەن قورىقپايتىن توقتا دەگەن باتىل جەڭگەم بار ەكەن، سوعان: «جەڭەشە، اۋزىنا ءۇرىپ، دەم سورىپ، وكپەگە­ ماسساج جاساي بەرىڭىز!» – دەدىم. باسقا ايەلدەردى بالانىڭ اياق-قولدارىنا ماسساج جاساۋعا جۇمىلدىردىم. ارادا ەكى-ۇش مينۋتتاي بولعاندا بالانىڭ اياعى قيمىلعا كەلدى، ول تىنىس الا باستادى. قىپ-قىزىل بولىپ، ىشقىنا دەم العاندا قينالعاننان كىشى دارەتى دە شىعىپ كەتتى. سودان ونى جابىلا كوتەرىپ ۇيگە كىرگىزدىك.

قىسقاسى، قايساردى وسىلايشا ولىم­نەن الىپ قالدىق. بۇگىندە ول تەمىرتاۋدا تۇرادى، بالا-شاعالى، ءوزى ءدىن جولىندا جۇمىس ىستەپ ءجۇر. اۋىلعا كەلگەن سايىن سالەم بەرىپ، جاعداي سۇراسىپ تۇرادى.

اۋىلدىڭ جەتى ادامىنان ايىرىلدىق

سول كۇننىڭ ەرتەڭىنە مەن الگى بەيتانىس كەلىنشەكتى تاعى دا كوردىم. ول شايحانانىڭ الدىندا سول جالاڭباس كۇيى كورشى اۋىلدى بەتكە الىپ كەتىپ بارادى ەكەن. ونى كورگەندە مەن مىناۋ تەگىن بولمادى، جىن-پەرى شىعار، تاعى دا بىرەۋ­لەردى سورلاتۋعا بارادى-اۋ دەپ ءقاۋىپ ويلادىم. ءقاۋپىم كەيىن راسقا شىقتى. سودان­ ءتورت اي ىشىندە سول اۋىلدان جەتى ادام اسىلىپ ءولدى. التىنشىسى تىللابەك دەگەن باسشى ازاماتتىڭ اناسى ەدى، سونىڭ جانازاسىندا جانىمدا تۇر­عان ماناپ دەگەن مەنىمەن قۇرداس كىسى: «تازەكە، جۇز­گەنباي كوكەمنىڭ اسان دەگەن بالاسى دا اسىلىپ قا­لىپتى. ءقازىر ءمايىتىن اكەلەدى»، – دەدى. «ماناپ، مەن مۇنىڭ سەبەبىن بىلەتىن سياقتىمىن. ەرتەڭ مەشىتكە باراسىڭدار عوي، قا­ريالارعا ايت، سوندا جينالسىن، ماسەلەنى تالقىلايىق»، – دەدىم مەن وعان.

سول كۇنى مەشىتكە جينالىپ، ويعا ال­عان شارۋامىزدى ىسكە اسىرۋ­عا كىرىستىك. قاريالار ورتادان اقشا جيىپ، ءبىر سەركە الدى، ءالىباي دەگەن قويشى ءبىر قوي بەردى. مەشىتتىڭ ول-پۇلىنا يەلىك ەتىپ جۇرگەن ۇزاقباي دەگەن كىسىنىڭ ۇيىندە ولاردى سويىپ، مەشىتتە قۇدايى تاماق بەردىك. سوندا مەن جۇرتقا مالدىڭ قانىن، ىشەك-قا­رىن، وكپە-باۋىرىن، باس-سيراعىن، تەرى­سىن بولەك الدىرىپ قويعانىمدى، اۋىلعا كەلگەن اۋرۋ يەسىنەن قۇتىلۋ ءۇشىن ارنايى ىرىم جاسالاتىنىن ەسكەرتتىم.

تاماق ءىشىلىپ، قۇران وقىلىپ بولعان سوڭ مەشىتتىڭ شىراقشىسىنا 4 مەترلىك ماتا الدىردىم دا، وعان الىپ قالعان وكپە-باۋىر، ىشەك-قارىن، سۇيەك-ساياقتاردى­ سالدىرىپ، زيراتقا اپاردىق. ماناپ بار، تاعى بەس-ال­تى كىسى بولىپ، سۇيەك-ساياقتى ادامدى جەرلە­گەندەگىدەي ەتىپ كومىپ، باسىنا قۇران وقىپ كەتتىك. وسىدان كەيىن ول اۋىلدا اسپا كەسەل تىيىلدى.

بۇدان كەيىن مۇنداي عۇرىپتى جىگىرگەن جاقتاعى شاقپاق اۋىلىندا دا جاسادىم. اتالعان اۋىلدا دا بىرەر بالالاردىڭ­ اسىلىپ قالعان وقيعالارى بولعان. سوسىن جۇرت ۋايىمعا بەرىلىپ جۇرگەندە سول اۋىلعا كەلىن بولعان قىزىم مەنىڭ وسىنداي ىرىم جاساي الاتىنىمدى ايتىپتى. اۋىل ادامدارى كەلىپ قولقالاعان سوڭ سول جەرگە دە بارىپ، الگىندەي عۇرىپ جاسادىم. مۇندا دا اۋرۋ يەلەرى الاستالدى.­

ۇش مارتە اسىلىپ، امان قالدى

ايناتاس اۋىلىندا تەپسە تەمىر ۇزەتىن ءبىر قارۋلى جىگىت بار ەدى، سالماعى 120 كيلو تارتادى. سول ازامات تا سىرى بەل­گىسىز ءبىر دەرتكە تاپ بولعان. سىرتتا قىزدار شاقىرىپ تۇر دەپ ۇيىنەن قاشا بەرەدى ەكەن، ىنىلەرى امالسىزدان ۇنەمى اڭدىپ جۇرەتىن بولىپتى.

سول جىگىت اۋلالارىنداعى گاراجعا ەكى مارتە اسىلىپ قالدى. سالماعى اۋىر بول­عاندىقتان ءوزىن اسقان سىم ءۇزىلىپ، قۇ­لا­عاندا سارتىلداعان دىبىستى ەستىگەن تۋىس­تارى بارىپ، قۇتقارىپ قالعان. سول ۇيدە ونىڭ قايىن جۇرتىنان دا ءبىر اۋ­رۋ­­لى­ بالالار بار ەدى، ءبىر كۇنى ءبارىن قو­سىپ ماعان اكەلىپتى. سولاردى قاراپ، سويلەسىپ وتىرعانىمدا الگى جىگىت اجەت­حاناعا باراتىن بولىپ كەتكەن. شپاگات ءجىپتى قايدان العانىن بىلمەيمىز، مال قورا جاق­قا بارىپ، ءوزىن اسپاق بولىپتى. ابىروي بولعاندا، تاعى دا الگىندەي سەبەپپەن امان قالدى. سوسىن ونى ەمدەمەسەم بولمايتىنىن ءبى­لىپ، اكە-شە­ش­ەسىنە ويىم­دى­ ايتتىم. ولار مۇنى قوستادى.

ەرتەسىنە ۇيىنە بارسام، الگى جىگىت تاعى دا دالاعا قاشۋدى باستاپتى. جۇرت جابىلىپ ءجۇرىپ ارەڭ ۇستادى. نە كەرەك، سول كۇنى ارنايى ءبىر مال سويعىزىپ، قۇدايى بەرگى­زىپ، ونى ولگەن ەسەپتەپ جانازاسىن شىعارىپ، «كومىپ»، مۇندايدا جاسالاتىن ىرىمدى­ ىسكە اسىردىق. وسىدان كەيىن ول تۇزەلدى.

...مىنە، مەنىڭ جۇرتقا ايتپاعىم وسى ەدى. جىن-پەرى دەگەن بار، اسپا كەسەل – سولاردىڭ ءىسى. ال ولاردى الاستاۋدىڭ ءبىر جولى تۋرالى مەن جوعارىدا ايتىپ ءوتتىم.

تازابەك قۇلسەيىتۇلى.

قاقپاق اۋىلى.

قازىعۇرت اۋدانى.

...P.S. تىرشىلىكتىڭ ءبىز بىلە بەرمەيتىن تىلسىم قۇبىلىستارى ءالى دە كوپ ەكەنى راس. دىندە ايتىلاتىن كەيبىر تىرشىلىك يەلەرىنىڭ ومىردە بولاتىنىن بۇگىندە عىلىم دا جوققا شىعارمايدى. وسى ورايدا تازابەك قاريانىڭ ايتقاندارىنا سەنۋ-سەنبەۋدى وقىرماننىڭ ءوز ەركىنە قالدىردىق. ال بۇعان قاتىستى قانداي دا ءبىر ايتارى بارلار بولسا، ءبىز وعان دا گازەت بەتىنەن ورىن بەرۋگە دايىنبىز.

ت. تۇران.


كەلۋ قاينارى: http://www.elarna.net/koru.php?tur=8&id=393575

پىكىرلەر:

juz dep sifirmen jazingiz.

قوناق: #6093، ۋاقىتى: 14:57 - 2019/11/07

Ассалаумагалейкум сиздермен калай хабарласуга болады? Егерде менин жазганымды окып жатсаныздар жанагы кисинин номерин бересиздер ме менин номерим 87479697656