كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1728677152 %48 %

داياشى ءدامحاناعا كەلگەن قوناقتىڭ كارتاسىمەن ينتەرنەتتە ساۋدا جاساعان - قازاقستان جانە الەمدەگى سوڭعى جاڭالىقت


ءتۇرى: 24.kz اقپاراتتارى

ۋاقىتى: 22:10 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.



قازىر ءبىزدىڭ ەلدە ينتەرنەت ساۋدا قىزىپ تۇر. الىس-بەرىسكە جەڭىل، قول ۇزارىپ قالدى دەپ ءجۇرۋشى ەدىك. سويتسەك، الاياقتار بۇل سالانىڭ دا ءقادىرىن قاشىرا باستاپتى. ايلاسىن اسىرىپ، وزگەنىڭ قالتاسىن قاعىپ ءجۇر. 

اقەركە قۇربىلارىمەن ءدامحاناعا بارامىن دەپ، ينتەرنەت الاياقتىڭ قۇربانىنا اينالدى. ماسەلەنىڭ ءبارى بانك كارتاسىنان باستالدى. كەيىپكەرىمىز ەسەپتەسۋ ءۇشىن ونى داياشىعا ۇستاتا سالعان. كەيىنگىسى ونداعى مالىمەتتەرىن جازىپ الىپ، ارتىنشا ونلاين ساۋداعا قاتىسقان. ءسويتىپ، ءبىراز ۋاقىتتان كەيىن اقەركە شوتىنداعى اقشانىڭ اياقاستى ازايا بەرگەنىن بايقايدى. 

اقەركە ابدۋاليەۆا، جەرگىلىكتى تۇرعىن:

- ەكىنشى كۇنى تەلەفونىما بانك كارتاسىنان اقشا شەشىلگەنى تۋرالى حابارلامالار كەلە باستادى. بارلىعىندا ونلاين ساۋدا جاسالعانى كورسەتىلگەن. كەيىن ءبىلدىم. 5 مىڭ تەڭگەگە دەيىن ەسەپ ايىرىسۋ ءۇشىن كارتا قوجايىنىنىڭ رۇقساتى كەرەك ەمەس ەكەن. بۇل مۇمكىندىكتى الاياقتار جەڭىل تابىس كوزىنە اينالدىرعان. 

كەىپكەرىمىز بىردەن پوليتسياعا شاعىمدانىپ، ارتىنشا الاياقتىق جاساعان ادام دا ۇستالدى. كەيىن وعان 2 جىل بوستاندىعىن شەكتەۋ جونىندە جازا تاعايىندالدى. ءبىراق بارلىق ءىس وسىلاي جىلدام ءارى ءساتتى شەشىلە بەرمەيدى. ويتكەنى الاياقتار جىمىسقى ويىن ىسكە اسىرۋ ءۇشىن جاڭا تەحنولوگيانى ۇتىمدى پايدالانادى. ادامنىڭ سەنىمىنە كىرۋدىڭ دە نەبىر ءادىس-تاسىلىن مەڭگەرگەن. سوندىقتان، ولاردىڭ قۇرىعىنا تۇسكەندەر العاشقىدا الدانعانىن بىلمەۋى دە مۇمكىن. 

سايات دۇيسەمباەۆ، قالالىق پوليتسيا دەپارتامەنتى كريمينالدىق پوليتسيا باسقارماسىنىڭ اعا جەدەل ۋاكىلى:

- قالاي الدايدى؟ مىسالى، جالعان اككاۋنتتاردىڭ كوشىرمەلەرىن جاساپ الادى دا كۇدىكتىرلەر، سونىن ادامدارعا جارنامالايدى. اۆتوكولىكتەردىڭ سايماندارىن ساتامىز دەپ. كەيى كيۆي كوشەلەككە اقشا لاقتىر دەپ، ادامداردى الدايدى. 

كولىك سايماندارىن ساتىپ الۋ ءبىر مىسال عانا. ءدال وسىلاي تۇرمىستىق تەحنيكا نەمەسە جىلجىمايتىن مۇلىك العىسى كەلگەندەر دە جوق جەردەن قوماقتى قارجىسىنان ايىرىلۋى مۇمكىن. ەلوردانىڭ وزىندە پوليتسياعا بيىل ءدال وسىنداي مازمۇنداعى مىڭنان اسا ارىز تۇسكەن. ونىڭ ء244-ى اشىلىپ، كىنالىلەر انىقتالدى. ءبىراق ەڭ الدىمەن ازاماتتاردىڭ ءوزى ساقتىق تانىتقانى ابزال دەيدى ءتارتىپ ساقشىلارى. ويتكەنى ينتەرنەت قارقىندى دامىپ جاتقان زاماندا الاياقتار دا ءوز ويىن ىسكە اسىرۋدىڭ نەبىر امالدارىن ويلاپ تاۋىپ، الاياقتىق ادىستەرىن جەتىلدىرە تۇسەرى انىق. 

اۆتورلارى: اسلان قاجەنوۆ، ءادىلعازى تولەمىس


كەلۋ قاينارى: http://www.elarna.net/koru.php?tur=38&id=1069688

پىكىرلەر:

juz dep sifirmen jazingiz.