كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-18373106555 %45 %

پەتروپاۆلدا پوليتسەيلەر الاياق ايەلگە الدانعانداردى ىزدەستىرىپ جاتىر


ءتۇرى: قازاقپارات جاڭالىقتارى

ۋاقىتى: 19:57 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
پەتروپاۆلدا پوليتسەيلەر الاياق ايەلگە الدانعانداردى ىزدەستىرىپ جاتىر

پەتروپاۆل. قازاقپارات – پەتروپاۆل قالاسىنىڭ پوليتسەيلەرى بىرنەشە رەت الاياقتىق جاساعان ايەلدىڭ ءىسى بويىنشا جابىرلەنۋشىلەردى ىزدەپ جاتىر، دەپ حابارلايدى قازاقپارات ءتىلشىسى.

ۇقساس جاڭالىقتار
اقتوبەلىك جۇمىسقا ورنالاسۋ ءۇشىن 1 ملن تەڭگە بەرىپ، الدانىپ قالدى الماتىدا ەلدىڭ مۇلكىن لومباردقا وتكىزگەن الاياق ايەل ۇستالدى قىزىلوردادا ءۇي اپەرەم دەپ 30 ملن تەڭگەنى قالتاسىنا باسقان الاياق ايەل سوتتالدى

سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە، پەتروپاۆل قالالىق پوليتسيا باسقارماسىنا قالا جانە اۋدان تۇرعىندارىنان الاياقتىق فاكتىلەرى بويىنشا بىرنەشە ارىز كەلىپ ءتۇستى.

«ايەل تانىستارىنا سىياقىعا جوعارى ءبىلىم تۋرالى ديپلوم نەمەسە جۇرگىزۋشى كۋالىگىن، ال كەيبىرەۋىنە اكىمدىك ارقىلى پاتەر الىپ بەرۋدى «ۇسىنعان». ادەتتە، قىزمەتى ءۇشىن 350 مىڭ تەڭگە الىپ وتىرعان، ال ءبىر جاعدايدا «كومەگىن» 700 مىڭ تەڭگەگە باعالاعان. الاياق كەيبىر كليەنتتەرىنە كومەك قاجەت تاعى ءبىر ادامدى ەرتىپ كەلگەن جاعدايدا، جەڭىلدىك جاسايتىنىن ايتقان»، - دەيدى ءتارتىپ ساقشىلارى.

ۋادەنىڭ ورىندالۋىن كۇتە-كۇتە شارشاعان كەيبىر جابىرلەنۋشىلەر پوليتسياعا ارىزدانىپتى.

جەدەل-ىزدەستىرۋ ناتيجەسىندە كۇدىكتى انىقتالدى. ول پەتروپاۆل قالاسىنىڭ 38 جاستاعى تۇرعىنى بولىپ شىقتى. اتالعان فاكتىلەر قر قىلمىستىق كودەكسىنىڭ 190-بابى ء3-بولىمى بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە ەنگىزىلدى.

«قازىرگى ۋاقىتتا الاياقتىڭ ارەكەتىنەن زارداپ شەككەن ادامداردىڭ سانى انىقتالىپ جاتىر. الايدا قىلمىستىق ءىستىڭ سيپاتىنا قاراي جابىرلەنۋشىلەردىڭ ءبارى بىردەي ارىز جازۋعا دايىن ەمەس. سوعان قاراماستان ءبىز جابىرلەنۋشىلەردەن پوليتسياعا جۇگىنىپ، قىلمىستى تولىق اشۋعا كومەكتەسۋىن سۇرايمىز»، - دەيدى پەتروپاۆل قالالىق پب تەرگەۋ ءبولىمىنىڭ باستىعى مارات جانعوجينوۆ.

بۇگىنگى تاڭدا كۇدىكتىنىڭ 10 ەپيزودقا قاتىسى بارى انىقتالدى. كەلگەن شىعىننىڭ سوماسى - 3 ملن تەڭگەدەن اسادى. پوليتسەيلەردىڭ پايىمداۋى بويىنشا، جابىرلەنۋشىلەردىڭ سانى بۇدان دا كوپ بولۋى مۇمكىن. تەرگەۋ ءجۇرىپ جاتىر.

جىل باسىنان وبلىس ورتالىعىندا الاياقتىق فاكتىسى بويىنشا 174 قىلمىستىق ءىس سوتقا جەتتى.


كەلۋ قاينارى: http://www.elarna.net/koru.php?tur=3&id=1069653

پىكىرلەر:

juz dep sifirmen jazingiz.