كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-1834794855 %45 %

الماتىدا ازەربايجان مادەنيەتى مەن سالت-داستۇرىنە ارنالعان مەرەكەلىك ءىس-شارا ءوتتى


ءتۇرى: قازاقپارات جاڭالىقتارى

ۋاقىتى: 22:27 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
الماتىدا ازەربايجان مادەنيەتى مەن سالت-داستۇرىنە ارنالعان مەرەكەلىك ءىس-شارا ءوتتى

نۇر-سۇلتان. قازاقپارات - الماتىدا قازاقستان حالقى اسسامبلەياسىنىڭ ۇيىمداستىرۋىمەن قازاقستانداعى ازەربايجان ەتنوسىنىڭ مادەنيەتى جانە سالت-داستۇرىنە ارنالعان مەرەكەلىك ءىس-شارا ءوتتى، دەپ حابارلايدى قازاقپارات.

ۇقساس جاڭالىقتار
قوستاناي وبلىسىندا انالار كەڭەسىنىڭ وتىرىسى ءوتتى جانسەيىت تۇيمەباەۆ: قحا ۇلتتار مەن ۇلىستاردىڭ التىن دىڭگەگىنە اينالدى وتىرار اۋدانىندا «وڭتۇستىك دوستىق مەكەنى» جوباسى اياسىندا كەلەلى جيىن ءوتتى

دوستىق ۇيىندە وتكەن شارادا ازەربايجان ەتنومادەني بىرلەستىگىنىڭ مادەنيەتى مەن داستۇرلەرى كۇنىمەن قۇتتىقتاعان قحا ءتوراعاسىنىڭ ورىنباسارى – حاتشىلىق مەڭگەرۋشىسى ج.ق.تۇيمەباەۆ: «قازاقستاندا 110 مىڭنان استام ازەربايجاندىقتار تۇرادى. ولاردىڭ باسىم كوپشىلىگى ەلىمىزدىڭ وڭتۇستىگىندە – تۇركىستان، الماتى، جامبىل وبلىستارى مەن الماتى جانە شىمكەنت قالالارىن مەكەن ەتەدى»، - دەي كەلە، ازەربايجانداردىڭ قازاقستانعا قونىس اۋدارۋ تاريحى جايلى دا ايتىپ ءوتتى.


ازەربايجان ەتنوسى قازاقستاندا تۇراتىن حالىقتاردىڭ سانى بويىنشا 10-شى ورىندا. الماتىنىڭ وزىندە 10 000-عا جۋىق ازەربايجان تۇرادى.

«1992 جىلى قازاقستاندا «تۇران» تۇڭعىش ازەربايجان مادەنيەت ورتالىعى قۇرىلعان بولاتىن. 2007 جىلى «ازەربايجاندار قاۋىمداستىعى» رەسپۋبليكالىق قوعامدىق بىرلەستىگى قۇرىلدى. جالپى، بۇگىنگى كۇنى ەلىمىزدە 32 ازەربايجاندىق ەتنومادەني بىرلەستىك جۇمىس اتقارۋدا. ازەربايجان تىلىندە «ۆاتان» گازەتى شىعارىلىپ تۇرادى. مەملەكەتتىك ءتىل مەن ازەربايجان ءتىلىن ۇيرەتەتىن، ءسالت-داستۇر، ادەت-عۇرىپ، مۋزىكا جانە بي ۇيرەنۋ كۋرستارى جۇمىس ىستەيدى. «باحار» بيشىلەر توبى، ۇلتتىق-اسپاپ جانە فولكلورلىق ۇجىمدار قۇرىلعانىن» اتاپ وتكەن جانسەيىت تۇيمەباەۆ، قىزىقتى مالىمەتتەرگە تولى بايانداماسى بارىسىندا قازاقستانداعى ماقتان تۇتار، وتكەن ءجۇزجىلدىق پەن قازىرگى كەزەڭدە تانىمال بولعان ازەربايجاندار جايلى ايتىپ ءوتتى.

«ابيلفاس حامەدوۆتىڭ جەتەكشىلىگىمەن ازەربايجاندار قاۋىمداستىعىنىڭ مۇشەلەرى ەتنوسارالىق قارىم-قاتىناستى نىعايتۋعا ىقپال ەتىپ، ەلىمىزدىڭ قوعامدىق-مادەني ومىرىنە ۇلەس قوسىپ وتىر» دەگەن جانسەيىت تۇيمەباەۆ، اتالعان شارانىڭ وتۋىنە ۇيىتقى بولىپ، ءوز ۇلەسىن قوسقان «ازەربايجان قاۋىمداستىعى» رەسپۋبليكالىق قوعامدىق بىرلەستىگىنىڭ ءتوراعاسى ابيلفاس حامەدوۆكە جانە بارلىق ۇيىمداستىرۋشىلارعا العىسىن ءبىلدىردى.

فەستيۆال اياسىندا «حالىقتىڭ بىرلىگى – ەلدىڭ كۇشى» تاقىرىبىندا دوڭگەلەك ۇستەل، قولدانبالى ونەر كورمەسى، «كىتاپ – حالىقتىڭ جان دۇنيەسىن ءبىلۋدىڭ كىلتى» اتتى كىتاپ كورمەسى، شىعارماشىلىق ۇجىمداردىڭ كونتسەرتى، سونداي-اق «دوستىق داستارحانى» اتتى ازەربايجانداردىڭ ۇلتتىق اسحاناسى تاعامدارىنىڭ كورمەسى ۇيىمداستىرىلدى.

شارانىڭ ماقساتى – «رۋحاني جاڭعىرۋ» باعدارلاماسىن جۇزەگە اسىرا وتىرىپ، قوعامدىق كەلىسىم مەن جالپىۇلتتىق بىرلىكتى نىعايتۋ; قازاقستاندىق ەتنوس وكىلدەرىنىڭ مادەنيەتىن ناسيحاتتاپ، ازاماتتىق بىرتەكتىلىك قالىپتاستىرۋ; قازاقستاندىق باۋىرلاس حالىقتار اراسىندا ارىپتەستىك بايلانىس ورناتىپ، دوستىق قارىم-قاتىناستاردى ارتتىرۋ.


كەلۋ قاينارى: http://www.elarna.net/koru.php?tur=3&id=1069691

پىكىرلەر:

juz dep sifirmen jazingiz.