كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-15294109972 %28 %

2021 جىلى قازاقستاندا جاھاندىق جەر فەستيۆالى وتەدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 10:30 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.



جاھاندىق جەر فەستيۆالى 2021 جىلى ەلىمىزدە وتەتىن بولادى، دەپ حابارلايدى «حابار 24» ءتىلشىسى.

قازاقستان ەكولوگيالىق ۇيىمدارى قاۋىمداستىعى ءتورالقاسىنىڭ ءتورايىمى ءاليا نازارباەۆا مەن حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنىڭ باسشىلىعى باستاعان ەلىمىزدىڭ دەلەگاتسياسى موناكو قالاسىندا وتكەن فورۋمعا قاتىستى.

جاھاندىق جەر فەستيۆالى – ەكولوگيا، جاسىل ەكونوميكا جانە جاڭاشا ويلاۋ باعىتىنداعى ماڭىزدى فورۋمداردىڭ ءبىرى. نەگىزى ۇستانىمى ونەر مەن شىعارماشىلىق ارقىلى عالامدى الەۋمەتتىك، ەكونوميكالىق جانە عىلىمي تۇرعىدا قايتا جاڭعىرتۋعا باعىتتالعان. جاھاندىق ءىس-شاراعا ەلىمىزدىڭ وكىلدەرى دە شاقىرىلىپ وتىر.

قازاقستاننىڭ الەمگە ايگىلى فورۋممەن ىنتىماقتاستىعى جاقىندا عانا باستالدى. بيىل استانا ەكونوميكالىق فورۋمىنا جاھاندىق جەر فەستيۆالىنىڭ ۇيىمداستىرۋشىسى – تانىمال سۋرەتشى ماريا رەبەككا باللەسترا قاتىسقان بولاتىن. اتالعان ءىس-شارادا ەكى جاق ءوزارا تۇسىنىستىك تۋرالى مەموراندۋمعا قول قويعان. قازاقستاننىڭ ەكولوگيالىق ۇيىمدارى قاۋىمداستىعى ءتورالقاسىنىڭ ءتوراعاسى ءاليا نازارباەۆا جانە جەر فەستيۆالىنىڭ باس ديرەكتورى، سونداي-اق وكىلەتتى مينيستر جانە كنياز البەرت II مەن قورشاعان ورتانى قورعاۋ ماسەلەلەرى جونىندەگى كەڭەسشىسى بەرنار فاۋتەر كەزدەسۋ بارىسىندا 2021 جىلى ەلىمىزدە جەر فەستيۆالىن ۇيىمداستىرۋ تۋرالى كەلىسكەن.

رامازان جامپيسوۆ، «جاسىل» تەحنولوگيالار جانە ينۆەستيتسيالىق جوبالار ورتالىعىنىڭ باسشىسى:

– بۇكىل عالامشار ءۇشىن ۇيىمداستىرىلاتىن فورۋم ەندى ءبىزدىڭ جەرىمىزدە دە وتەدى. وسىنداي بىرەگەي ءىس-شارا قوعام الدىنا ورنىقتى دامۋ ماسەلەسىن كوتەرۋگە مۇمكىندىك بەرەدى. ءبىزدىڭ ماقساتىمىز – قورشاعان ورتانى قورعاۋ، ەكولوگيا مەن جاسىل تەحنولوگيالاردى دامىتۋعا قاتىستى ماسەلەلەردى شەشىپ، كۇردەلى جوبالاردى ىسكە اسىرۋ.

ماريا رەبەككا باللەسترا، جاھاندىق جەر فەستيۆالىنىڭ ۇيىمداستىرۋشىسى:

– ءقازىر ءبىز 2021 جىلى كەزەكتى جەر فەستيۆالىن ۇيىمداستىرۋدى تالقىلادىق. ادەتتە ۆەنەتسيادا نەمەسە موناكودا وتەتىن فەستيۆال ەندى قازاقستاندا دا وتەتىن بولادى.

بيىلعى ءىس-شاراعا كومپوزيتور، ەكولوگيا تاقىرىبىنداعى فيلمدەر مەن فوتوەكسپوزيتسيالار اۆتورى ءارى The Beatles توبىن قۇرۋشىنىڭ ۇلى – دجۋليان لەننون، «جەردى سۇيە ءبىل» كىتابىنىڭ اۆتورى – فلافيو گرەگوري جانە وزگە دە تۇلعالار قاتىستى. فورۋمنىڭ سەرىكتەستەرى – بۇۇ، ەىدۇ، كليماتتىڭ وزگەرۋى جونىندەگى ۇكىمەتارالىق ساراپشىلار توبى، كليماتتىڭ وزگەرۋى جونىندەگى ەۋروپا-جەرورتا تەڭىزىنىڭ ورتالىعى، مۇحيتتى زەرتتەۋ مۋزەيى جانە ۇلتتىق گەوگرافيالىق قوعام.

كاريم داۋ، ەىدۇ حالىقارالىق قاتىناستار بويىنشا حاتشىلىق كەڭەسشىسى:

– ەىدۇ قازاقستانمەن تىعىز ىنتىماقتاستىق ورناتقان. بۇل – ءبىز ءۇشىن ماقتانىش. قازاقستان – ءبىزدىڭ ماڭىزدى سەرىگىمىز جانە رەسۋرستارعا باي ەل. سوندىقتان ونىڭ «قوڭىر ەكونوميكاسى» جاقسى دامىعان. الايدا وسىنداي ەكونوميكالىق قۇرىلىمدى وزگەرتەتىن ۋاقىت كەلدى. قازاقستان وسى باعىتتا قوزعالۋدا. وعان قوسا، ەلدەرىڭىزدە قورشاعان ورتانى قورعاۋ جانە بالامالى ەنەرگيا تۋرالى زاڭناما رەفورمالارى باستالدى.

قازاقستانداعى جەر فەستيۆالى كليماتتىڭ وزگەرۋى ماسەلەلەرىن شەشۋ، ورنىقتى دامۋ مۇمكىندىكتەرى مەن ەكولوگيالىق مادەنيەت قالىپتاستىرۋ تۇرعىسىنان تەك ءبىزدىڭ ەلىمىز ءۇشىن عانا ەمەس، جاھاندىق اۋقىمداعى بىرەگەي ءارى يننوۆاتسيالىق ءىس-شارا بولماق.

اۆتورلارى: جانات ەرنست، جومارت احمەتوۆ


كەلۋ قاينارى: http://www.elarna.net/koru.php?tur=38&id=1069792

پىكىرلەر:

juz dep sifirmen jazingiz.