كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-13110 %100 %

«رۋحاني جەتى قازىق» باس مەشىت جاماعاتىنا تانىستىرىلدى (فوتو) – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 19:00 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.«رۋحاني جەتى قازىق» باس مەشىت جاماعاتىنا تانىستىرىلدى (فوتو) – Sunna.kz

كەشە رەسپۋبليكالىق «ازىرەت سۇلتان» مەشىتىندە «رۋحاني قۇندىلىقتار – ەل بىرلىگىنىڭ نەگىزى» اتتى جاماعاتقا ارنالعان سەمينار بولىپ ءوتتى. اقشام نامازىنان كەيىن مەشىتتىڭ استىڭعى قاباتىنا لىق تولعان جاماعاتقا باس مەشىت يمامدارى قازاقستان مۇسىلماندارىنىڭ رۋحاني تۇعىرناماسى «جەتى رۋحاني قازىق» قۇجاتىن تانىستىرىپ، جالپى تۇسىندىرمە جۇمىستارىن وتكىزدى.

جاقىندا عانا وتكەن ءىىى يمامدار فورۋمىندا قابىلدانعان بۇل تاريحي قۇجات جاماعات بويىندا ىزگى قاسيەتتەردى قالىپتاستىرا وتىرىپ، ۇلتتىق قۇندىلىقتارىمىزدى جاڭعىرتا تۇسۋگە باعىتتالعان. اتالمىش قۇجاتتا ادام بالاسىنىڭ كىسىلىك كەلبەتىن، كوركەم مىنەزىن قالىپتاستىرۋعا نەگىز بولاتىن جەتى قاسيەت ايرىقشا اتالادى. دالىرەك ايتقاندا، يماندىلىق، وتاندى ءسۇيۋ، ءبىلىم الۋ، بىرلىككە بولىسۋ، ەڭبەكقورلىق، مادەنيەتتىلىك جانە ادىلەتتى بولۋ سىندى اسىل قاسيەتتەردىڭ پايداسى مەن حيكمەتى ءتۇسىندىرىلىپ، وقىرمانىن ىزگىلىككە ۇندەيدى. ءار ادام بالاسى ءوز بويىندا وسى قاسيەتتەردى قالىپتاستىرا بىلسە، قوي ۇستىنە بوزتورعاي جۇمىرتقالاعان بەرەكەلى قوعام ورنايتىنى ءسوزسىز.

جەتى قاسيەتتىڭ ءارقايسىسىنا جەكە-جەكە بايانداما جاساپ، ناسيحات جۇرگىزگەن «ازىرەت سۇلتان» مەشىتىنىڭ قىزمەتكەرلەرى اتالمىش قۇجاتتىڭ ارتقان اماناتى مەن كوتەرگەن جۇگى جايلى كەڭىنەن قوزعاپ، جاماعاتتى ىزگىلىككە ۇندەدى. قمدب ءتوراعاسىنىڭ ءبىرىنشى ورىنباسارى، نايب ءمۇفتي ناۋرىزباي قاجى تاعانۇلى «جەتى رۋحاني قازىق» قۇجاتى قازاقستان حالقىنا جول سىلتەپ، ءجون كورسەتىپ تۇراتىن شامشىراق ىسپەتتەس ەكەنىن اتاپ ءوتتى. ءسوز سوڭىندا بارشا ارىپتەستەرىن، مەشىت جاماعاتىن وسى قاسيەتتەردى ناسيحاتتاۋ، ۇلتتىق بولمىسىمىزعا ءسىڭىرۋ جولىندا جۇمىلا جۇمىس ىستەۋگە شاقىردى.

كەش سوڭىندا مەشىت باسشىلىعىنىڭ ۇيىمداستىرۋىمەن جاماعاتقا ارنالىپ داستارحان جايىلىپ، كەلەلى اڭگىمە جالعاسى اس ۇستىندە جالعاستى. اتالمىش تاقىرىپ اياسىنداعى ءتۇرلى سۇراقتار قويىلىپ، تۇشىمدى جاۋاپتارمەن الماستى.

دەرەككوز: Muslim.kz


كەلۋ قاينارى: http://www.elarna.net/koru.php?tur=18&id=1069641

پىكىرلەر:

juz dep sifirmen jazingiz.