كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-1233077245 %55 %

ء«قازاقفيلمنىڭ» فيلمدەرى لوس-اندجەلەس قالاسىنداعى كينوفەستيۆالگە قاتىسىپ جاتىر | قازاق گازەتتەرى


ءتۇرى: قازاق گازەتتەرى

ۋاقىتى: 15:33 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.


رۇستەم ابدىراشەۆتىڭ «قازاق حاندىعى. التىن تاق»، ەرمەك تۇرسىنوۆتىڭ «شىراقشى» جانە فارحات ءشارىپوۆتىڭ «تۇلعالىق ءوسۋ ترەنينگى» فيلمدەرى اقش-تىڭ لوس-اندجەلەس قالاسىندا قاراشانىڭ 6-ى مەن ء14-ى ارالىعىندا ءوتىپ جاتقان Asian World Film Festival فەستيۆالىنە قاتىسىپ جاتىر. بۇل تۋىندىلاردى قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن، — دەپ حابارلايدى كينوستۋديانىڭ ءباسپاسوز قىزمەتى.

كينوفەستيۆالدىڭ ماقساتى — ازيا مەن گولليۆۋدتىڭ كينو ءوندىرىسى سالاسى اراسىنداعى بايلانىستى ڭىعايتىپ، لوس-اندجەلەس كورەرمەندەرىنە ۇزدىك ازيالىق فيلمدەردى ۇسىنۋ. بيىل فەستيۆال شەڭبەرىندە تۇركيا، جاپونيا، ءۇندىستان سىندى باسقا دا مەملەكەتتەردىڭ 50-دەن استام تۋىندى كورسەتىلەدى.

«قازاق حاندىعى» كينوسەريالىنىڭ ەكىنشى ماۋسىمى – «قازاق حاندىعى. التىن تاق» ءفيلمىنىڭ وقيعا جەلىسى جانىبەك پەن كەرەي حانداردىڭ ءابىلقايىر شايباني ۇرپاقتارىمەن قازاق حاندىعىنىڭ سىعاناقتاعى تاعى ءۇشىن تالاسى اينالاسىندا ءوربيدى. ءفيلمنىڭ ستسەناريى ءىلياس ەسەنبەرليننىڭ «الماس قىلىش» رومانىنىڭ نەگىزىندە جازىلعان. ەستەرىڭىزگە سالا كەتسەك، بۇل فيلم بيىل قازاقستاننىڭ اتىنان «وسكار» سىيلىعىنا ۇسىنىلعان.

ەرمەك تۇرسىنوۆتىڭ «شىراقشى» ءفيلمى ەكىنشى دۇنيەجۇزىلىك سوعىسى كەزىندە نەمىس قاريادان كينواپپارات سىيعا العان سولدات تۋرالى. سوعىستان سوڭ ەلگە ورالعان ول قارتايعان شاعىنا دەيىن ەل ارالاپ، كينواپپاراتپەن ەسكى فيلمدەردى كورسەتۋمەن اينالىسادى. ول كينونىڭ كومەگىمەن الەمدى جاقسارتۋعا بولادى دەپ سەنەدى. بيىل جاز ايىندا وتكەن XXII شانحاي حالىقارالىق كينوفەستيۆالى اياسىندا اتالعان ءفيلمىنىڭ الەمدىك تۇساۋكەسەرى ءوتتى. كارتينادا باستى ءرولدى سومداعان اكتەر مۇراتجان مۇقاجانوۆ اناپادا وتكەن «كينوشوك» كينوفەستيۆالىندە «كينو ونەرىنە ادال كەيىپكەردىڭ وبرازىن كوركەم سومداعانى ءۇشىن» اتتى قازىلار القاسىنىڭ ديپلومىمەن ماراپاتتالعان. ايتا كەتسەك، اتالعان كينوفەستيۆالدە ءفيلمنىڭ وپەراتورى مارتين سەچانوۆ «ۇزدىك وپەراتولىق جۇمىسى ءۇشىن» جۇلدەسىنە (ا.كنياجينسكي اتىنداعى جۇلدە) يە بولدى.

فارحات ءشارىپوۆتىڭ «تۇلعالىق ءوسۋ ترەنينگى» ءفيلمى قىرىق جاسقا كەلگەن، ورتا جاس كۇيزەلىسىن كەشىپ جۇرگەن، ومىردەن ەشتەڭە كۇتپەيتىن بانك قىزمەتكەرى — قانات تۋرالى باياندايدى. ءبىر كۇنى باس كەيىپكەر كوۋچ-ترەنەردىڭ ومىردە تابىسقا جەتۋ جانە كوشباسشى بولۋ جايلى تۇلعالىق ءوسۋ ترەنينگىنە قاتىسادى. كوشباسشىلىقتىڭ قىر-سىرىن ءتۇسىنىپ، ءبىرازدان بەرى كورمەگەن تانىسى دانياردى كەزدەستىرگەندە، ونىڭ ومىرگە دەگەن كوزقاراسى وزگەرەدى. ايتا كەتسەك، «تۇلعالىق ءوسۋ ترەنينگى» ءفيلمى بيىل ءساۋىر ايىندا قازاق كينوسىنىڭ تاريحىندا العاش رەت ء41-شى حالىقارالىق ماسكەۋ كينوفەستيۆالىندە جانە XV حالىقارالىق «ەۋرازيا» كينوفەستيۆالىندە باس جۇلدەلەرگە قول جەتكىزگەن بولاتىن.

شەتەلدىڭ فيلمدەرىن، سونداي-اق تاۋەلسىز كينولاردى ءسۇيىپ تاماشالايتىن كورەرمەندەرگە ارنالعان Asian World Film Festival فەستيۆالى لوس-اندجەلەستەگى ازيالىق قاۋىمداستىقتارىنىڭ قولداۋىمەن وتكىزىلەدى.



كەلۋ قاينارى: http://www.elarna.net/koru.php?tur=6&id=1069551

پىكىرلەر:

juz dep sifirmen jazingiz.