كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-222102532748 %52 %

الماتىدا "ەگەمەن قازاقستان" گازەتىنىڭ 100 جىلدىق مەرەيتويى اتالىپ ءوتتى ءبىز ءسىزدى جارقىن الەمگە جەتەلەيمىز!


ءتۇرى: ماسساگەت ماقالالارى

ۋاقىتى: 18:55 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version. الماتىدا "ەگەمەن قازاقستان" گازەتىنىڭ 100 جىلدىق مەرەيتويى اتالىپ ءوتتى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


الماتىدا

قازاقستان رەسپۋبليكاسىنىڭ ۇلتتىق كىتاپحاناسى، “ەگەمەن قازاقستان” گازەتىنىڭ رەداكتسياسىنىڭ ۇيىمداستىرۋىمەن “ەگەمەن قازاقستان” گازەتىنىڭ 100 جىلدىعىنا ارنالعان “ۇشقىننان باستالعان Egemen Qasaqstan” مەرەكەلىك ءىس-شاراسى ءوتتى.

يگى شاراعا الماتى قالاسىنىڭ اكىمى باقىتجان ساعىنتاەۆ، “ەگەمەن قازاقستان” گازەتىنىڭ ارداگەرلەرى، الماتى قالاسى اكىمدىگىنىڭ باسشىلارى، بەلگىلى قوعام قايراتكەرلەرى، عالىمدار، جۋرناليستەر، وقىتۋشىلار، ستۋدەنتتەر، كىتاپحانا وقىرماندارى مەن كىتاپحاناشىلار قاتىستى.

قر ۇلتتىق كىتاپحاناسىنىڭ قورىنان 1919-2019 جىلدار ارالىعىنداعى “100 جىل-100 گازەت” اتتى كەڭكولەمدى كورمە ۇيىمداستىرىلىپ، ءار جىلدارى قىزمەت ەتكەن رەداكتورلاردىڭ شىعارمالارى قويىلدى.

العاش بولىپ ءسوز العان ۇلتتىق كىتاپحانانىڭ ديرەكتورى باقىتجامال وسپانوۆا “ەگەمەن قازاقستان” گازەتىنىڭ 100 جىلدىق مەرەيتويىمەن قۇتتىقتادى.

“بيىل ەلىمىزدىڭ باس گازەتى “ەگەمەن قازاقستان” گازەتىنىڭ 100 جىلدىق مەرەيتويى. وسىعان وراي گازەتتىڭ ءار جىلدارداعى تاڭداۋلى 100 نومەرىن نازارلارىڭىزعا ۇسىندىق. گازەتتىڭ العاشقى سانىنان باستاپ بۇگىنگى دەيىنگى ساندارىن تسيفرلى فورماتقا كوشىردىك”، - دەدى ۇلتتىق كىتاپحانا ديرەكتورى.

ال قالا اكىمى باقىتجان ساعىنتاەۆ “ەگەمەن قازاقستاننىڭ” مەرەيتويىمەن قۇتتىقتاپ گازەت باسشىسى دارحان قىدىرالىگە سىي-سياپات تاپسىردى.

“ارلاقتى اعايىن، ەلىمىزدىڭ وقىرماندارىنا تانىس، رەسپۋبليكاداعى ماڭدايالدى باسىلىم “ەگەمەن قازاقستان” گازەتىنىڭ 100 جىلدىق مەرەيتويىمەن قۇتتىقتايمىن. بۇگىنگە دەيىن گازەتتىڭ 29696 سانى جارىق كورىپتى. عاسىرلىق تاريحى بار بۇل گازەتتى قولىنا العان ءاربىر وقىرمان، مۇنداعى اقپاراتتىڭ شىنايىلىعىنا، كوتەرگەن تاقىرىبىنىڭ ماڭىزدىلىعىنا كامىل سەنەدى. سەبەبى مەملەكەتتىك مۇددە مەن جۋرناليستىك بيىك تالاپتى تەڭ ۇستايتىن باسىلىم كاسىبي دەڭگەيى، ۇستانعان باعىتى ەشقاشان وزگەرگەن ەمەس. سوندىقتان دا ەلباسى تاريحي گازەتكە “ەلىمىزدىڭ باس گازەتى” دەگەن اتاۋ بەرسە، مەملەكەت باسشىسى قاسىم-جومارت توقاەۆتىڭ كۇندەلىكتى شولۋ جاسايتىن گازەتتەرىنىڭ اراسىنداعى اعا باسىلىم كوش باسىندا تۇر. الماتىداعى ۇلكەن فيليالى قالا اكىمدىگىمەن تىعىز بايلانىستا جۇمىس ىستەپ كەلەدى. تاياۋدا عانا باسىلىم بەتىنەن دەربەس “الماتى” ايدارىنىڭ اشىلۋى سونىڭ جارقىن كورىنىسى. بۇگىنگى مەرەيلى جيىندا، تاريحي گازەتتىڭ بارشا ۇجىمىن قۇتتىقتايمىن”، - دەدى قالا اكىمى.




وسىدان سوڭ باقىتجان ساعىنتاەۆ الماتى قالاسىنىڭ دامۋىنا ۇلەس قوسقان ەگەمەن ارداگەرلەرى: ايان نىسانالين، ماماديار جاقىپ، نۇرلان ورازالين، دارحان ءقىدىرالى ت.ب ارداگەر قاۋىمدى العىس حات جانە مەدالمەن ماراپاتتادى.

“ەگەمەن قازاقستان” رەسپۋبليكالىق قوعامدىق گازەتى ەلىمىزدەگى ەڭ بايىرعى جانە ەڭ تانىمال باسىلىمداردىڭ ءبىرى. گازەتتىڭ ءبىرىنشى ءنومىرى 1919 جىلى ورىنبور قالاسىندا “ۇشقىن” (“يسكرى”) اتاۋىمەن جارىق كوردى. قۇرامىندا حالەل ەسەنباەۆ، ەشمۇحاممەد بەگاليەۆ، تاميمدار سافيەۆ، ءامىرعالي مانەشوۆ، بەرنياز كۇلەەۆتەر بار رەداكتسيالىق القا سايلاندى. ولار گازەتتىڭ العاشقى باسشىلارى بولىپ سانالادى. باسىلىمنىڭ اتاۋى “ەڭبەك تۋى”، “ەڭبەكشىل قازاق”، “ەڭبەكشى قازاق”، “سوتسيالدى قازاقستان”، “سوتسياليستىك قازاقستان”، “ەگەمەندى قازاقستان”، “ەگەمەن قازاقستان” دەپ، بىرنەشە رەت وزگەردى.

گازەتتىڭ العاشقى سانىنان باستاپ وندا قازاقتىڭ ءىرى مەملەكەت قايراتكەرلەرى مەن كورنەكتى قالامگەرلەرى قىزمەت ەتىپ وزدەرىنىڭ شىعارمالارىن جاريالادى. ولاردىڭ قاتارىندا: سماعۇل ءسادۋاقاسوۆ، جۇسىپبەك ايماۋىتوۆ، بەيىمبەت مايلين، ساكەن سەيفۋللين، مۇحتار اۋەزوۆ، تۇرار رىسقۇلوۆ، وراز جاندوسوۆ سياقتى تۇلعالار بار.

جاڭا داۋىردە “ەگەمەن قازاقستاندى”: ساپار بايجانوۆ، بالعابەك قىدىربەكۇلى، كورىك دۇيسەەۆ، شەرحان مۇرتازا، ءابىش كەكىلباەۆ، نۇرلان ورازالين، ءۋاليحان قاليجان، ەرجۇمان سمايىل، ساۋىتبەك ءابدىراحمانوۆ سياقتى قالامگەرلەر باسقاردى. قازىرگى ۋاقىتتا گازەتتى دارحان ءقىدىرالى باسقارادى.

ايتۋلى شارادا “ەگەمەن قازاقستان” رەسپۋبليكالىق گازەتى” اكتسيونەرلىك قوعامىنىڭ باسقارما ءتوراعاسى دارحان ءقىدىرالى “ەگەمەننىڭ” 100 جىلدىق مەرەيتويى الماتىدا باستالعان العاشقى ءىس-شارا ەكەندىگىن، بۇل نۇر-سۇلتان قالاسىندا دا جالعاساتىنىن ايتىپ ءوتتى.

“ارداقتى الماتىلىقتار، ءقادىرلى ەگەمەندىكتەر! ەڭ اۋەلى باس باسىلىمىمىز قازاق ءباسپاسوزىنىڭ ۇستاحاناسى “ەگەمەن قازاقستان” گازەتىنىڭ 100 جىلدىق مەرەيتويىمەن شىن جۇرەكتەن قۇتتىقتايمىن. بۇگىنگى شارانى “تاعزىم” دەپ اتادىق. سەبەبى وسى ۋاقىتقا دەيىن “ەگەمەن” گازەتىندە قىزمەت ەتكەن، ومىردەن وتكەن ارداگەرلەرگە ارناپ اس بەردىك. ءبىز 100 جىلدىق جىلنامامىزدىڭ بارلىعىن سكانەردەن وتكىزىپ، تسيفرلى ءارحيۆىن جاساقتادىق. سول جيناقتى بەس تومعا توپتاپ، كىتاپ ەتىپ اكەلدىك. سونىڭ تۇساۋكەسەر ءراسىمىن وتكىزەمىز”، - دەدى دارحان ءقىدىرالى.



“ەگەمەن قازاقستان” گازەتىنىڭ ءتوراعاسى وسىدان سوڭ ەگەمەن ارداگەرلەرىنە مەرەيتوي مەدالدارىن تابىستادى. اتالعان مەدالدارمەن سارباس اقتاەۆ، نۇرلان ورازالين، ماماديار جاقىپ، ءومىرزاق ايتبايۇلى، وقاپ قىدىرحانوۆ، ايان نىسانالين، گۇلزەينەپ ءسادىرقىزى ماراپاتتالدى.

يگى شارا سوڭىندا “ەگەمەن قازاقستان” گازەتىنىڭ ارداگەرلەرى: سارباس اقتاەۆ، نۇرلان ورازالين، ماماديار جاقىپ، ءومىرزاق ايتبايۇلىلار ىزگى لەبىزدەرىن ءبىلدىردى.

“ەگەمەن قازاقستان” گازەتى قازاقستان رەسپۋبليكاسىنداعى قازاق ءتىلدى باسىلىمداردىڭ ىشىندەگى ەڭ ىقپالدى، ەڭ تانىمال باسىلىم بولىپ كەلەدى. گازەت ەلىمىزدە جانە شەتەلدەردە بولىپ جاتقان قوعامدىق-ساياسي، زكونوميكالىق، الەۋمەتتىك، مادەني شارالاردى قامتيدى.

گازەتتىڭ رەسپۋبليكاداعى بارلىق وڭىرلەردە، سونداي-اق الماتى قالاسىندا ءوز تىلشىلەر جەلىسى بار. “ەگەمەن قازاقستان” اكتسيونەرلىك قوعامىندا 100-دەن استام قىزمەتكەر جۇمىس اتقارادى. گازەت ەلىمىزدىڭ الەۋمەتتىك-ەكونوميكالىق، ساياسي ءومىرىن جان-جاقتى قامتيدى جانە قازاقستان رەسپۋبليكاسى مەملەكەتتىك ورگاندارىنىڭ قىزمەتى تۋرالى رەسمي اقپاراتتى، نورماتيۆتىك-قۇقىقتىق اكتىلەردى، سونداي-اق ىشكى جانە سىرتقى ساياسي ماسەلەلەرى بويىنشا ۋاكىلەتتى مەملەكەتتىك ورگانداردىڭ اقپاراتتارىن جاريالايدى.

ايتا كەتەيىك،الماتى قالاسىندا 1987-1999 جىلدار ارالىعىندا "ەگەمەن قازاقستان" گازەتىنىڭ رەداكتسياسى ورنالاسقان عيماراتقا ەسكەرتكىش تاقتا ورناتىلعانىن جازعان ەدىك.



كەلۋ قاينارى: http://www.elarna.net/koru.php?tur=41&id=1069638

پىكىرلەر:

juz dep sifirmen jazingiz.