كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133914646863 %37 %

"ەگەمەن قازاقستان" گازەتىنىڭ رەداكتسياسى بولعان عيماراتقا ەسكەرتكىش تاقتا ورناتىلدى ءبىز ءسىزدى جارقىن الەمگە


ءتۇرى: ماسساگەت ماقالالارى

ۋاقىتى: 15:55 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version. "ەگەمەن قازاقستان" گازەتىنىڭ رەداكتسياسى بولعان عيماراتقا ەسكەرتكىش تاقتا ورناتىلدى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


بيىل "ەگەمەن قازاقستان" گازەتىنە — 100 جىل. وسىعان وراي الماتى قالاسىندا 1987-1999 جىلدار ارالعىندا "ەگەمەن قازاقستان" گازەتىنىڭ رەداكتسياسى ورنالاسقان عيماراتقا ەسكەرتكىش تاقتا ورناتىلدى.

اتالعان شاراعا رەداكتسيادا قىزمەت ەتكەن جۋرناليستەر قاۋىمى قوناق بولدى. ەسكەرتكىش تاقتانىڭ اشىلۋىندا الماتى قالاسى اكىمىنىڭ ورىنباسارى ەرجان باباقۇماروۆ جالباقۇلى تاريحى تەرەڭ باسىلىمدى مەرەيتويىمەن قۇتتىقتاي وتىرىپ: "ساناۋلى كۇندەردەن كەيىن ەلىمىزدىڭ باس گازەتى ءوزىنىڭ عاسىرلىق مەرەيتويىن وتكىزەدى. وسىعان وراي، ەلىمىزدىڭ ءار ايماعىندا مەرەكەلىك ءىس-شارالار ءوتىپ جاتىر."ەگەمەن قازاقستان" گازەتىنىڭ عاسىرلىق تاريحىندا الماتى قالاسىنىڭ ورنى بولەك. باسىلىم ۇجىمى ءبىزدىڭ الماتىمىزعا 1929 جىلى قىزىلوردادان تولىق كوشىپ كەلدى. سودان باستاپ، 70 جىلداي "ەگەمەن قازاقستاننىڭ" رەداكتسياسى ءبىزدىڭ الىپ شاھارىمىزدا ورنالاسىپ جۇمىس ىستەگەن. سوندىقتان، الماتى تورىندە وسىناۋ ەسكەرتكىش تاقتانىڭ اشىلۋى – تاريحي زاڭدىلىق قانا ەمەس، ازاماتتىق پارىزىمىزدىڭ دالەلى. ءدال وسى عيماراتتا 1987 جىلدان باستاپ 12 جىل تۇراقتاعان باس گازەتىمىز ەلدىكتىڭ ءسوزىن ايتتى"–​ دەدى.

"بۇگىنگى ەسكەرتكىش تاقتا ارقىلى الماتى شاھارىنىڭ كەلبەتىنە تاعى ءبىر كەلىستى بوياۋ قوسىلدى دەپ ەسەپتەيمىز. "ەگەمەن قازاقستاننىڭ" عاسىرلىق تويى قۇتتى بولسىن، اعايىن! تاۋەلسىزدىگىمىز عاسىرلارعا ۇلاسسىن!"— دەدى اكىم ورىنباسارى.

"ەگەمەن قازاقستان" تاريحى 1919 جىلدان باستاۋ الادى. العاش رەت 17 جەلتوقساندا ورىنبوردا "ۇشقىن" گازەتى بولىپ جارىققا شىعادى. ودان كەيىن گازەتتىڭ اتى بىرنەشە رەت وزگەردى. باسىلىم 1920 جىلى "ەڭبەك تۋى"، 1921 جىلى "ەڭبەكشى قازاق"، كەلەسى جىلى "ەڭبەكشىل قازاق"، 1932 جىلى "سوتسيالدى قازاقستان" دەگەن اتاۋمەن شىقتى. ال 1937 جىلى "سوتسياليستىك قازاقستان" بولىپ وزگەرىلدى دە، وسى اتپەن ول 54 جىل بويى جارىق كورەدى.1993 جىلدىڭ 1 قاڭتارىنان باستاپ، باسىلىم اتاۋى "ەگەمەن قازاقستان" بولىپ وزگەردى.

العاشقى تاريحىنان باستاپ باسىلىمدا قازاق ۇلتىنىڭ ءىرى مەملەكەت قايراتكەرلەرى مەن كورنەكتى قالامگەرلەرى قىزمەت ەتكەن. گازەتكە باسشىلىق ەتىپ، وزدەرىنىڭ شىعارمالارىن جاريالادى. ولاردىڭ قاتارىندا سماعۇل ءسادۋاقاسوۆ، جۇسىپبەك ايماۋىتوۆ، بەيىمبەت مايلين، ساكەن سەيفۋللين، مۇحتار اۋەزوۆ، تۇرار رىسقۇلوۆ، وراز جاندوسوۆ سياقتى تۇلعالاردى اتاۋعا بولادى. جاڭا داۋىردە "ەگەمەن قازاقستاندى" ساپار بايجانوۆ، بالعابەك قىدىربەكۇلى، شەرحان مۇرتازا، ءابىش كەكىلباەۆ، نۇرلان ورازالين، ساۋىتبەك ءابدىراحمانوۆ سياقتى قالامگەرلەر باسقاردى.



كەلۋ قاينارى: http://www.elarna.net/koru.php?tur=41&id=1069563

پىكىرلەر:

juz dep sifirmen jazingiz.