كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-15294109972 %28 %

ەردوعان ترامپپەن كەزدەسەدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 02:50 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.



تۇركيا پرەزيدەنتى رەسمي ساپارمەن ۆەنگرياعا باردى. ەڭ قىزىعى بۇل ەلگە ءبىر اپتا بۇرىن پۋتين دە كەلىپ كەتكەن. رەدجەپ تايپ ەردوعان پرەمەر ۆيكتور وربانمەن كەلىسسسوز جۇرگىزەدى. ودان كەيىن كوپ ۇزاماي ياعني قاراشانىڭ 13-ىندە ترامپپەن كەزدەسۋگە اتتانادى. دەسە دە، تۇركيا باسشىسى  اقش-قا دا، رەسەيگە دە اشۋلى ەكەنىن ايتتى. سەبەبى ەكى ەل دە سيريانىڭ سولتۇستىگىن كۇرد جاساقتارىنان بوساتا الماعان. سونداي-اق ەردوعان ەۋروپالىق وداققا دا وكپەسىن ايتتى. 

رەدجەپ تايپ ەردوعان، تۇركيا پرەزيدەنتى:

- ءبىزدىڭ ەلىمىز ميگرانتتار اعىنىمەن جالعىز كۇرەسىپ شارشادى. ەۋروپالىق وداق بەرگەن ۋادەسىن تولىق ورىنداپ جاتقان جوق. سوندىقتان الداعى ۋاقىتتا كارى قۇرلىققا قاراي ميگرانتتار ءۇشىن ەسىكتى اشساق، تاڭقالماڭىزدار.  دەسە دە قارۋلى قاقتىعىستان باس ساۋعالاپ قاشقان بوسقىندارعا كومەك كورسەتىپ جاتىرمىز. الداعى ۋاقىتتا دا ولارعا قولداۋ جاسايمىز. 

تۇركيادا ميگرانتتار ماسەلەسى وتكىر تۇر. «بەيبىتشىلىك قاينارى» وپەراتسياسىنان كەيىن سيريالىق بوسقىنداردىڭ سانى تىپتەن ارتا تۇسكەن. وڭىرگە باس ساۋعالاپ كەلگەندەردىڭ سانى بۇل كۇندە 3 جارىم ملنعا جەتتى. ودان بولەك، سيريانىڭ سولتۇستىگىنەن ۇستالعان 1150 سودىر دا تۇركيانىڭ باقىلاۋىنا وتكەن. ولاردىڭ ءبارىن اسىراپ باعۋ ۇلكەن شىعىن. ال ەۋروپا تاراپىنان قولداۋ جوق. ەردوعان وسىعان اشۋلى.

ۆيكتور وربان، ۆەنگريا پرەمەر-مينيسترى:

- تۇركيا تاراپى قولدان كەلگەنىن جاسادى. ەندىگى قادامدى وزگە ەلدەر تاراپىنان كۇتۋ كەرەك. ەشقانداي مەملەكەت ءوزىنىڭ ورنالاسقان جەرىن وزگەرتە المايدى. وڭ جاعىمىزدا بەرلين، سول جاعىمىزدا ماسكەۋ، وڭتۇستىكتە انكارا. سوندىقتان تۇركيامەن سەرىكتەستىگىمىز ءبىز ءۇشىن وتە ماڭىزدى. 

ۆيكتور وربان ەلگە ءجيى كەلىپ كەتەتىن ارىپتەسىنىڭ ءسوزىن جەرگە تاستاعىسى كەلمەيدى. قولدان كەلسە كومەگىن ايامايتىن دا ءتارىزدى. ءبىراق مۇنداعى تۇرعىندار ەرەۋىل ۇيىمداستىرىپ ەردوعانعا قىر كورسەتىپ جاتىر. حالىق تۇركيانىڭ سيريا اۋماعىندا ۇيىمداستىرعان اسكەري وپەراتسياسىن قاتاڭ سىنعا الدى. ەرەۋىلشىلەردىڭ اراسىندا كۇردتەر عانا ەمەس، جەرگىلىكتى تۇرعىندار دا بار.

- تۇركيانىڭ ساياساتى دۇرىس ەمەس. كۇردتەرگە قارسى وپەراتسياسى ادامگەرشىلىككە جاتپايدى. قانشاما ادام باسپاناسىز قالدى.

- ولار ءبىزدى لاڭكەس دەپ جاپپاي قىرىپ جاتىر. قايداعى لاڭكەستىك ول؟ بىزدە دە ادام قۇقىعى قورعالادى. دەموكراتيا بار! 

ازىرگە تۇركيا تاراپىنىڭ مالىمدەمەسىنە ەۋرووداق جاۋاپ قاتقان جوق. ال سوعىستان قاشىپ، پانا ىزدەگەن بوسقىندار كۇن ساناپ سانى ارتىپ بارادى. ولار كارى قۇرلىققا وتۋگە مۇددەلى. اشىق تەڭىز ارقىلى وتپەك بولعانداردىڭ كوبى سۋعا كەتتى. 23 قازاندا وسىلاي جاسىرىنىپ ۇلىبريتانياعا جەتكىسى كەلگەن 39 ميگرانتتىڭ دەنەسى جۇك كولىگىنەن تابىلعان بولاتىن. ولار تىركەمەدەگى كونتەينەردە تۇنشىعىپ قالعان. تەرگەۋ ناتيجەسى بويىنشا ولاردىڭ كىم ەكەنى انىقتالدى. قازا تاپقان 31 ەر ادام جانە 8 ايەل ۆەتنامدىق بولىپ شىقتى.


كەلۋ قاينارى: http://www.elarna.net/koru.php?tur=38&id=1069742

پىكىرلەر:

juz dep sifirmen jazingiz.