كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-1834794855 %45 %

رەسەيلىك ينۆەستورلارعا «Qyzyljar» ەكونوميكالىق ايماعى تانىستىرىلدى


ءتۇرى: قازاقپارات جاڭالىقتارى

ۋاقىتى: 21:21 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
رەسەيلىك ينۆەستورلارعا «Qyzyljar» ەكونوميكالىق ايماعى تانىستىرىلدى

پەتروپاۆل. قازاقپارات – قازاقستان-رەسەي XVI ءوڭىرارالىق فورۋمىندا سولتۇستىك قازاقستان وبلىسى رەسەيلىك ينۆەستورلارعا جاڭادان قۇرىلعان ەكونوميكالىق ايماقتىڭ تيىمدىلىگىن پايدالانۋدى ۇسىندى، دەپ حابارلايدى قازاقپارات ءتىلشىسى.

ومبىدا وتكەن قازاقستان-رەسەي XVI ءوڭىرارالىق فورۋمى اياسىندا سقو اكىمى قۇمار اقساقالوۆ رەسەيلىك بيزنەسمەندەرمەن كەزدەستى. وبلىس اكىمى ءباسپاسوز قىزمەتىنىڭ حابارلاۋىنشا، پەتروپاۆلدا جاڭادان قۇرىلعان ارنايى ەكونوميكالىق ايماق اڭگىمە وزەگىنە اينالدى. وندا اۋىل شارۋاشىلىعى ونىمدەرىن قايتا وڭدەۋ جانە سينتەتيكالىق ماتەريالداردى شىعارۋ جوسپارلانعان.

ارنايى ەكونوميكالىق ايماقتا ءونىمى ەكسپورتقا باعىتتالعان كاسىپورىندار اشىلىپ، ناتيجەسىندە 3 مىڭ جاڭا جۇمىس ورنى پايدا بولادى. وڭىردە ءقازىر 500-دەن استام ءوندىرىس ورنى رەسەيلىك ينۆەستورلاردىڭ قولداۋىمەن جۇمىس ىستەپ جاتىر. وعان وبلىستا شاعىن جانە ورتا بيزنەسكە جاسالىپ وتىرعان قولايلى جاعداي سەبەپ. ارنايى ەكونوميكالىق ايماق اياسىندا جۇمىس ىستەيتىن كاسىپكەرلەرگە باسقا دا كوپتەگەن ءتيىمدى ۇسىنىستار بار.

«سالىق تولەۋدە جەڭىلدىكتەر بولدى. ينفراقۇرىلىم مەملەكەت ەسەبىنەن تارتىلادى. جەر ۋچاسكەسىن بەرەمىز. ارنايى ەكونوميكالىق ايماق 25 جىلعا قۇرىلعان. وڭدەۋشى ونەركاسىپ باعىتىندا جۇمىس ىستەيدى. باسىمدىق بەرىلەتىن ينۆەستيتسيالىق جوبالار بار، ولاردى كورپوراتيۆتىك تابىس سالىعىنان 10 جىلعا دەيىن جانە جەر، مۇلىك سالىعىنان بوساتۋ مۇمكىندىگى بار»، - دەيدى سقو اكىمىنىڭ ورىنباسارى داۋرەن جانداربەك.

فورۋم اياسىندا ءۋاليحانوۆ اۋدانىنداعى قيىرشىق تاس كەن ورنىن پايدالانىپ، قۇرىلىس ماتەريالىن تەمىرجولدى قايتا قالپىنا كەلتىرۋ ارقىلى ومبى وبلىسىنا ساتۋ ماسەلەسى تالقىلاندى.

«تەمىرجولدى سالۋ ارقىلى تاسىمالداۋ كولەمىن بىرنەشە ەسە ۇلعايتامىز. رەسەيلىك تاراپ ارزان ماتەريال الادى، ءبىز ينۆەستيتسيا تارتامىز. زاۋىتتار سالىنىپ، وبلىستا جاڭا جۇمىس ورىندارى اشىلادى»، - دەدى قۇمار اقساقالوۆ.


كەلۋ قاينارى: http://www.elarna.net/koru.php?tur=3&id=1069678

پىكىرلەر:

juz dep sifirmen jazingiz.