كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-222166564148 %52 %

وڭتۇستىك كورەيادا دەنيس تەندى ەسكە الۋ كورمەسى اشىلدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 21:00 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.



وندا مانەرلەپ سىرعاناۋشىنىڭ سيرەك فوتوسۋرەتتەرى مەن جەكە زاتتارى قويىلدى، دەپ حابارلايدى «حابار 24».

سونداي-اق جۇرت نازارىنا سپورتشىنىڭ شىعارماشىلىق تۋىندىلارى ۇسىنىلدى.

دەنيس تەننىڭ اندەرى قازاقستاندىق مانەرلەپ سىرعاناۋشىنىڭ كوپ قىرلى تالانت ەكەنىن ەسكە سالادى. ول سپورتشى، فوتوگراف، اقىن، مۋزىكانت ءارى باۋىرمال. دەنيس تەن قازاقستان مەن وڭتۇستىككورەيالىقتار ءۇشىن وسىنداي قىرلارىمەن ەستە قالدى.

كيم سان ۋك، ءتىلشى:

مەن دەنيستى بالا كەزىنەن بىلەمىن. ونىڭ مۇز ۇستىندەگى العاشقى قادامدارىن كوردىم. ول الماتىدا كىشكەنتاي بالالارعا ساباق بەرگەندە «مىنا جىگىت مانەرلەپ سىرعاناۋ جۇلدىزىنا اينالادى» دەپ ويلادىم.

بۇگىندە ەل دەنيستى ديپلومات دەپ اتايدى. قازاقستان مەن كورەيا اراسىنداعى جوعارى دەنگەيدەگى كەلىسسوزدەردە اركەز تەننىڭ ەسىمى اتالادى.

باقىت دۇيسەنباەۆ، قازاقستاننىڭ كورەيا رەسپۋبليكاسىنداعى توتەنشە جانە وكىلەتتى ەلشىسى:

- سپورت ارقىلى، ءوزىنىڭ سپورتتىق جەتىستىكتەرى ارقىلى ول قازاقستاندى الەمنىڭ باسقا ەلدەرىمەن، ونىڭ ىشىندە، اسىرەسە كورەيا رەسپۋبليكاسىمەن بىرىكتىردى.

دەنيستىڭ قۇرمەتىنە ارنالعان كورمەگە وڭتۇستىك كورەيانىڭ ەڭ ايگىلى مانەرلەپ سىرعاناۋشىلارى كەلدى.

كيم يون ا، 2010 ج. وليمپيادا ويىندارىنىڭ چەمپيونى:

ول مانەرلەپ سىرعاناۋدىڭ باتىرى. ول قىسقى وليمپيادا ويىندارىندا قازاقستاننىڭ اتىن شىعارۋدى ماقسات تۇتتى. ءبىز مۇنداي بىرەگەي سپورتشىنى ەشقاشان ۇمىتپايمىز.

چوي دا بين، ازيا ويىندارىنىڭ چەمپيونى:

- دەنيسپەن العاش رەت مەنى مۇزدى شوۋعا شاقىرعان كەزدە كەزدەستىم. دەنيس اينالاسىنداعىلاردىڭ بارىنە قامقور بولعان جان. ونى ەسىمە السام، قيماستىق سەزىم بيلەيدى.

مانەرلەپ سىرعاناۋشىنىڭ ەسەلى ەڭبەگىن اناسى ۇمىتتىرماق ەمەس. دەنيس تەن قورى ءبىر جىل ىشىندە ونىڭ ولەڭدەر جيناعىن شىعارىپ، ەسكە الۋ ءتۋرنيرىن وتكىزدى.

وكسانا تەن، دەنيس تەننىڭ اناسى:

- قازاقستاندا مانەرلەپ سىرعاناۋدى دامىتۋ بويىنشا كوپتەگەن جۇمىستار اتقارىلۋدا. ياعني، ءبىز بالالاردىڭ جاتتىعۋ پروتسەسىنە كومەكتەسىپ جاقسى جاتتىقتىرۋشىلارعا جىبەرەمىز.

بۇل سۋرەتتە دەنيس باباسى گەنەرال مين گەن حو ءقابىرىنىڭ جانىندا. ول كورەيانىڭ تاۋەلسىزدىگى ءۇشىن كۇرەسىپ، 1908 جىلى قايتىس بولدى. ءبىر عاسىر وتكەن سوڭ ونىڭ ۇرپاعى دەنيس تەن قازاقستاننىڭ باتىرى اتاندى. ديپلوماتتار ونىڭ ەسىمى ونداعان جىلدار بويى قازاقستان – كورەيا قاتىناستارىن نىعايتۋىنا اسەر ەتەدى دەپ سەنەدى.

اۆتورلارى: ۆلاديسلاۆ تسوي، ولگا ليان


كەلۋ قاينارى: http://www.elarna.net/koru.php?tur=38&id=1069673

پىكىرلەر:

juz dep sifirmen jazingiz.