كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-22763105256 %44 %

وسكەمەندە مەملەكەت باعدارلاماسى بويىنشا سالىنعان ۇيلەر قاڭىراپ بوس تۇر - قازاقستان جانە الەمدەگى سوڭعى جاڭالىق


ءتۇرى: 24.kz اقپاراتتارى

ۋاقىتى: 01:00 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.



وسكەمەندە مەملەكەتتىك  باعدارلاما بويىنشا بوي كوتەرگەن 40-تان استام ءۇي قاڭىراپ بوس تۇر. نەشە جىلدان بەرى ادام تۇرماعان پاتەرلەردىڭ الدى تونالىپ،  ساۋ-تامتىعى قالماي بارادى.  كەزىندە بۇل قۇرىلىسقا مەملەكەت 200 ميلليون تەڭگە جۇمساعان. قازىنا قاراجاتى قۇيىلعان تۇرعىن ۇيلەر ەندى نەگە قاراۋسىز قالدى؟ 

22-شى ىقشام اۋدانعا العاش قونىستانعانداردىڭ ءبىرى ءتۇسىپحان قوڭىرباەۆ. زەينەتكەردىڭ ايتۋىنشا، سوڭعى كەزدە يەن تۇرعان ۇيلەر بۇزىلىپ، قۇرىلىس ماتەريالدارى شاشىلىپ،بۇل ىقشام اۋدان كۇل-قوقىس الاڭىنا اينالا باستاپتى. ماڭايداعى قاڭىراعان عيمارتتارعا قاراپ ء«ىشىم ۋداي اشيدى» دەيدى قاريا. 

تۇسىپحان قوڭىرباەۆ، 22-ىقشام اۋدان تۇرعىنى:

- مۇندا 70-80 ءۇي تۇر، ەندى 70-80 سەميا جاستار كەپ كىرسە جامان با، اۋىلدان كەلگەن جاستاردىڭ كوبى كۆارتيرا جالداپ كوبى تۇرا الماي ءجۇر، مىنانىڭ ءبارىن دۇرىستاپ سالىپ بەرسە حالىققا كىشكەنە كومەك قوي.

تىم تاۋىر ۇيلەردىڭ جاڭبىر مەن قار استىندا ءشىرىپ جاتقانى بۇنداعى تۇرعىنداردىڭ بارلىعىن دا الاڭداتىپ ءجۇر. ولار بۇعان قۇيىلعان قاراجاتتتىڭ دالاعا كەتكەنىنە اشىنادى. 

نۇريپا قوڭىرباەۆا زەينەتكەر:

- ءاي جەپ كەتتى عوي دەيمىن بىرەۋلەر، بىرەۋدىڭ قالتاسىندا كەتتى، باسقا قالاي ايتام.

دالاعا كەتكەن قاراجاتتىڭ ەسەبىنەن قۇرىلىس ءبولىمى حاباردار. ەسىك-تەرەزەسى ۇڭىرەيىپ، ەشتەڭەگە جاراماي قالعان 43 نىساننىڭ قۇرىلىسى ءۇشىن 190 ميلليون 730 مىڭ تەڭگە ءبولىنىپتى. جوبا 2008-2010 جىلدارعا ارنالعان  تۇرعىن ءۇي  باعدارلاماسى شەڭبەرىندە جۇزەگە اسىرىلعان.الايدا مەردگەر كومپانيا كەستەگە ساي جۇمىستى ورىنداي الماعان.ماسەلەنىڭ ءبارى وسى جەردەن باستالادى.قۇرىلىس ءبولىمى ول كومپانيانىڭ ۇستىنەن سوتقا ارىز تۇسىرەدى. 

ماديار ابىلحانوۆ، قالالىق قۇرىلىس ءبولىمىنىڭ سەكتور مەڭگەرۋشىسى:

- كەستەگە ساي جۇمىستى ورىنداماعان،كەستەگە ساي ورىندالماعاندىقتان ارىزدانىپ، شاعىمدانعانبىز. سوتتىڭ شەشىمىمەن كەلىسىم-شارت بۇزىلدى. «كيروۆسكي رمز» بىزگە، مەملەكەتتىك مەكەمەگە زاڭدى تۇردە وبەكتىلەردىڭ كونسەرۆاتسياسىن جاساپ، تاپسىرىپ بەرۋ كەرەك ەدى، ول ورىنداۋشىلارىنىڭ قۇزىىرەتىندە ءالى. بىزگە ءالى كونسەرۆاتسيالانىپ زاڭدى تۇردە بەرىلگەن جوق ءالى.

سويتىپ، جاۋاپتى ماماندار ءالى سوت شەشىمىنىڭ ورىندالۋىن كۇتۋمەن ءجۇر. قاشان بۇل داۋعا «زاڭدى تۇردە» نۇكتە قويىلارى بەلگىسىز. ءبىراق  سالا باسشىلارى اتالعان ۇيلەردىڭ قۇرىلىسىن ارى قاراي جالعاستىرىپ، تولىق اياقتاۋدى جوسپارلاپ وتىر. ول ءۇشىن ءتىپتى سمەتالىق جوبالىق قۇجاتتامالار دا ازىرلەپ جاتىر ەكەن. 

ەلميرا احمەتوۆا، ءتىلشى:

- ۇيلەردىڭ كەيپى مىنە وسىنداي.جەرگىلىكتى اكىمدىك قايتا قالپىنا كەلتىرىپ، جوندەگەنشە شىداي ما جوق پا بەلگىسىز.قازىردىڭ وزىندە قاۋساپ ارەڭ تۇر. ايتا كەتۋ كەرەك، وسكەمەندە ءۇي كەزەگىندە 11 284 ادام تۇر.

بۇل ىقشام اۋداندا مەملەكەتتىك باعدارلاما بويىنشا سالىنعان تاعى 80-گە جۋىق ءۇي بار. وندا تۇرعىندار تۇرىپ جاتىر. كوپشىلىگى مەملەكەتتىك قىزمەتكەرلەر. الايدا اۋدان  ينفراقۇرىلىمنان جۇرداي دەۋگە بولادى. جولى مي باتپاق. قوعامدىق كولىك كىرمەيدى. جەرگىلىكتى جۇرتتى وسى ابدەن قاجىتىپتى. 

مۇرات دالەلحان، 22-ىقشام اۋدان تۇرعىنى:

- مەن كورشىلەرگە جوعارىعا بارىپ،اكىمدەرگە ايتامىز دەسەم،ولاردىڭ كەيبىرى ەندى شىنىن ايتادى. جىگىت ءاي، بولمايدى عوي بۇلاي، ءبىز ۇكىمەتتىك جۇمىس ىستەپ ءجۇرمىز، ەرتەڭ ىزگە ارىز قىلادى عوي دەيدى، سونىمەن ەشكىم سويلەمەيدى، ءسويتىپ قالادى. 

ايگۇل قالياقپاروۆا، 22-ىقشام اۋدان تۇرعىنى:

- بۇل جەردە مەكتەپ تە بولادى، دەدى،بالاباقشا دا  بولادى دەدى، كىرگەنىمىز كىردىك ارينە بەرگەنىنە راحمەت.

جارىق، جول سىندى قاجەتتىلىكتەرمەن قامتاماسىز ەتەمىز دەيدى اكىمدىكىتەگىلەر. تەك كەلەسى جىلى. ول ءۇشىن قارجىلىق ءوتىنىم بەرىلىپتى. وسىلايشا اكىم قارالار «الدىمەن جەر تەلىمىن بەرىپ، سودان سوڭ عانا ينفراقۇرىلىممەن اينالىساتىن» ەسكى ادەتتەرىنەن اينىماي كەلەدى.

اۆتورلارى: ەلميرا احمەتوۆا، اسلان تولەپوۆ


كەلۋ قاينارى: http://www.elarna.net/koru.php?tur=38&id=1069719

پىكىرلەر:

juz dep sifirmen jazingiz.