كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-15437181774 %26 %

اقتوبەلىكتەر ينتەرنەتتەگى الاياقتاردىڭ ارباۋىنا ءجيى ءتۇسىپ قالىپ ءجۇر - قازاقستان جانە الەمدەگى سوڭعى جاڭالىق


ءتۇرى: 24.kz اقپاراتتارى

ۋاقىتى: 01:40 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.



اقتوبەدە جىل باسىنان بەرى الەۋمەتتىك جەلىدەگى جالعان جارناماعا الدانعان 200 تۇرعىن پوليتسياعا شاعىمدانعان. ءتارتىپ ساقشىلارى ول الاياقتاردى امالىن تاۋىپ ۇستاعانىمەن، بۇل قىلمىس ءتۇرىنىڭ ازايار ءتۇرى جوق. جالپى عالامتوردى پايدالانىپ ەلدى الداۋدىڭ ءقازىر نەگىزگى ءۇش ءتۇرى بەلگىلى.

اليما قوسانوۆا – الاياقتاردىڭ ارباۋىنا تۇسكەن اقتوبەلىكتەردىڭ ءبىرى. ول ونلاين تۇردە راسىمدەلەتىن نەسيەنى تەزىرەك الماق بولىپتى. سەبەبى تانىمال الەۋمەتتىك جەلىدە ورنالاسقان جارنامانىڭ جالعاندىعىنا كۇماندانباپتى. كورسەتىلگەن تەلەفونعا دەرەۋ حابارلاسىپ، تالاپ ەتكەن جەكە قۇجاتى مەن سۋرەتىن جانە جالاقى الىپ جۇرگەن كارتاسىنىڭ نومەرىن جىبەرگەن. الايدا كوپ ۋاقىت وتپەي وعان نەسيەنىڭ راسىمدەلمەگەنى تۋرالى حابار كەلگەن. ال بۇل ارەكەتتىڭ زاڭسىز ەكەنىن جۋىردا عانا بىلگەن. 

اليما قوسانوۆا، قالا تۇرعىنى: 

- مەنىڭ جالاقى الاتىن كارتوچكامنان ءبىر اي بۇرىن 100 مىڭ تەڭگە الىنعانى تۋرالى حابارلاما كەلىپ تۇسكەن قارجى بولىمىنە. سوسىن مەن بارلىق حابارلاسقان پاراقشانى، حابارلامانى، تەلەفون نومەرىن بارلىعىن جازىپ، ءوزىمنىڭ قۇجاتتارىممەن پوليتسيا بولىمىنە كەلىپ تاپسىردىم. نەگىزى قىلمىسكەر قولعا ءتۇستى، مەنىڭ وسى ءوتىنىشىم سوتقا جىبەرىلدى.

عالامتورداعى الاياقتىق دەرەكتەرىنىڭ ازاماي وتىرعانىن پوليتسيا قىزمەتكەرلەرى دە مويىندايدى. ايتۋلارىنشا، ينتەرنەت جەلىسىندە تاۋارلار مەن قىزمەتتەردى جارنامالاۋ، قارجى ۇيىمدارىنىڭ اتاۋلارىن بۇركەنىپ ادامداردان قۇجات قابىلداۋ جانە قارجىلىق پيراميداعا اقشا تارتۋ سەكىلدى ءۇش ءتۇرى كەڭ ەتەك العان. زاڭسىز ءىستى كاسىپ ەتكەندەر قاجەتتى تولەمدەردى  ادەتتەگىدەي بانكتىك شوت ارقىلى ەمەس، ەلەكتروندى نۇسقادا اۋدارۋلارىن سۇرايتىن كورىنەدى. ال ولاردى تەز انىقتاپ ۇستاۋ، كوپ جاعدايدا مۇمكىن ەمەس. سەبەبى الاياقتاردىڭ جەلىدە جاريالاعان تەلەفون نومەرلەرى رەسمي تىركەۋدە دە جوق دەيدى ءتارتىپ ساقشىلارى.

سەيىتجان داۋلەتكەرەي، قالالىق پوليتسيا باسقارماسىنىڭ تەرگەۋشىسى:

- بۇل جاعدايدا ءبىزدىڭ ەسكەرتەتىنىمىز تەك بانكتىك شوتتاردى قولدانۋ ارقىلى عانا ساتىپ الۋدى جۇرگىزگەن ءجون. ويتكەنى بانكتىك ەمەس - ابونەنتتىك نومەرلەردى قولدانۋ ارقىلى اقشا اۋدارۋ، مىسالى، كيۆي-كوشەلوك دەيمىز ونى قولدانعان كەزدە ءسىز قىلمىسكەرگە قولايلى جاعداي جاسايسىز ءىزىن سۋىتۋعا. ءبىز قۇقىق قورعاۋ ورگاندارى ولاردىڭ اقشا اۋدارىمىن سانكتسيا ارقىلى ارتتارىنان ىزدەيمىز. انىقتايمىز. 

جالپىلاي العاندا بۇل تۇرعىداعى دەرەكتەر بىلتىرعىمەن سالىستىرعاندا ەكى ەسەگە كوبەيگەن. بۇل قولما-قول اقشاسىز تولەمدەر، ەلەكتروندى تۇردە اۋدارۋدىڭ ارتۋىمەن دە بايلانىستى كورىنەدى. ياعني ينتەرنەت ارقالى جاسالاتىن قىزمەت ءتۇرىن الاياقتار دا پايدالانىپ قالۋعا تىرىسادى دەيدى پوليتسەيلەر.

اۆتورلارى: انۋاربەك مىرزاتايۇلى، بولات مولداعاليەۆ


كەلۋ قاينارى: http://www.elarna.net/koru.php?tur=38&id=1069727

پىكىرلەر:

juz dep sifirmen jazingiz.