كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-22763105256 %44 %

كاسىپورىندار قالدىقتارىنىڭ قۇرامىندا ۋلى زاتتار جوق ەكەنىن دالەلدەۋى كەرەك – جەرار فريەس


ءتۇرى: Ult.kz ۇلىت تورابى

ۋاقىتى: 09:30 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.

كاسىپورىندار قالدىقتارىنىڭ قۇرامىندا ۋلى زاتتار جوق ەكەنىن دالەلدەۋى كەرەك. ەلوردادا «قازاقستاننىڭ قالدىقتاردى قايتا وڭدەۋ ستراتەگياسى» تاقىرىبىندا وتكەن فورۋمدا فرانتسيا-قازاقستان ساۋدا-ونەركاسىپ پالاتاسىنىڭ پرەزيدەنتى جەرار فريەس وسىلاي ءمالىم ەتتى، دەپ حابارلايدى قازاقپارات.

«كاسىپورىندار قالدىقتارىنىڭ قۇرامىندا ۋلى زاتتار جوق ەكەندىگىن دالەلدەۋى كەرەك. پلاستيكتى ورتەگەن كەزدە قورشاعان ورتا ءۇشىن وتە ءقاۋىپتى بولىپ سانالاتىن ديوكسيد ءبولىنىپ شىعادى. مۇنداي پروتسەسستەر زاڭ جۇزىندە رەتتەلەدى، سوندىقتان وندىرىستىك كاسىپورىندار قالدىقتاردى قايتا وڭدەۋمەن اينالىسقان كەزدە ۇلكەن جاۋاپكەرشىلىك جۇكتەلەدى. ولار قالدىقتى وڭدەۋگە قاتىستى ەكونوميكالىق تۇعىدا قىزىعۋشىلىق تانىتپايتىنى ءسوزسىز، دەگەنمەن ولاي ەتپەگەن جاعدايدا كاسىرورىننىڭ بەدەلىنە نۇقسان كەلەدى»، - دەيدى فرانتسيا-قازاقستان ساۋدا-ونەركاسىپ پالاتاسىنىڭ پرەزيدەنتى جەرار فريەس.

ول ەلىندە قالدىقتار قالاي سۇرىپتالاتىنى تۋرالى ايتتى.

«بىز قالدىقتاردى ورتەۋ، قايتا وڭدەۋدەن باسقا جاڭا تەحنولوگيالاردى قولدانامىز. ەگەر كاسىپورىندارعا بارىپ كورسەڭىزدەر، ولار قايتا وڭدەۋ كەزىندە قول جۇمىسىن كوپ قولدانادى. سوڭعى ۋاقىتتا قالدىقتاردى سۇرىپتايتىن ءارتۇرلى ارنايى تەحنولوگيالاردى ەنگىزۋدەمىز. وسىلايشا، پلاستيك، اينەك، قاعاز جانە تاعى با باسقا زاتتار بولەك-بولەك سۇراپتالادى»، - دەيدى جەرار فريەس.

ايتا كەتەرلىگى، قازاقستاندا تۇرمىستىق قاتتى قالدىتاردىڭ جىل سايىن ءوسۋىنىڭ باستى سەبەبى – ەلىمىزدەگى ەكونوميكالىق ءوسۋ جانە جالعاسىپ كەلە جاتقان ۋربانيزاتسيا. بۇل – ەلىمىزدەگى ەڭ وتكىر ەكولوگيالىق پروبلەمالاردىڭ ءبىرى. دەگەنمەن قازاقستان جاسىل ەكونوميكاعا ءوتۋ تۇجىرىمداماسىنا سايكەس، قالدىقتاردى قايتا وڭدەۋ 2030 جىلعا قاراي 40%، 2050 جىلى 50% دەيىن جەتۋى كەرەك.


كەلۋ قاينارى: http://www.elarna.net/koru.php?tur=53&id=1069779

پىكىرلەر:

juz dep sifirmen jazingiz.