كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

اتىراۋ وبلىسىندا 32 كوپبالالى وتباسى باسپانالى بولدى


ءتۇرى: قازاقپارات جاڭالىقتارى

ۋاقىتى: 20:39 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
اتىراۋ وبلىسىندا 32 كوپبالالى وتباسى باسپانالى بولدى

اتىراۋ. قازاقپارات - اتىراۋ وبلىسىنىڭ يندەر اۋدانىنىڭ ورتالىعى يندەربور كەنتىندە كوپبالالى 32 وتباسىعا «نۇرلى جەر» باعدارلاماسىن جۇزەگە اسىرۋ اياسىندا جاڭا باسپانا كىلتى تابىس ەتىلدى، دەپ حابارلايدى قازاقپارات ءتىلشىسى.

ۇقساس جاڭالىقتار
ماڭعىستاۋدا 120 وتباسى باسپانالى بولدى قىزىلوردالىق كاسىپكەر ۇشەم تاربيەلەپ وتىرعان وتباسىعا پاتەر سىيلادى قاپشاعايدا كوپبالالى 15 وتباسى باسپانالى بولدى

كەنتتەگى «بولاشاق» ىقشاماۋدانىندا جاڭادان بوي كوتەرگەن «ارۋ انا» تۇرعىن ءۇي الابىندا 32 كوپبالالى وتباسى جارىق تا جايلى جاڭا ءۇيدىڭ يەسى اتاندى. اۋدانى 110 شارشى مەتردى قۇرايتىن ۇيلەر بارلىق نەگىزگى قاجەتتىلىكتەرمەن قامتىلعان. سونىڭ ءبىرى - 5 پەرزەنتتىڭ اناسى ەلەنورا مۋحيتوۆا.


«قۋانىپ تۇرمىن. 6،5 جىلدان بەرى باسپانا كەزەگىندە تۇردىم. وسى ۋاقىت ىشىندە انامنىڭ ۇيىندە دە تۇردىم، ءۇي جالداپ تا ءجۇردىم. بۇگىن، مىنە، باسپاناعا قول جەتكىزىپ، قۋانىشىم قوينىما سىيماي تۇر»، – دەيدى كوپبالالى انا.

باتىر انالارعا باسپانا كىلتىن ءوز قولىمەن تابىس ەتكەن اۋدان اكىمى مەيىرىم قالاۋيدىڭ سوزىنە سەنسەك، اۋداندا باسپانا كەزەگىندە تۇرعان 1218 يندەرلىك بار بولسا، سونىڭ 160-ى - كوپبالالى وتباسىلار.



«وبلىس باسشى نۇرلان اسقارۇلىنىڭ تىكەلەي قولداۋىمەن يندەر اۋدانىندا بۇرىن-سوڭدى بولماعان قارقىندى جۇمىستار اتقارىلىپ جاتىر. بۇل شارا دا - سول جۇمىستاردىڭ جەمىسى. جىل سوڭىنا دەيىن وسى ساناتتاعى وتباسىلارعا تاعى دا 21 ءۇي تابىستاعىمىز كەلىپ وتىر. ال، كەلەر جىلى وسى كوپبالالى وتباسىلارعا ارنالعان 80 پاتەرلىك كوپ قاباتتى تۇرعىن ءۇيدى پايدالانۋعا بەرەمىز دەپ وتىرمىز»، - دەدى اۋدان اكىمى.

بۇدان بولەك، 2020 جىلى اۋدان ورتالىعىندا باسپانا قورى 48 پاتەرلىك 4 كوپقاباتتى ۇيمەن تولىقپاق. بۇل ۇيلەر دە كەزەكتە تۇرعان ازاماتتارعا تابىستالادى.

وعان قوسا، بۇگىن «ارۋ انا» تۇرعىن ءۇي الابى جانىنان سالىنعان 80 ورىندىق مۋزىكالىق مەكتەپ پايدالانۋعا بەرىلدى. وندا وسى ماڭدا تۇراتىن 250-دەن استام بالادان بولەك، يندەربوردىڭ باسقا دا ونەرپاز جاستارى دومبىرا، بايان، فورتەپيانو، ۆوكال، حورەوگرافيا ۇيىرمەلەرىنە قاتىسا الادى.





كەلۋ قاينارى: http://www.elarna.net/koru.php?tur=3&id=1069667

پىكىرلەر:

juz dep sifirmen jazingiz.