كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1728677152 %48 %

الماتىدا «ارمانداستار» تەلەحيكاياسىنىڭ العاشقى كورسەتىلىمى ءوتتى


ءتۇرى: حابار ارناسى

ۋاقىتى: 20:36 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.Armandastar

قاراشانىڭ 11-نەن باستاپ تەلەەكراننان كورسەتىلەتىن بۇل جاڭا تۋىندى «حابار» اگەنتتىگىنىڭ تاپسىرىسىمەن ءتۇسىرىلدى.

تەلەحيكايا سيۋجەتى 20 جىلدان كەيىن كەزدەسكەن سىنىپتاستاردىڭ باسىنان وتكەن قيلى وقيعالار ارقىلى ءوربيدى. مۇندا اۋىلعا دەگەن ساعىنىش، وتباسىلىق قۇندىلىق تاقىرىپتارى كورىنىس تاپقان.

گۇلنۇر ماماساريپوۆا، «ارمانداستار» تەلەحيكاياسىنىڭ باس پروديۋسەرى:

- ءيا، ءبىز 20 جىلدىقتى ەرەكشە اتاپ وتەمىز. 20 جىلدىققا بارۋعا تىرىسامىز. سىنىپتاستارىمىزدى كورگىمىز كەلەدى. ولاردىڭ كىم بولعانىن، قانشا بالا-شاعاسى بار ەكەنىن، قانداي جەتىستىككە جەتكەنىن كورگىڭ كەلەدى. سونداي قىزىقتى فاكتورلار بار. سودان كەيىن «نەگە وسىنى قانداي-دا ءبىر تۋىندىعا تاقىرىپ رەتىندە الماسقا؟» دەپ ويلاندىم.

25 سەريادان تۇراتىن فيلمدە ءبىر كەزدەرى اۋىلدان ارمان قۋىپ، قالاعا كەتكەن جاستاردىڭ ورىندالماعان ارمانى، ايتىلماعان سىرلارى، بايانسىز ماحابباتى جايىندا قىزىقتى جايتتار سۋرەتتەلەدى. جانرى كومەديا بولعانىمەن كورەرمەنگە وي سالار تۇسى دا بار. تەلەحيكايانىڭ رەجيسسەرى – دارحان ساركەنوۆ. ايتا كەتەرلىگى، بۇل جوباعا نەگىزىنەن كاسىبي اكتەرلەر تاڭداپ الىنعان.

ازامات ساتىبالدى، قر ەڭبەك سىڭىرگەن قايراتكەرى، اكتەر:

- كەيدە ءبىر كۇندە 20 ستسەنا تۇسىرگەن كەزدەرىمىز دە بولدى. نەگە؟ كاسىبي اكتەرلەردە بىر-ەكى دۋبلدەن بولدى. ودان كەيىن سىن، نامىس دەگەن نارسە بار. كامەرانىڭ ار جاعىندا ءوزىڭ سياقتى ارىپتەستەرىڭ ساعان قاراپ وتىرعان كەزدە، سەن قاتەلەسۋگە، ءسال بوساڭسۋعا ەشقانداي حاقىڭ جوق.

«شىنايى تۇرمىستى كورسەتەتىن كينوتۋىندىلاردىڭ ءاردايىم كورەرمەنى دە كوپ بولادى» دەگەن سەنىمدە اگەنتتىك باسشىلارى.

رينات كەرتاەۆ، «حابار» اگەنتتىگى» اق باسقارما ءتوراعاسىنىڭ ءبىرىنشى ورىنباسارى:

- سوڭعى جىلدارى «حابار» ارناسىنىڭ سەريالدارىن يۋتۋب جەلىسى، ءتۇرلى تەلەارنالاردىڭ ساتىپ الۋى ارقىلى كورشى وزبەكستان، قىرعىزستاننىڭ كورەرمەندەرى كورىپ جۇرگەنىن ەسكەرسەك، بۇل جوبا تەك وتاندىق كورەرمەندەر اراسىندا عانا ەمەس، باسقا مەملەكەتتەردىڭ اۋديتورياسى تاراپىنان دا جوعارعى باعاعا يە بولادى دەگەن سەنىمدەمىز.

سونىمەن 11 قاراشادان باستاپ «ارمانداستار» تەلەحيكاياسىن «حابار» تەلەارناسىنان دۇيسەنبى-جۇما ارالىعىندا كەشكى ساعات 20:10-دا كورە الاسىزدار!

اۆتورلارى: الۋا ماحانبەت، ەدۋارد كون


كەلۋ قاينارى: http://www.elarna.net/koru.php?tur=31&id=1069666

پىكىرلەر:

juz dep sifirmen jazingiz.