كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-18373106555 %45 %

ۇيالى تەلەفوننىڭ قوڭىراۋىنا قۇراندى قويۋعا بولا ما؟ – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 22:40 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.ۇيالى تەلەفوننىڭ قوڭىراۋىنا قۇراندى قويۋعا بولا ما؟ – Sunna.kz

سۇراق: ۇيالى تەلەفوننىڭ قوڭىراۋ ۇنىنە قۇران اياتتارىن جانە وياتقىشىنا ازان داۋسىن قويۋعا بولا ما؟

جاۋاپ: قازىرگى تاڭدا كوپشىلىكتىڭ قوڭىراۋ ۇنىنە قۇران اياتتارىن نەمەسە وياتقىشقا ازان داۋسىن قويىپ جۇرگەنى بەلگىلى. وسى تۇستا، اللانىڭ كالامىن ويىنشىققا اينالدىرماس ءۇشىن جانە ونىڭ رامىزدەرىن قۇرمەتتەۋ ماقساتىندا بۇل ىستەن الشاق بولۋدى ەسكەرتەمىز. ويتكەنى اللا تاعالا قۇراندى بەكەرشىلىككە، ۇيالى تەلەفوندارعا قوڭىراۋ ءۇنى ەتىپ قويۋعا ەمەس، اياتتارىنا پىكىر جۇگىرتۋ جانە ونداعى ۇكىمدەرگە امال ەتۋىمىز ءۇشىن ءتۇسىردى. اللا تاعالا قۇراندا: كِتَٰبٌ أَنزَلۡنَٰهُ إِلَيۡكَ مُبَٰرَكٞ لِّيَدَّبَّرُوٓاْ ءَايَٰتِهِۦ وَلِيَتَذَكَّرَ أُوْلُواْ ٱلۡأَلۡبَٰبِ ٢٩

«بۇل – مۇباراك كىتاپ [قۇران]، ونى ساعان (ۋا، مۇحاممەد) اياتتارىن (ادامدار) زەردەلەۋى ءۇشىن ءھام اقىل يەلەرى ۇگىت الۋلارى ءۇشىن تۇسىردىك»[1]، – دەيدى.

مىسىر ەلىنىڭ بۇرىڭعى ءمۇفتيى دوكتور ءالي جۇما، يسلام زەرتتەۋلەر اكادەمياسىنىڭ بۇرىنعى مۇشەسى ماحمۋد اشۋر جانە ودان دا باسقا عالىمدار قۇران اياتتارىن قوڭىراۋ ۇنىنە قولدانۋ حارام دەگەن ءپاتۋا بەرگەن. ونىڭ سەبەبىن بىلاي ءتۇسىندىردى:

1) قۇران اياتتارىن قوڭىراۋ ۇنىنە قويۋ ونى اياق-استى ەتۋگە الىپ بارادى. ويتكەنى دارەتحانادا نەمەسە باسقا دا لاس جەرلەردە قوڭىراۋ شالىپ قالۋى ىحتيمالى بولعاندىقتان ول ىسكە جول بەرىلمەيدى.

2) بۇل ءىس قۇراندى قۇرمەتتەۋگە، ۇلىقتاۋعا جاتپايدى. اللا تاعالا قۇراندا:  ذَٰلِكَۖ وَمَن يُعَظِّمۡ شَعَٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ ٣٢

«مىنە، سولاي! ال كىم اللانىڭ (بەكىتكەن) رامىزدەرىن ۇلىقتاسا، كۇدىكسىز، ول جۇرەكتەردىڭ تاقۋالىعىنان»[2]،-دەيدى.

كەيبىر ادامدار قوڭىراۋ ۇنىنە مۋزىكا قويعاننان قۇراندى قويعان ابزالىراق دەگەن ءۋاج ايتۋى مۇمكىن. الايدا مۋزىكانىڭ ورنىنا قۇران قويعاننان جاي عانا اۋەن قويسا جەتەرلى. باستىسى وعان قوڭىراۋ شالىپ جاتقانىن بىلسە بولدى ەمەس پە؟

ال ازاندى وياتقىش ۇنىنە قويۋعا كەلسەك، وعان رۇقسات ەتىلەدى. ءبىراق مىنا شارتتار ەسكەرىلۋى قاجەت:

1) وياتقىشتاعى ازاندى سويلەمنىڭ سوڭىنا دەيىن تىڭداۋ. ويتكەنى ءسوزدىڭ سوڭىنا دەيىن جەتكىزبەي، ورتاسىنان وشىرسە ماعىناسى تولىق بولماي قالادى. مىسالى: ء«اشھادۋ ءاللا ءيلاھا ءيللاللوھ، ءاشھادۋ ءاننا مۋحاممادان» دەپ «راسۋلاللاھ» ءسوزى ايتىلماي سوندىرۋگە نەمەسە ء«اشھادۋ ءاللا ءيلاھا» دەگەن ۋاقىتتا وشىرۋگە بولمايدى. ويتكەنى ول «اللا جوق» دەپ كۋالىك بەرگەن بولادى.

2) دارەتحانادا قوسىلىپ كەتپەۋىن قاداعالاۋى ءتيىس. سەبەبى ول اللانى ەسكە الاتىن ورىن ەمەس.

دەگەنمەن، اتالمىش شارتتاردى ورىنداعاننىڭ وزىندە وياتقىشقا ازان داۋسىن قولدانباۋعا كەڭەس بەرەمىز. سوندىقتان قۇراندى قوڭىراۋ ءۇنى، ازاندى وياتقىش رەتىندە پايدالانۋعا بولمايدى. بۇل شاريعات رامىزدەرىنە دەگەن قۇرمەتسىزدىك جانە تاقۋالىققا جات ارەكەت بولىپ تابىلادى.  

[1]«ساد» سۇرەسى، 29-ايات.

[2]«حاجج» سۇرەسى، 32-ايات.

fatua.kz


كەلۋ قاينارى: http://www.elarna.net/koru.php?tur=18&id=1069694

پىكىرلەر:

juz dep sifirmen jazingiz.