كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-2116127442 %58 %

جاس اقىننان ەكى ولەڭ... | ادەبيەت پورتالى


ءتۇرى: جۇلدىز جۋرنالى

ۋاقىتى: 18:00 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.

جاس اقىن الحابەك ايجان ءابجانقىزىنىڭ ەكى ولەڭىن وقىرمان قاۋىمنىڭ نازارىنا ۇسىنىپ وتىرمىز. ولەڭ ولكەسىنە قادام باسقان جاس قاناتتىڭ تالماي ۇزاق سامعاۋىنا تىلەكتەسپىز.

سەنىم

مەن نەگە ءجيى اسىعا بەرەم؟

سەزىمدەرىمدى جاسىرا بەرەم...

الىپ-ۇشقان اق كوڭىلىممەنەن،

بايانسىزدىققا باس ۇرا بەرەم...

قولىمدا باردى دوسىما بەرەم،

دوستارىم كوپ دەپ تاسىنا بەرەم.

اڭعالدىق پا ەكەن... كورىنگەن جانعا

نەسىنە سونشا شاشىلا بەرەم؟..

سىرىن ايتقانعا جانىمد(ى)-اي بەرەم،

وزگەنىڭ جايىن ۋايىمداي بەرەم

مۇڭىن ايتقانعا "تاۋبە" ۇيرەتىپ،

وزىمدى دانا، عالىمداي كورەم...

بىر اۋىز سوزگە بارىمداي سەنەم،

جالعاندى شىنداي قابىلداي بەرەم.

بىر جاندى ءۇنسىز ۇناتا قالسام،

كوكتەگى جەتپەس ايىمداي كورەم.

جانىما جايلى دوستاردى كورەم،

كوزدەرى وتتى جاستاردى كورەم.

دالادايىن كەڭ كوڭىلدەرىنەن،

تۇپ-تۇنىق، شەكسىز اسپاندى كورەم.

بىزدەرگە دەگەن سەنىممەن كەلەم،

ادامدىق ىزگى جولىممەن كەلەم.

ەلىمنىڭ الدى جاستار عوي دەگەن

ەلباسى بەرگەن دەمەۋمەن كەلەم.

جاستار جىلىندا جاڭعىرىپ كونەم،

تۇلا-بويىمنان تاسقىن كۇش سەزەم.

جىرىمدى وقىعان ءاربىر جالىن جاس

ۇلەسىڭدى قوس، ءۇمىت زور سەنەن.

بەيبىت كوگىمنىڭ كۇنىنەن كۇلگەن

جالىندى جاستىڭ نۇر ءجۇزىن كورەم

جاستار جىلىندا جارقىراپ جانار

التىن جۇلدىزى بارىنا سەنەم

ار جاقىن جاننىڭ جانىنا ەنەم

ەشبىر سەبەپسىز تەك جاقسى كورەم.

مەندەگى شەكسىز سەنىمدەردى دە

باعالايتىن جان بارىنا سەنەم!

اق بۇلتتار

سامال جەل تەربەپ، ۇدەرە كوشكەن اق بۇلتتار،

مەن تۋعان اۋىل، سارى-الا شاعىل كوردىڭ بە؟

سارعايىپ اركەز بوتاسىن كۇتىپ ول تۇرار،

ساعىنا ايتقان سالەمىن الىپ كەلدىڭ بە؟

"جەلسىز تۇندە جارىق اي" دەپ ءبىر ءان سالسام،

قوينىندا اۋناعان سايلارىم ەسكە ورالار.

الدەبىر اسەم تابيعات كورىپ تامسانسام،

اياداي اۋىل ەلەستەپ، كوزدەن جوعالار.

جارماسىپ الىپ وزىڭمەن ۇشىپ بارار ەم،

كوزىمە جاقىن، قول جەتپەس، ءبىراق، بيىكسىڭ!

تۋعان جەرىمنىڭ باۋىرىنا بارىپ قونار ەم،

قيالداي بەرسەم، ارمانى قۇرعىر بيىك تىم.

سارعايعان ساعىم ساعىنىشىم بوپ قالارسىڭ،

تۇسىمە ەنىپ، جانىما دەمەۋ بولارسىڭ.

ەسكە العان شاقتا كوزىمنەن اققان ءمولدىر مۇڭ،

اق تامشى بولىپ تۋعان جەرىمە تامارسىڭ.

سەنىڭ كوشىڭە شەكارا شەكتەۋ بولا الماس،

بيىك تاۋلار دا، ورمان مەن توعاي، كول تەگى.

ساعىنىش ءاننىڭ كۋاسى بولعان سامال جەل،

مەن وسكەن اسەم اۋىلعا سەنى ەرتەدى.

جىرىمدى مەنىڭ اق قويىنىڭا سالىپ ال،

بۇگىن، نە، ەرتەڭ... ايتەۋىر ءبىر كۇن جەتەرسىڭ!

تۋعان اۋىلدىڭ وزەنىن، سايىن، كوك تاسىن،

بوتاسى جازعان ءان-جىردان حابارلى ەتەرسىڭ.

الحابەك ايجان ءابجانقىزى

نۇر-سۇلتان قالاسى

19 جاس



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1069617

پىكىرلەر:

juz dep sifirmen jazingiz.