كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-222102532748 %52 %

ادامزات پەن تابيعات ەگىز ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيم


ءتۇرى: ماسساگەت ماقالالارى

ۋاقىتى: 18:30 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version. ادامزات پەن تابيعات ەگىز ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


ادامزات پەن تابيعات ەگىز

حالقىمىز تابيعاتتى اناعا تەڭەگەن. ادامزات انا ارقىلى ءوسىپ ونسە، تابيعاتتا تىرشىلىك ءوسىپ ونەدى. سول تابيعات بايلىعىن ءبىر كەزدەرى اياۋسىز جويىپ، اعاشىن دا، حايۋاناتتارىن دا تۇپ-تامىرىمەن قۇرتۋعا دەيىن باردىق. تابيعاتتا باسى ارتىق ەشتەڭە جوق. تابيعات سىرىن تەرەڭ بىلمەي، وعان نەمقۇرايلى قاراۋ ۇلكەن اپاتقا سوقتىرادى. ءبىر كەزدەردە تابيعاتتى باعىندىرۋدى ماقسات تۇتىپ، ورماندار اياۋسىز بالتالاندى، اڭ قۇستار شامادان تىس اۋلاندى، جەر ءجون-جوسىقسىز جىرتىلىپ، توپىراقتا ەروزيا پايدا بولدى. سونىڭ سالدارىنان بۇگىنگى تاڭدا ادام بالاسىنا يادرولىق اپاتتان گورى ەكولوگيالىق اپات اسا ۇلكەن ءقاۋىپ ءتوندىرىپ وتىر. ەكولوگيا دەگەن ءسوز "تىرشىلىك ەتۋ مەكەنى، ءومىر سۇرەتىن ورتا" تۋرالى عىلىم دەگەندى بىلدىرەدى. ياعني، ءوزىڭ ءومىر ءسۇرىپ وتىرعان ورتانى تانۋ. ءبىز ءوزىمىز ونى قانشالىقتى زەرتتەپ، زەردەلەپ، قورعاپ ءجۇرمىز، بۇل بۇگىنگى كۇننىڭ ەڭ ماڭىزدى ماسەلەلەرىنىڭ ءبىرى بولىپ تابىلماق.

ءال-فارابي اتىنداعى قازاق ۇلتتىق ۋنيۆەرسيتەتىنىڭ بيولوگيا فاكۋلتەتى ستۋدەنتتەرى ءوزارا دەبات ۇيىمداستىردى. ونىڭ تاقىرىبى قورشاعان ورتا، ياعني ەكولوگياعا ارنالادى. اركىم ءوز تۋعان جەرىنىڭ تاڭعاجايىپ تابيعات كورىنىستەرىن سۋرەتتەپ، تۋريستىك جەرلەرىن ماداقتاپ، وزەنى، كولى، تاۋى جايلى كوركەم اڭگىمەلەر ايتىپ جاتتى. مەندە ءوزىمنىڭ تۋعان ولكەمنىڭ تاماشا جەرلەرىن كوز الدىما ەلەستەتىپ، تاۋى، ىستىق شيپالى سۋى، الەمدە ەكى-اق جەردە كەزدەسەتىن شارىن شاتقالى، ەرەن توعايى، شىرشالى تاۋلارىمىزدى ساعىنىشپەن ەسىمە الدىم.

اتاقتى بيولوگ ەرنەست گەككەل "ەكولوگيا-تابيعات پەن ءتىرى اعزالاردىڭ ءوزارا قارىم-قاتىناسىن زەرتتەيتىن عىلىم" دەگەن انىقتاما بەرگەن بولاتىن. بۇگىندە تاۋەلسىز قازاقستاندا عانا ەمەس، بۇكىل الەم الدىندا ەكولوگيا ماسەلەلەرى تۇر. ادام ومىرىنە ەكولوگيالىق زارداپتاردىڭ اسەر ەتە باستاۋى ولاردىڭ قورشاعان ورتاعا جىرتقىشتىقپەن قاراۋىنىڭ سالدارى. بۇگىندە ساناسىندا ساۋلەسى بار ءاربىر ادامدى تۋعان جەردىڭ تابيعاتىنىڭ تاعدىرى تولعاندىرۋى كەرەك. قاراپايىم عانا مىسال. اۋىلدىق جەرلەردەگى ەكولوگيالىق، سانيتارلىق، ەپيدەميالىق جاعدايدى ادامداردىڭ وزدەرى ناشارلاتىپ وتىر ەمەس پە؟ كوشەتتەردى كوپتەپ وتىرعىزۋدىڭ ورنىنا اعاشتاردى وتىندىققا كەسىپ، ودان قالا بەردى ۇيدەن شىققان قوقىس، كۇلدەردى ەسىكتىڭ الدىنا، ەل جۇرەتىن جەرگە توگە سالاتىن جامان ادەتتەن ارىلا الماي-اق قويدىق. ءوز باسىم تابيعات انانى قورعاۋدىڭ بىرنەشە جولدارىن ۇسىندىم. ەڭ الدىمەن ءار ادام كۇل، قوقىس، ازىق-تۇلىك قالدىقتارىن توگەتىن بەلگىلەنگەن ورىنعا توكسە، جاڭادان وتىرعىزىلعان جاس كوشەتتەردى قامقورلىقتارىنا السا. ۇساق-تۇيەكتەن باستالاتىن جۇمىستار ۋاقىت وتە كەلە اۋقىمدالا تۇسەتىنى اقيقات. ءارقايسىسىمىز گۇل ءوسىرۋدى، اعاش باپتاۋدى قولعا الساق، وعان كۇتىم جاساساق ەكولوگياعا قوسقان ۇلەسىمىز بولار ەدى. اينالامىزدىڭ باۋ-باقشاعا تولىپ، تاپ-تازا بولۋىنا كوڭىل بولسەك كەرەمەت. دەباتتا ءوز ويلارىن ورتاعا سالعان ستۋدەنتتەردىڭ بارلىعى دەرلىك وسىنداي ماقساتتى كوزدەيتىندىكتەرىن ءبىلدىردى.



كەلۋ قاينارى: http://www.elarna.net/koru.php?tur=41&id=1069628

پىكىرلەر:

juz dep sifirmen jazingiz.