كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

قاراعاندى پوليتسەيلەرى 9-قاباتتان سەكىرمەك بولعان كەلىنشەكتى قۇتقاردى


ءتۇرى: قازاقپارات جاڭالىقتارى

ۋاقىتى: 19:48 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
قاراعاندى پوليتسەيلەرى 9-قاباتتان سەكىرمەك بولعان كەلىنشەكتى قۇتقاردى

قاراعاندى. قازاقپارات - پاترۋل پوليتسياسى پولكىنىڭ قىزمەتكەرلەرى وزىنە قول جۇمساماق بولعان قاراعاندىلىق ازاماتشانى قۇتقاردى، دەپ حابارلايدى قازاقپارات ءتىلشىسى.

ۇقساس جاڭالىقتار
استانادا 13-قاباتتان قۇلاۋعا شاق قالعان 6 جاسار بالا قۇتقارىلدى قۇتقارۋشىلار كولىككە قىسىلىپ قالعان ەر ادامدى امان-ەسەن شىعارىپ الدى جىلاعان ءبۇلدىرشىندى كورگەندە ءوز قىزىم ەلەستەپ كەتتى - تۇركىستاندا ورتتەن ادامداردى قۇتقارعان پوليتسەي

8 قاراشا كۇنى 102 تەلەفونىنا قالا تۇرعىنى حابارلاسىپ، ساتىبالدين كوشەسى، ء18-ۇيدىڭ 9-قاباتىنان بەلگىسىز ازاماتشانىڭ سەكىرمەك بولعانىن ايتقان.


«وقيعا ورىنىنا بىردەن پاترۋل پوليتسياسى پولكىنىڭ ينسپەكتورى، پوليتسيا لەيتەنانتى ەراسىل مۇرات پەن پوليتسيا سەرجانتى بەكزات وماشەۆ مىنگەن 0913 ەكيپاجى جىبەرىلدى. ​ولار 9 قاباتتى ءۇيدىڭ شاتىرىنان ءتۇسىپ، بالكون ۇستىندە وتىرعان ايەلدى بايقاعان»، - دەپ مالىمدەدى پد ءباسپاسوز قىزمەتىندە.

قايعىلى وقيعانىڭ الدىن الۋ ماقساتىندا لەيتەنانت ەراسىل مۇرات ۋاقىتتى ۇنەمدى پايدالانىپ، ازاماتشانىڭ نازارىن اۋدارۋ ماقساتىندا اڭگىمەگە تارتقان. بۇل كەزدە پوليتسيا كىشى سەرجانتى بەكزات وماشەۆ ءوز ءومىرىن قاتەرگە بايلاپ، ءۇيدىڭ ۇستىنەن بالكونعا ءتۇسىپ، ايەلدىڭ سۋيتسيد جاساۋىنا مۇمكىندىك بەرمەدى. پوليتسيا قىزمەتكەرلەرىنىڭ ايەلدى قۇتقارۋ وقيعاسىن باستان-اياق كورشى ءۇيدىڭ تۇرعىنى ناتاليا اينابەكوۆا باقىلاپ، ۆيدەوعا ءتۇسىرىپ تۇرعان جانە پوليتسيا قىزمەتكەرلەرىنە حابارلاسقان دا وسى كىسى ەكەن.


«مەن العاشىندا ءۇيدىڭ توبەسىندە جۇرگەن بيىكتىكتى ۇناتاتىن ەكسترەمال دەپ ويلادىم. كەيىن بەينەجازبانى جاقىنداتىپ كورگەنىمدە ايەلدى بايقادىم. بىردەن ويىما 102 تەلەفونىنا قوڭىراۋ شالۋ ءتۇستى. پوليتسيا قىزمەتكەرلەرىنە وتە ريزامىن. ولار وتە جىلدام ءارى ساۋاتتى ىس-ارەكەت جاساپ، ادام ءومىرىن ساقتاپ قالدى. باتىرلار ارامىزدا ءجۇر ەكەن»، - دەيدى وقيعا كۋاگەرى.

پوليتسەيلەردىڭ ايتۋىنشا، 24 جاستاعى كەلىنشەكتىڭ بۇل ارەكەتكە بارۋىنا وتباسىنداعى جانجال سەبەپ بولعان. قازىرگى ۋاقىتتا كەلىنشەكپەن پسيحولوگتار جۇمىس ىستەۋدە.




كەلۋ قاينارى: http://www.elarna.net/koru.php?tur=3&id=1069651

پىكىرلەر:

juz dep sifirmen jazingiz.