كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

الماتىدا «ەگەمەن قازاقستان» گازەتى 100 جىلدىق مەرەيتويىن اتاپ ءوتتى


ءتۇرى: قازاقپارات جاڭالىقتارى

ۋاقىتى: 17:24 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
الماتىدا «ەگەمەن قازاقستان» گازەتى 100 جىلدىق مەرەيتويىن اتاپ ءوتتى

الماتى. قازاقپارات – ۇلتتىق كىتاپحانادا «ۇشقىننان باستالعان Egemen Qazaqstan» اتتى عىلىمي كونفەرەنتسيا ءوتتى. وندا رەسپۋبليكالىق باسىلىمنىڭ تاريحى مەن كەلەشەگى باياندالدى، دەپ حابارلايدى قازاقپارات ءتىلشىسى.

«ەگەمەن قازاقستان» رەسپۋبليكالىق قوعامدىق گازەتى — ەلىمىزدەگى ەڭ ەرتە جارىققا شىققان جانە ەڭ تانىمال باسىلىمداردىڭ ءبىرى. گازەتتىڭ العاشقى ءنومىرى 1919 جىلى ورىنبور قالاسىندا «ۇشقىن» اتاۋىمەن جارىق كوردى. باسىلىم بيىل رەسپۋبليكا كولەمىندە 100 جىلدىعىن اتاپ وتۋدە.

الماتىداعى اۋقىمدى شاراعا «ەگەمەن قازاقستان» گازەتىنىڭ ارداگەرلەرى، بەلگىلى قوعام قايراتكەرلەرى، عالىمدار، جۋرناليستەر مەن قالا بيلىگى وكىلدەرى قاتىستى.

«ۇشقىننان باستالعان Egemen Qazaqstan» اتتى عىلىمي كونفەرەنتسيادا الماتى قالاسىنىڭ اكىمى باقىتجان ساعىنتاەۆ باسىلىمدى مەرەيتويىمەن قۇتتىقتادى.

«قۇرمەتتى قالامگەر قاۋىم، بارشاڭىزدى ەلىمىزدىڭ ءاربىر ازاماتىنا ەتەنە تانىس، رەسپۋبليكاداعى ماڭدايالدى باسىلىم — «ەگەمەن قازاقستان» گازەتىنىڭ 100 جىلدىق مەرەيتويىمەن شىن جۇرەكتەن قۇتتىقتايمىن! عاسىرلىق تاريحى بار بۇل گازەتتى قولىنا ۇستاعان كەز كەلگەن جان مۇنداعى ءاربىر اقپاراتتىڭ شىنايىلىعىنا، كوتەرگەن تاقىرىپتىڭ ماڭىزدىلىعىنا كامىل سەنەدى. سەبەبى، گازەتتىڭ كاسىبي دەڭگەيى، ۇستانعان باعىتى ەشقاشان وزگەرگەن ەمەس. الەم مەن قوعام، ساياسات پەن ەكونوميكا، ادەبيەت پەن مادەنيەت، سپورت پەن تۋريزم ايدارلارى بويىنشا تىڭ اقپارات كەلەلى وي تاراتقان باسىلىم پاراقتارىندا جاڭاشىلدىق پەن ۇرپاقتار ساباقتاستىعىنىڭ ءىزى سايراپ جاتىر»، - دەدى باقىتجان ساعىنتاەۆ.

شاراعا جينالعان قاۋىم، باسىلىمنىڭ تاريحى مەن كەلەشەگىن باياندادى.

«ەگەمەن قازاقستان» — شىققانىنا 100 جىل تولعان، حح عاسىردىڭ باسىندا ۇلتتىڭ جوعىن جوقتاعان الاش ارىستارى قىزمەت ەتكەن باسىلىم. بۇل گازەتتە سماعۇل ءسادۋاقاسوۆ، جۇسىپبەك ايماۋىتوۆ، بەيىمبەت مايلين، ساكەن سەيفۋللين، مۇحتار اۋەزوۆ، تۇرار رىسقۇلوۆ، وراز جاندوسوۆ سياقتى تۇلعالار ەڭبەك ەتتى. سوندىقتان بۇل — ۇلتتىڭ تويى، حالىقتتىڭ تويى، رۋحاني كەڭىستىگىمىزدە بولىپ جاتقان ۇلى وقيعالاردىڭ ءبىرى. توي قۇتتى بولسىن!» - دەدى جازۋشى نۇرلان ورازالين

عىلىمي كونفەرەنتسيا بارىسىندا گازەتتىڭ ءبىرقاتار ارداگەرلەرى «الماتىعا سىڭىرگەن ەڭبەگى ءۇشىن» مەدالىمەن جانە الماتى قالاسى اكىمىنىڭ العىس حاتىمەن ماراپاتتالدى.

سونىمەن قاتار، قر ۇلتتىق كىتاپحاناسىنىڭ قورىنان 1919-2019 جىلدار ارالىعىن قامتيتىن «100 جىل — 100 گازەت» اتتى كەڭ كولەمدى كورمە ۇيىمداستىرىلدى.

بۇعان دەيىن، الماتىدا «Egemen Qazaqstan» باسىلىمىنىڭ قۇرمەتىنە ەسكەرتكىش تاقتا ورناتىلعانىن جازعان بولاتىنبىز.


كەلۋ قاينارى: http://www.elarna.net/koru.php?tur=3&id=1069608

پىكىرلەر:

juz dep sifirmen jazingiz.