كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

ايان تۇرسىن: "باحرەينگە ءوز التىنىمدى الۋعا بارا جاتىرمىن" ءبىز ءسىزدى جارقىن الەمگە جەتەلەيمىز! بىزگە قوسىل!


ءتۇرى: ماسساگەت ماقالالارى

ۋاقىتى: 20:40 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version. ايان تۇرسىن: "باحرەينگە ءوز التىنىمدى الۋعا بارا جاتىرمىن" ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


ايان تۇرسىن:

2019 جىل 10-16 قاراشا ارالىعىندا باحرەيندە مما بويىنشا الەم چەمپيوناتى وتەدى. چەمپيوناتقا الەمنىڭ 50 ەلىنەن 500-گە جۋىق سپورتشى جانە قازاقستان رەسپۋبليكاسى مما ارالاس جەكپە-جەك فەدەراتسياسى اتىنن 48 ۇزدىك سپورتشى قاتىسادى.

قازاقستان قۇرامامىنداعى سپورتشىلار اراسىندا التىنعا ۇمىتكەر – ايان تۇرسىن. 25 جاستاعى ايان جەڭىل سالماقتاعى (بويى – 158 سم، سالماعى – 47 كگ) سپورتشىلار اراسىندا №1 سپورتشى، تاەكۆوندو، ۋشۋ-ساندا، جەكپە-جەك جانە دجيۋ-دجيتسۋ ونەرىن جەتىك مەڭگەرگەن.

- ايان، باحرەيندەگى چەمپيوناتتان نە كۇتەسىز؟

- مەن بۇل چەمپيوناتتى ەكى جىل كۇتتىم. ءار ءتۇنى ۇيىقتار الدىندا «سەن 2017 جىلى جول بەرگەن قاتەلىكتەرىڭدى وسى جولى تۇزەۋگە ءتيىسسىڭ"! – دەگەن ويمەن عانا كوز ءىلىپ ءجۇردىم. سول كەزدە جاتتىقتىرۋشىم (مما بويىنشا قر ايەلدەر كومانداسىنىڭ جەتەكشىسى نۇرلان مامىراليەۆ،- رەد) «سەن ءوز التىنىڭدى الىپ، باسقا بىرەۋگە سيلاپ جىبەردىڭ عوي»- دەپ قاتتى ۇرىسقان بولاتىن. ءيا، مەن ول كەزدە ءوز قاتەمنەن جەڭىلگەن ەدىم. بۇل جولى جىبەرگەن قاتەلىگىمدى تۇزەتكىم كەلەدى. بۇل جولى ماعان ۇلكەن ءۇمىت ارتىلىپ، مەنەن تەك قانا التىن كۇتىلىپ وتىرعاندارىن بىلەمىن. بۇل ءۇمىت مەن ءۇشىن ۇلكەن جاۋاپكەرشىلىك. اللاعا شۇكىر، مبۇل جولعى دايىندىعىم ەكى جىل بۇرىنعىعا قاراعاندا الدەقايدا جوعارى. جاقسى فورمادامىن. بۇل جولعى الەم چەمپيوناتىندا التىنىمدى قايتارىپ الىپ كەلەمىن. بويىما مىندەتتەلگەن ەل ابىرايىن ساقتاۋعا سوڭىنا دەيىن بار كۇشىمدى سالىپ كۇرەسەتىن بولامىن.

- بۇل جولعى قارسىلاستارىڭىزدىڭ قايسىسىن ءقاۋىپتى دەپ سانايسىز؟

- الەم چەمپيوناتىندا ءالسىز قارسىلاستار جوق. الەمنىڭ ەڭ مىقتى دەگەن سپورتشىلارى قاتىساتىندىقتان بارلىق قارسىلاستارىم وڭاي بولمايتىنىن بىلەمىن. بارلىعى دا ءوز ەلدەرىنىڭ بىرنەشە دۇركىن چەمپيوندارى ەكەنى بەلگىلى. وندا ەۋروپا، امەريكا، ازيا چەمپيوندارى، الەم جۇلدەگەرلەرى بار. مەن بارلىعىمەن جكپە-جەەك وتكىزۋگە دايىنمىن. دايىندىق بارىسىندا شۆەد ەلىنەن كەلەتىن سپورتشىمەن كورشىمىز رەسەيلىك سپورتشىلارعا قاتتى كوڭىل اۋداردىم. ويتكەنى وتكەن چەمپيوناتتا مەن شۆەد ەلىنىڭ سپورتشىسىنان ۇتىلعانمىن. ال رەسەيلىك سپورتشىلار كەز-كەلگەن سپورت تۇرىندە - ءبىزدىڭ باستى باسەكەلەسىمىز ەكەنى ايتپاسام دا بەلگىلى.

- ايان، ءسىز جاستىعىڭىزعا قاراماستان قۋانىشتىڭ دا، قايعىنىڭ دا ءدامىن تاتىپ ۇلگەردىڭىز. ەرتە جاستان اكەدەن ايىرىلىپ ءومىردىڭ اششى ءدامىن تاتتىڭىز. ءومىر سىزگە نە ۇيرەتتى؟ ءسىزدىڭ ومىرلىك ۇستانىمىڭىز قانداي؟

- ءومىر-بۇل كۇرەس. ەگەر سەنىڭ ومىرىڭە قيىن ساتتەر كەلسە، جانە سەن سول قيىندىقتارعا مويىماي توزە بىلسەڭ اللاھ سەنى مىندەتتى تۇردە جاقسى نارسەمەن ماراپاتتايدى. ەگەر سەن ءبىر نارسەگە ۇمتىلىپ، سول نارسەگە جەتۋ جولىندا تالماي ەڭبەكتەنسەڭ اللاھ ساعان كومەكتەسەدى. مەن بۇعان سەنەمىن جانە وعان ءار جولى كوز جەتكىزەمىن. ءبىر كۇنى انام ماعان "الەم چەمپيونىنىڭ اناسى" بولۋدى ارماندايتىنىن ايتتى. مەن ءۇشىن بۇل ەڭ ۇلكەن موتيۆاتسيا بولدى. ادام ءوزىن دامىتۋ جولىندا جۇمىس ىستەپ جاتسا، ول ءتىرى، ال ەگەر بۇل قابىلەت جوعالسا، وندا ول جاي عانا بار.

- ءسىز باپكەرىڭىز نۇرلان مامىراليەۆتى «ەكىنشى اكەم» دەپ اتايسىز. ولاي ايتاتىنداي ول سىزگە نە ۇيرەتتى؟ قيىندىقتى قالاي جەڭەسىز؟

- مەنىڭ جاتتىقتىرۋشىم تەك سپورت جاعىنان، جاتتىقتىرۋ جاعىنان عانا ەمەس، ومىردە قيىن كەزدە دە ، قۋانىشتى ساتتەردە دە قاسىمنان تابىلااتىن جاناشىرىم. ول كىسى مەن ءۇشىن نەنىڭ جاقسى، نەنىڭ جامان ەكەنىن نۇسقاپ وتىراتىن اقىلشىم. كەز-كەلگەن ساتتە بارلىق سىرىمدى اقتارار سىرلاسىم. العاش جاتتىعۋعا كەلىپ جۇرگەن كەزدەردە مەنىڭ جاتتىعۋعا كەلىپ جۇرگەن كەزدەرىمدە كەي-كەزدەرى جولىما اقشام بولماي جاياۋ كەلەتىن كەزدەر بولعان. سونداي كەزدەردە ءوز قالتاسىنان اقشا شىعارىپ ماعان بەرەتىن. كەي-كەزدەرى قالتاسىنداعى اقشاسىن الىپ ەكىگە ءبولىپ كوپ بولىگىن ماعان بەرىپ ءوزى جاياۋ قايتقان كەزدەرى دە بولعان. ول جاتتىعۋ بارىسىندا قاتال بولعانىمەن ومىردە ەڭ مەيىرىمدى ادام. مەنى جاماندىققا جاقسىلىقپەن جاۋاپ بەرۋگە ۇيرەتكەن ادام.

- جەكپە-جەك الدىندا ءوزىڭىزدى نەمەن سابىرعا شاقىراسىز؟ مەديتاتسيا، دۇعا، الدە باسقا نارسە؟

- مەن ەڭ الدىمەن اللا تاعالانىڭ قولداۋىن سۇرايمىن. جەكپە-جەك الدىندا كوپ سويلەگەندى ۇناتپايمىن، تىنىش قانا پاتريوتتىق مۋزىكا تىڭداپ وتىرعان ۇنايدى.

- ءسىز جىگىتتەرمەن سپاررينگ جاساۋعا قارسى ەمەسسىز دەيدى. ەگەر بۇل راس بولسا، نەگە؟

- ءيا، بۇل شىندىق. مەن بالا كەزىمنەن جىگىتتەرمەن توبەلەستىم. نەگە ەكەنىن بىلمەيمىن. قىزدارمەن توبەلەس كەزىندە ولارعا ءاردايىم جانىم اشىپ تۇرادى. سەبەبى، قىزدار وتە نازىك كەلەدى عوي. تاەكۆوندومەن اينالىسىپ جۇرگەن كەزدە دە، قىزدار اراسىنداعى جارىستاعى ءبىرىنشى قارسىلاسىمنىڭ مەنى ۇرعانىن كۇتەتىنمىن. ول ءبىرىنشى باستاعاندا بارىپ ءوزىم ىسكە كىرىسەتىنمىن. مما دە سولاي. ال جىگىتتەرمەن جەكپە-جەك وتكىزگەن بولەك. سەن ولاردى قاتتى ۇرىپ قويامىن، ءبىر جەرىن زاقىمداپ قويامىن دەگەن قورقىنىش بولماي شىن جۇرەگىڭمەن، بار كۇشىڭدى سالىپ شايقاساسىن. ولاردا ساعان سولاي جاۋاپ قايتارادى. نەگىزى جىگىتتەرمەن جاتتىققان جاقسى. سەبەبى، كەيىن قىزدارمەن جەكپە-جەك وتكىزگەندە الدەقايدا جەڭىل وتىدە.

- كۇن تارتىبىڭىزبەن، تاماقتانۋ ءتارتىبىڭىز تۋرالى ايتىپ بەرىڭىزشى.

- كۇن ءتارتىبىم قاراپايىم. تاڭەرتەڭ تۇرامىن، تاڭعى اس ىشەمىن، جاتتىعۋعا بارامىن. جاتتىعۋدان كەيىن ۇيگە بارامىن، تۇسكى اس ءىشىپ الىپ دەمالامىن. سودان كەيىن-كەشكى جاتتىعۋ، جاتتىعۋدان كەيىن-ۇيىقتاۋ. مىنە، مەنىڭ كۇن ءتارتىبىم وسىنداي.

- ءسىزدىڭ سۇيىكتى تاعامدارىڭىز؟ ديەتا ۇستايسىز با؟

- مەنىڭ تابەتىم، اعاي ايتقانداي، "وتە كەرەمەت". سۇيىكتى تاعامدارىم انام دايىنداعان مانتى، لاگمان جانە بەشبارماق. مەن تاماق تاڭدامايمىن، ەڭ باستىسى، ەت كوپ بولسا بولعانى. ال سالماق ءتۇسىرۋدى باستاعاندا، راتسيوننان ۇن مەن ءتاتتى تاعامداردى الىپ تاستايمىن.

- ءسىزدىڭ ۇرانىڭىز بەن وقىرماندارىڭىزعا تىلەگىڭىز.

"ەڭبەك ەتسەڭ ەرىنبەي، تويادى قارنىڭ تىلەنبەي!". ادام جاقسى ءومىر سۇرگىسى كەلسە، ءوز ماقساتتارىنا قول جەتكىزگىسى كەلسە ەڭبەكتەنۋى ءتيىس.

سونداي-اق، بارلىق ادامداردىڭ سپورتپەن اينالىسۋىن تىلەگىم كەلەدى. كەم دەگەندە - تاڭەرتەڭ جۇگىرىڭىز. ەسىڭىزدە بولسىن: سپورت ءارقاشان ساندە! سپورت ارقىلى ءومىرڭىزدى جاقسارتا الاسىز.

جاتتىقتىرۋشى نۇرلان مامىراليەۆتىڭ پىكىرى:

- قازاقستان مما قۇراماسى ازيا ديۆيزيونىنىڭ ارالاس جەكپە-جەك الەمىندەگى كوشباسشىسى بولىپ تابىلادى، تايلاندتا وتكەن ازيا چەمپيوناتىندا كەزەكتى رەت ءساتتى ونەر كورسەتتى. وسى جولعى چەمپيوناتتا ءوز كۇشىمىزدى دالەلدەپ تەك ازيادا عانا ەمەس الەم بويىنشا ءبىرىنشى ورىندا قالامىز دەپ ۇمىتتەنەمىز. سونىمەن قاتار، بيىلعى جىلعى الەم چەمپيوناتىندا ارالاس جەكپە-جەكتىڭ قازاقستان بىرىككەن فەدەراتسياسىنىڭ كۇش-جىگەرىنىڭ ارقاسىندا مما بارلىق سالماق دارەجەلەرىندە ەرلەر مەن ايەلدەر ديۆيزيونىنىڭ تولىق قۇرامى ۇسىنىلعان. ءبىزدىڭ سپورت ءتۇرىنىڭ تاريحىندا العاش رەت جيىنداردىڭ تولىق تسيكلى وتكىزىلدى، جيىنداردىڭ وتكىزۋ كەزەڭى الەم چەمپيوناتى وتەتىن جەردە وتەدى.

ايەلدەر قۇراماسىنا كەلەتىن بولساق، قازىرگى ۋاقىتتا بولجام جاساۋ قيىن، حالىقارالىق چەمپيوناتتاردىڭ دەڭگەيى سوڭعى ەكى جىلدا ايتارلىقتاي ءوستى، قاتىسۋشى ەلدەر سانى ارتۋدا. ارينە، ءبىزدىڭ قۇرامادا مىقتى، ءۇمىت ارتىپ وتىرعان سپورتشىلار بار. اتاپ ايتار بولساق ايان تۇرسىن. اياننان تەك التىن كۇتەمىز. ايان قىسقا مەرزىم ىشىندە جاڭا سپورتشىدان باستاپ "مىقتى" سپورتشىعا دەيىنگى جولدى ءجۇرىپ ءوتتى. بۇل رەتتە ول جەكپە-جەكتىڭ ءتورت تۇرىنەن حالىقارالىق دارەجەدەگى سپورت شەبەرى اتاعىن الدى!

ايان ارالاس "ناعىز جەڭىس وزگەنى ەمەس، ءوزىڭدى جەڭۋ!"، دەگەن قازاقستان ارالاس جەكپە-جەك بىرىككەن فەدەراتسياسىنىڭ ۇرانىن ايقىن بەينەلەيدى. سپورتشى توردا شايقاسىپ مىنەزدىڭ بارلىق جاعىمسىز قاسيەتتەرىن – جالقاۋلىق، اشۋشاندىق، دۇشپاندىق سياقتى قاسيەتتەردەن ارىلىپ، پاتريوتتىق، ءوز وتباسىنا، وتانىنا، دوستارىنا، قورشاعان ورتاعا دەگەن ماحابباتتى، ەڭبەكقورلىق، ماقساتقا جەتۋدەگى تاباندىلىق سياقتى جاقسى قاسيەتتەردى ءسىڭىرىپ شىعۋى ءتيىس.



كەلۋ قاينارى: http://www.elarna.net/koru.php?tur=41&id=1069669

پىكىرلەر:

juz dep sifirmen jazingiz.