كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-22857122356 %44 %

تۇركىستان وبلىسىندا جازاتايىم وقيعالار سۋيتسيد رەتىندە تىركەلگەن - پروكۋراتۋرا


ءتۇرى: قازاقپارات جاڭالىقتارى

ۋاقىتى: 00:03 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.
تۇركىستان وبلىسىندا جازاتايىم وقيعالار سۋيتسيد رەتىندە تىركەلگەن - پروكۋراتۋرا

تۇركىستان. قازاقپارات – تۇركىستان وبلىسىندا كامەلەتكە تولماعاندار اراسىنداعى وزىنە قول جۇمساۋ دەرەكتەرى ەداۋىر ارتقان. بۇل تۋرالى وبلىستىق پروكۋراتۋرا قىزمەتكەرلەرى، ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورلىق-وقىتۋشى قۇرامى مەن پوليتسيا دەپارتامەنتى، قوعامدىق دامۋ باسقارماسىنىڭ باسشىلارى مەن ۇكىمەتتىك ەمەس ۇيىم وكىلدەرى باس قوسقان جيىندا ايتىلدى، دەپ حابارلايدى قازاقپارات ءتىلشىسى.

ۇقساس جاڭالىقتار
تۇركىستاندا جاسوسپىرىمدەر اراسىنداعى سۋيتسيد ماسەلەسى تالقىلاندى اقتوبەدە ءجاسوسپىرىم وز-وزىنە قول جۇمسادى شقو-دا 7 جاسار قىزدى زورلاعان جىگىت اسىلىپ ءولدى

وبلىستىق پروكۋراتۋرانىڭ مالىمەتىنشە، وڭىردە جاسوسپىرىمدەردىڭ جىنىستىق تيىسپەۋشىلىگىنە قارسى قىلمىستار سانى 24،6% كەمىگەن. الايدا، كامەلەتكە تولماعاندار اراسىندا 35 سۋيتسيد تىركەلىپ، بۇل وتكەن جىلمەن سالىستىرعاندا 20% ارتقانىن كورسەتىپ وتىر. جۇرگىزىلگەن تالداۋ وڭىردەگى جالپى سۋيتسيد سانىنىڭ ىشىنەن بالالار ءسۋيتسيدىنىڭ 13% پايىزدى قۇرايتىنىن كورسەتكەن. سۋيتسيدكە بەيىم ەڭ ءقاۋىپتى كەزەڭ 14-18 جاس ارالىعى ەكەنى انىقتالىپ، ءدال وسى جاستا بالالاردىڭ 60% وزىنە قول جۇمساۋعا تىرىساتىنى بەلگىلى بولعان.

«جاسوسپىرىمدەردىڭ وزىنە قول جۇمساۋىنا ەرەسەكتەر اراسىندا ءجيى ورىن الاتىن ماتەريالدىق جەتىسپەۋشىلىك ومىرلىك قيىنشىلىقتار مەن الەۋمەتتىك نەمەسە تۇرمىستىق كۇيزەلىس ەمەس، وتباسىنداعى، مەكتەپتەگى جانە دوستار اراسىنداعى قارىم-قاتىناسقا بايلانىستى پروتسەستەر نەگىزگى سەبەپ بولادى. سۋيتسيد فاكتىلەرىن زەردەلەۋ بارىسىندا پروكۋرورلار قىلمىستىق قۋدالاۋشى ورگاننىڭ ءسۋيتسيدتى ەسەپكە الۋ جۇمىسىن دۇرىس جۇرگىزبەگەنىن انىقتادى. سۋيتسيد جاساۋعا ارەكەتتەنگەندەر مەن اياقتالعان سۋيتسيد ەسەبىنە جازاتايىم وقيعالار ەنگىزىلگەن» دەلىنگەن حابارلامادا.

ماسەلەن، تۇلكىباس اۋدانىندا دارى-دارمەكتەن ۋلانىپ، شۇعىل دارىگەرلىك كومەك كورسەتۋدىڭ ارقاسىندا ءتىرى قالعان بالانىڭ وقيعاسىن سۋيتسيد رەتىندە جاڭىلىس ەسەپكە العان. ال، سايرام اۋدانىندا ابايسىزدا ءبىر شولمەك تىڭايتقىش ەرىتىندىسىن سۋ دەپ ويلاپ ءىشىپ قويعان ءجاسوسپىرىمنىڭ ۋلانۋ جاعدايىن سۋيتسيد رەتىندە تىركەگەن. قاداعالاۋ ورگانى وكىلدەرى وسىنداي دەرەكتەر ءتورت جاعدايدا ورىن العانىن انىقتاعان. ولار بويىنشا ەسەپكە تۇزەتۋ ەنگىزىلگەن.

سونىمەن قاتار كەڭەسكە قاتىسۋشىلار بالالار ءسۋيتسيدى ماسەلەسىن زەرتتەۋگە جانە بىلىكتى مەكتەپ پسيحولوگتارىن دايىنداۋعا سەپتىگىن تيگىزگەن «رەفرەيم» ۇكىمەتتىك ەمەس ۇيىمىنىڭ ساپالى جۇمىسىن اتاپ ءوتتى.

ايتىپ وتسەك، وبلىس پروكۋراتۋراسىنىڭ باستاماسىمەن كەلەس اۋدانىنىڭ پەداگوگ-پسيحولوگتارىنىڭ بىلىكتىلىگىن ارتتىرۋ مەن وقىتۋعا بيۋدجەتتەن 2،5 ملن تەڭگە بولىنگەن بولاتىن. مامانداردىڭ بىلىكتىلىگىن جەتىلدىرىپ، جۇمىسىن جاقسارتۋدىڭ ارقاسىندا اۋداندا بالالار اراسىنداعى سۋيتسيد سانى 6-دان 1-گە دەيىن تومەندەگەن. ء

ىس-شارا بارىسىندا وقۋ ورنىنىڭ پرەزيدەنتى ب.ابراسيلوۆ ۋنيۆەرسيتەتتىڭ بىرلەسكەن ءىس-شارالار جوسپارىن جۇزەگە اسىرۋعا كىرىسكەنىن، وندا مۇددەلى ورگاندار قىزمەتكەرلەرى مەن ۋنيۆەرسيتەت عالىمدارى اراسىنان ارنايى جۇمىس توبى قۇرىلعانىن اتاپ ءوتتى. پروكۋراتۋرا ورگاندارى انىقتاعان پروبلەمالار بويىنشا جانە جاسوسپىرىمدەر اراسىنداعى سۋيتسيد جونىندە زەرتتەۋ جۇمىستارى باستالدى. زەرتتەۋ جۇمىستارى اياقتالعاننان كەيىن ۋنيۆەرسيتەت ءوز قاراجاتى ەسەبىنەن ادىستەمەلىك نۇسقاۋلار مەن وقۋ-ادىستەمەلىك قۇرالدار شىعارادى.

قوعامدىق ۇيىم وكىلدەرى ءسۋيتسيدتىڭ الدىن الۋ ماقساتىندا اتا-انالارمەن، پەداگوگتاردى اقپاراتتاندىرۋمەن، بالامەن، مەكتەپپەن جانە جاسوسپىرىمدەر ورتاسىمەن ءوزارا ءىس-قيمىل جاساۋ تۋرالى كۇردەلى ماسەلەلەردى تالقىلاۋ بويىنشا جۇمىس جۇرگىزۋدە مەملەكەتتىك قۇرىلىمدارمەن كۇش-جىگەردى بىرىكتىرۋگە نيەت ءبىلدىردى.

«ەلىمىزدەگى ءاربىر جەتىنشى بالا ءبىزدىڭ وبلىستا تۇرادى. وسىعان بايلانىستى وبلىستا تىركەلگەن ءار بالانىڭ وزىنە قول جۇمساۋ دەرەگى دابىل بەلگىسى رەتىندە قابىلدانۋى قاجەت. ماسەلەنىڭ وزەكتىلىگىن ەسكەرە وتىرىپ، ۋنيۆەرسيتەتتىڭ عىلىمي قىزمەتكەرلەرىنە بالالار ءسۋيتسيدى ماسەلەسىن زەرتتەۋگە قاتىسۋدى ۇسىنامىن»، - دەدى جيىندى قورتىندىلاعان وبلىس پروكۋرورى نۇرعالىم ءابدىروۆ.


كەلۋ قاينارى: http://www.elarna.net/koru.php?tur=3&id=1069707

پىكىرلەر:

juz dep sifirmen jazingiz.