كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-13110 %100 %

ءسان الەمىندەگى تانىمال ماماندىقتار ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەم


ءتۇرى: ماسساگەت ماقالالارى

ۋاقىتى: 20:20 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version. ءسان الەمىندەگى تانىمال ماماندىقتار ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


سان الەمىندە مانساپ قۇرۋ – تاماشا يدەيانىڭ ءبىرى. بۇل يندۋستريادا ءتۇرلى رولدەر بار. ءسان سالاسىندا كەز كەلگەن جۇمىستىڭ ءوز ورنى بار: ەكزوتيكالىق فوتوسەسسيادان باستاپ ءسان بلوگتارىن جۇرگىزۋگە دەيىن تاڭداۋ بار. ءسان يندۋسترياسىندا كەڭ تاراعان 8 ماماندىقتى ۇسىنامىز.

كيىم تەحنولوگى
تىگىن تەحنولوگى – يىرىمجىپتەر، ماتالار جانە تالشىقتاردى قيىستىرىپ، تەستىلەۋ ارقىلى جاڭا ماتەريالداردى وڭدەۋمەن جانە ولاردىڭ ديزاينىمەن اينالىساتىن يننوۆاتسيالىق جۇمىس. سونىمەن قاتار، تەحنولوگتار وڭدەۋ ادىستەرىن جاقسارتۋدىڭ باسقا امالدارىن ىزدەپ، ونى ءتيىمدى ەتۋدى ويلاستىرادى. بۇل ماماندىقتا ساپانى باقىلاۋ مەن زەرتتەۋ جۇمىسى ماڭىزدى ءرول اتقارادى.

سانگەر (مودەلەر)
ديزاينەرلەر – بۇل سالاداعى ەڭ ىقپالدى تۇلعالاردىڭ ءبىرى. ولار – كيىم ديزاينىن جانە ءساندى توپتامالاردى ويلاستىراتىن شىعارماشىل ادامدار. ءسان ديزاينەرلەرى جەكە برەندتەردە، بۋتيكتەردە جانە باسقا ءتۇرلى ورىنداردا جۇمىس ىستەيدى.

سۋرەتشى-سانگەر (نەمەسە يلليۋستراتور)

سان يلليۋستراتورلارى ديزاينەرلەرمەن بىرگە جۇمىس ىستەيدى. ولار بىرگە تۇجىرىمدامالىق نۇسقاسىن جاسايدى جانە ءساندى تاۋارلاردىڭ (كيىم، اياق كيىم، اكسەسسۋار) سۋرەتىن سالادى. سونىمەن قاتار، يلليۋستراتورلار جارنامالىق ماتەريالدارعا ارنالعان باسپا تۇردە دە، ونلاين تۇردە دە جارنامالىق كوشىرمەلەر مەن سۋرەتتەر دايىندايدى.

مەرچەندايزەر
مەرچەندايزەرلەر تاۋارلار دۇكەندە ۋاقىتىندا جانە قاجەت مولشەردە پايدا بولاتىنىنا كەپىل بەرۋ ءۇشىن ساتىپ الۋ بولىمىمەن تىعىز جۇمىس ىستەيدى. بۇل ماماندىقتا ساتۋ تيىمدىلىگىنىڭ ءدال مونيتورينگى جاساۋ مەن ناقتى بولجام قويا ءبىلۋ ماڭىزدى. مەرچەندايزەردىڭ ءرولى ءار مەرزىمدەگى دۇكەن كىرىسىمەن تىعىز بايلانىستى. ول سونداي-اق جارنامالىق اكتسيالاردى ۇيىمداستىرادى.

كيىم ءستيليستى
ءسان ستيليستەرى فوتوسەسسياعا نەمەسە فيلمگە ارنالعان فوتوگرافتىڭ نەمەسە ارت-ديرەكتوردىڭ ويىنداعى ۇلگىنى ومىردە جۇزەگە اسىرۋعا كومەكتەسەدى. ونى شىعارماشىلىق ماماندىق دەسە دە بولادى. ءسان ستيليستەرى جارناما ءبولىمى، كينو سالاسى، رەداكتسيالىق ءبولىم جانە ءتۇرلى مەديا-ۇيىمدارمەن جۇمىس ىستەيدى.

جەكە ستيليست
جەكە ستيليستەر ادامدارمەن جەكەلەي جۇمىس ىستەيدى. ولار ستيل مەن كيىمگە قاتىستى كەڭەس بەرىپ، كيىم تاڭداۋعا كومەكتەسەدى. بۇل ماماندىقتا ءسان تۋرالى بىلىمىنەن بولەك ادامدارمەن دۇرىس سويلەسە ءبىلۋى مەن قىزمەت كورسەتە الۋى دا ماڭىزدى ءرول اتقارادى.

سان ءجۋرناليستى
ادەتتە، ءسان جۋرناليستەرى پيار ماماندارىمەن بىرگە جۇمىس ىستەيدى. ءسان جۋرناليستەرى گازەت، جۋرنال، تەلەديدار جانە ءسان سايتتارى مەن بلوگتارىندا جۇمىس ىستەيدى.

قوعاممەن جۇمىس ىستەۋشى مەنەدجەر
ولاردىڭ جۇمىسى ادامدارعا باعىتتالعان. PR ءبولىمى برەندتىڭ مىقتى باعىتى مەن قوعامدىق ءيميدجىن قالىپتاستىرۋ ءۇشىن ءسان لەيبلدارىمەن جانە دارا ساۋداگەرلەرمەن جۇمىس ىستەيدى. سونىمەن قاتار، جاڭا ءونىمنىڭ بۇقارالىق اقپاراتقا تارالۋىن قاداعالايدى.



كەلۋ قاينارى: http://www.elarna.net/koru.php?tur=41&id=1069662

پىكىرلەر:

juz dep sifirmen jazingiz.