كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-15378154474 %26 %

الەمدەگى شاريعات ءشالىسىن جامىلعان تۇڭعىش پرەزيدەنت (فوتو)


ءتۇرى: Islam.kz رۋحاني اقپاراتتارى

ۋاقىتى: 12:00 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.
الەمدەگى شاريعات ءشالىسىن جامىلعان تۇڭعىش پرەزيدەنت (فوتو)

سينگاپۋردىڭ العاشقى ايەل پرەزيدەنتى حاليما جاقىپ الەمدە شاريعات ءشالىسىن جامىلعاندار اراسىندا پرەزيدەنت اتانىپ، ەل بيلەگەن تۇڭعىش ايەل. ونىڭ باستى قاعيداسى مەن ۇرانى ەكسترەميستىك تەرروريزممەن جانە يسلموفوبيامەن كۇرەس بولاتىن. بۇل ەكى كەرىتارتپا قۇبىلىستى بىر-بىرىنەن بولە-جارماي ەگىز قۇبىلىس رەتىندە قاراستىردى. بۇل جايىندا islam.kz پورتالى Fikriyat اقپارات كوزىنە سىلتەمە جاساي وتىرىپ حابارلايدى. حاليمانىڭ اكەسىنىڭ ۇلتى ءۇندى بولاتىن، ال شەشەسى مالايلىق ەدى. قاراۋىل بولىپ ىستەيتىن اكەسى ەرتە دۇنيە سالدى، اناسى بەم شيتتەي بالامەن جالعىز بولمەدە تۇراتىن ەدى. حاليما ون جاسىنان باستاپ، اناسىنا قولعابىس ەتىپ، ءتۇرلى جۇمىستار ىستەدى. وتباسىنىڭ، ۇستازدارىنىڭ جانە قوعامنىڭ قولداۋىمەن ول ءبىلىم الىپ، ەلدىڭ ساياسي ومىرىنە ارالاسادى. كەدەي-كەپشىك پەن جارلى-جاقىبايلارعا كومەك كورسەتۋگە ارنالعان اكتسيالاردى ءجيى ۇيىمداستىرىپ، جۇرتتىڭ كوزىنە تۇسەدى. 1978 جىلى ول سينگاپۋردىڭ ۇلتتىق ۋنيۆەرسيتەتىن زاڭ سالاسى بويىنشا ءتامامداپ، 2001 جىلى اتالمىش جوعارعى وقۋ ورنىنىڭ قابىرعاسىنان ماگيستر دارەجەسىن الىپ شىعادى. 2016 جىلى بۇل ۋنيۆەرسيتەت حاليماعا «قۇقىق سالاسىنىڭ قۇرمەتتى دوكتورى» اتاعىن بەرەدى. حاليمانىڭ ساياسي مانسابى ۇلتتىق كاسىپوداق كونگرەسىنەن باستاۋ الادى دەسەك، قاتەلەسە قويماسپىز. الايدا، ونىڭ ناعىز ساياسي مانسابى 2001 جىلى پارلامەنتكە سايلانعان كەزىنەن باستالادى. ول پارلامەنتكە سايلانعان ءبىرىنشى مالايلىق ايەل بولدى. 2011 جىلعى سايلاۋدان سوڭ قوعامدىق دامۋ، جاستار جانە سپورت ءمينيسترى بولىپ تاعايىندالدى. سودان سوڭ الەۋمەتتىك ساياسات جانە وتباسى ءمينيسترى بولىپ جاۋاپتى قىزمەت اتقاردى.2013-2017 جىلدار ارالىعىندا ول پارلامەنت سكيپەرى بولدى. بۇل لاۋازىمدى قىزمەكتە دە ول تاعايىندالعان العاشقى ايەل بولاتىن. 2017 جىلى بۇل قىزمەتىنەن كەتىپ، پرەزيدەنت سايلاۋىنا دايىندالدى. «جاقسىلىق جاسا، بىرگە جاسا!» دەگەن ۇرانمەن ناۋقان جۇرگىزىپ، سينگاپۋر تاريحىندا پرەزيدەنت بولعان تۇڭعىش ايەل رەتىندە عانا ەمەس، سونىمەن قاتار، شاريعات ءشالىسىن جامىلعان الەمدەگى تۇڭعىش ايەل رەتىندە الىس-جاقىنعا تانىلدى. ءسوز ورايى كەلگەندە ايتا كەتۋ كەرەك، سينگاپۋردە ناقتى بيلىك مينيسترلەر كابينەتىنىڭ جەتەكشىسىندە، ياعني، پرەمەر-مينيستردىڭ قولىندا شوعىرلانعان. دەسە دە 1991 جىلدان باستاپ، ساياسي رەفورمادان كەيىن پرەزيدەنت قۇزىرەتى كەڭەيتىلگەن بولاتىن. ناقتىراق ايتقاندا، ول قارجى جانە كادر ماسەلەلەرىنە ارالاسا الاتىن رەسمي تۇلعاعا اينالدى. اتالمىش ەل پرەزيدەنتى سوت ءتوراعالارىن، باس پروكۋروردى، باس شتاب جەتەكشىسىن تاعايىنداي الادى. بۇگىندە حاليمانىڭ قۇجاي قوسقان قوساعى بار جانە بەس بالانىڭ اناسى. ول پرەزيدەنتى بولىپ سايلانعاننان كەيىن تۆيتتەر الەۋمەتتىك جەلىسىندە ونىڭ قۇرمەتىنە بيىل، ياعني، 2019 جىلى ەمودزي پايدا بولدى. بۇل الەمدە پرەزيدەنت قۇرمەتىنە پايدا بولعان العاشقى سمايليك ەدى. حاليما يوردانياداعى يسلامي ستراتەگيالىق زەرتتەۋ جانە تالداۋ ورتالىعى تۇزگەن الەمدەگى ەڭ ىقپالدى 500 مۇسىلماننىڭ تىزىمىندەگى العاشقى ەلۋ مۇسىلماننىڭ قاتارىنان كورىندى. ول بۇل تىزىمدە ء38-شى ورىندا تۇر. ءسوز سوڭىندا ايتارىمىز: سينگاپۋر حالقىنىڭ سانى 5،9 ملن ادامدى قۇرايدى. بۇل ەلدەگى اسا ءىرى ەتنيكالىق توپقا قىتايلار جاتادى - 74 %، ودان كەيىنگى ورىندا مالايلىقتار تۇر - 13%، ءۇشىنشى ورىنعا ۇندىلەر تابان تىرەگەن - 9%. اتالمىش ەل حالقىنىڭ 14%-ىن مۇسىلماندار قۇراپ وتىر. بۇگىنگى تاڭدا سينگاپۋر الەمدەگى ەڭ ءىرى ساۋدا ءارى ايلاقتار ورتالىعى بولىپ تابىلادى. سونداي-اق، جان باسىنا شاققانداعى تابىسى - 88 مىڭ دوللار، ەڭ جوعارى داۋلەتى شالقىعان ەلدەردىڭ ءبىرى. 

كارتينكي پو زاپروسۋ halimah yacob

كارتينكي پو زاپروسۋ halimah yacob family photo

كارتينكي پو زاپروسۋ halimah yacob twitter


كەلۋ قاينارى: http://www.elarna.net/koru.php?tur=52&id=1069822

پىكىرلەر:

juz dep sifirmen jazingiz.