كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-15294109972 %28 %

پوليتسيا: جاڭعىرۋ مەن وزگەرۋ پروتسەسى – استانا اقشامى


ءتۇرى: اقجول تور ماقالالارى

ۋاقىتى: 02:00 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.پوليتسيا: جاڭعىرۋ مەن وزگەرۋ پروتسەسى – استانا اقشامى

مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا قۇقىق قورعاۋ جۇيەسىن تولىق رەفورمالاۋدى اسا ماڭىزدى مىندەت دەپ اتاپ كورسەتتى. «ەڭ الدىمەن 2020 جىلدىڭ اياعىنا دەيىن اكىمشىلىك پوليتسيا كوميتەتىنىڭ جۇمىسىن قايتا ۇيىمداستىرۋ قاجەت. مۇنى ناۋقانشىلدىققا اينالدىرماي، ساپالى جۇرگىزگەن ءجون» دەپ الدىمىزعا ناقتى مىندەت قويدى.«ىشكى ىستەر مينيسترلىگىن رەفورمالاۋعا الداعى ءۇش جىل ىشىن­دە 173 ميلليارد تەڭگە بولىنەدى. بۇل قاراجات ەڭبەكاقىنى كوبەيتۋگە، باسپانانى جالعا الۋعا، حالىققا قىزمەت كورسەتۋ قاعيداتى بويىنشا پوليتسيانىڭ زاماناۋي فرونت-وفيستەرىن اشۋعا جۇمسالادى» دەگەن بولاتىن پرەزيدەنت جولداۋىندا. بۇگىندە 174 فرونت-وفيس جۇمىس ىستەيدى. ىشكى ىستەر ءمينيسترى ەرلان زامانبەكۇلى تۇرعىمباەۆ وزىنەن كەيىنگى باسشىلاردىڭ بارىنە اشىق بولۋدى تاپسىردى. پوليتسيا قىزمەتىنىڭ تيىمدىلىگىن باعالاۋ قۇقىقتىق ستاتيستيكاعا جانە الەۋمەتتىك زەرتتەۋلەرگە نەگىزدەلگەن ساپالىق اسا ماڭىزدى ساندىق ولشەمدەر بويىنشا جۇرگىزىلمەك. بۇل – قۇقىق قورعاۋ ورگاندارىنا قويىلعان مىندەتتەردى ءتيىمدى ورىنداۋعا باعدار بەرەتىن جانە ستاتيستيكالىق كورسەتكىشتەرگە بايلانىستى تاۋەكەلدەردى ازايتاتىن نەعۇرلىم تەڭدەستىرىلگەن باعالاۋ جۇيەسى.
ۇيىمداستىرۋ-شتاتتىق قۇ­رى­­لىمىن وڭتايلاندىرۋ باعىتىندا ۆەدومستۆوارالىق جۇمىس توبى پرەزيدەنت اكىمشىلىگىنىڭ باسشىلىعىمەن ءىىم جانە ونىڭ ۆەدومستۆولارىنىڭ فۋنكتسيالارىنا تالداۋ جۇرگىزە وتىرىپ، 106 قۇرىلىمدىق بولىمشە جانە 1180 باسشى لاۋازىمى، جول پوليتسياسى ينستيتۋتى مەن 20 «شەپ» ستاتسيونارلىق بەكەتى تاراتىلدى. پوليتسيانىڭ شتاتتىق سانى 11 پايىز­عا، قىلمىستىق-اتقارۋ جۇيەسى 10 پايىزعا قىسقاردى. پوليتسەيلەر سانى بويىنشا ورتاشا ەۋروپالىق دەڭگەيگە قول جەتكىزىلدى. شتاتتاردى وڭتايلاندىرۋعا بايلانىستى ۇنەمدەلگەن قاراجات پاترۋلدىك پوليتسيا قىزمەتكەرلەرىنە 65 پايىزعا، جەدەل-تەرگەۋ بولىمشەلەرىنىڭ قىزمەتكەرلەرىنە 55 پايىزعا، پوليتسيانىڭ ۋچاسكەلىك ينسپەكتورلارىنا 25 پايىزعا جانە وقىتۋشىلارعا 20 پايىزعا، قاج قىزمەتتەرىنىڭ قىزمەتكەرلەرىنە 20 پايىزعا سارالانعان ەڭبەكاقىنى كوتەرۋگە باعىتتالماق. بۇعان دەيىن تۇرعىن ءۇيدى جالداۋ ءۇشىن وتەماقى الۋ قۇقىعىنا جەدەل-تەرگەۋ بولىمشەلەرىنىڭ قىزمەتكەرلەرى عانا يە بولىپ كەلسە، قازىرگى ۋاقىتتا تىزىمگە پوليتسيا­نىڭ، كامەلەتكە تولماعانداردىڭ ىستەرى جونىندەگى ۋچاسكەلىك ينسپەكتورلار، پاترۋلدىك پوليتسيا قىزمەتكەرلەرى مەن ولاردىڭ باسشىلارى ەنگىزىلگەن، تۇرعىن ءۇي تولەمدەرىنىڭ تەتىگىن ەنگىزۋدى كوزدەيتىن زاڭ جوباسى ازىرلەندى.
«پوليتسيانىڭ مەملەكەتتىك كۇشتىك قۇرىلىمىنداعى بەينەسى بىرتە-بىرتە وزگەرىپ، قاۋىپسىزدىكتى قامتاماسىز ەتۋ ءۇشىن ازاماتتارعا قىزمەت كورسەتەتىن ورگانعا اينالادى» دەگەن پرەزيدەنت سوزىنە دەن قويامىز. رەفورما يگىلىككە، ناقتى ناتيجەگە قىزمەت ەتۋى ءتيىس. بۇل ورايدا ىشكى ىستەر سالاسىندا ۆەدومستۆولىق ءبىلىم بەرۋدى جاڭعىر­تۋ بويىنشا وقۋ ورىندارىنىڭ جۇيەسى وڭتايلاندىرىلدى. ءىىو مامانداندىرىلعان كۋرس­تارىندا دايىندىقتان ءوتۋ ءۇشىن جوو تۇلەكتەرى شاقىرىلاتىن بولادى. وسى ماقساتتا ەلىمىزدىڭ جەتەكشى جوعارى وقۋ ورىندارىمەن ىنتىماقتاستىق تۋرالى مەموراندۋمدار جاسالدى. كريميناليستەر مەن تەرگەۋشىلەر ءۇشىن 6 ايلىق، قالعاندارىنا 3 ايلىق كۋرستار قاراستىرىلعان. جاڭادان پوليتسيا تاكتيكاسى، پاترۋلدىك پوليتسيا قىزمەتىن ۇيىمداستىرۋ، قىزمەتكەرلەردىڭ پسيحولوگيالىق دايىندىعى، ينفوكوممۋنيكاتسيالىق تەحنولوگيالار، نەيرولينگۆيستيكالىق باعدارلامالاۋ جانە كوممۋنيكاتيۆتىك داعدىلار، كيبەرقىلمىسپەن كۇرەستىڭ جەدەل-تاكتيكالىق ەرەكشەلىكتەرى، ت. ب. كۋرستار ەنگىزىلدى.

قايرات جاحين،
ءىىم كادر ساياساتى دەپارتامەنتى
باسقارما باستىعىنىڭ ورىنباسارى


كەلۋ قاينارى: http://www.elarna.net/koru.php?tur=7&id=1069732

پىكىرلەر:

juz dep sifirmen jazingiz.