كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1728677152 %48 %

ەلوردا اكىمى: سارىبۇلاق وزەنىندەگى جاعداي – ەكولوگيالىق اپات - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 15:30 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.



سارىبۇلاق – بۇل ەكولوگيالىق اپات. ەلوردا اكىمى التاي كولگىنوۆ وسىنداي باعا بەردى.

سۋ ارناسىنىڭ لاستانۋى تەك ءبىر تاراپتىڭ كىناسى ەمەس ەكەنى انىق، دەپ حابارلايدى «حابار 24».

تۇرعىندار جەرگىلىكتى بيلىك وكىلدەرى دەر كەزىندە شارا قولدانبادى دەسە، جاۋاپتىلار كىنا جۇرتشىلىقتىڭ وزدەرىنەن دە بار دەيدى. قالا ىشىنەن اعىپ وتەتىن سارىبۇلاقتىڭ قازىرگى جاعدايى قانداي؟ ارناسىن قالپىنا كەلتىرۋ ءۇشىن قانداي جۇمىستار جۇرگىزىلىپ جاتىر؟

ەسىل وزەنىنىڭ ەلورداداعى ەكى ارناسى – سارىبۇلاق پەن اقبۇلاق. سوڭعىسىنىڭ جاعالاۋى قالا تۇرعىندارى سەرۋەندەيتىن اباتتاندىرىلعان كورىكتى جەرگە اينالدى. ال، سارىبۇلاقتىڭ ەكولوگيالىق جاعدايى تەك سول ماڭدا تۇراتىن حالىقتى عانا ەمەس، بۇكىل ەلوردا جۇرتشىلىعىن الاڭداتادى. سەبەبى، ەكى بۇلاق تا ەسىلگە قۇيادى.

قارلىعاش قايىپبەكوۆا، ءتىلشى:

- سارىبۇلاق سۋ ارناسىنىڭ سانيتارلىق جاعدايى تۋرالى ءبىز بۇعان دەيىن دە ايتىپ، كورسەتكەن بولاتنىبىز. سول كەزدە اكىمدىك وكىلدەرى سۋ كوزىن تازارتىپ قالىپتى جاعدايدا ۇستايمىز دەپ ۋادە بەرگەن ەدى. كورىپ تۇرعانىمىزداي، سۋ ارناسىنىڭ ءبىرازدان بەرى تازارتىلماعانى كورىنىپ تۇر.

سۋدىڭ دەڭگەيى تومەندەپ كەتكەنى ءوز الدىنا، بەتىندە كولىكتىڭ دوڭعالاعىنان باستاپ، بالانىڭ جورگەگىنە دەيىن قالقىپ ءجۇر. اكىمدىك وكىلدەرىنىڭ ايتۋىنشا، سارىبۇلاقتىڭ جاعالاۋى تازالانىپ تۇرادى. كۇزدە وتكەن سەنبىلىك كەزىندە قاپ-قاپ قوقىس شىعارىلعان. دەسە دە، ۋاقىت وتپەي جاتىپ قايتا لاستانعان.

ناتاليا رۋداكوۆا، قالا تۇرعىنى:

- 1978 جىلدان بەرى تۇرامىن وسىندا. جاعاسى جەلەككە ورانعان ۇيرەك، قاز قونعان وزەن بولعان ەدى. ءتىپتى بالىق اۋلايتىنبىز. ال، ءقازىر شە؟ جازدا ماسادان كوز اشپايمىز. قوقىس، جاعىمسىز ءيىس قولقاڭدى قابادى.

ەكاتەرينا بەلتس، قالا تۇرعىنى:

- ارينە، قازىرگى جاعداي كوڭىل قۇلازىتادى. اتا-انامنىڭ ايتۋىنشا، بۇرىن قالا حالقى دەمالىپ سەرۋەندەۋگە وسىندا كەلەدى ەكەن. ال، قازىرگى جاعدايى ەلدىڭ بارىنە بەلگىلى عوي.

باس قالانىڭ دامۋ جوباسى بويىنشا سارىبۇلاقتىڭ كورىكتى دەمالىس ورنىنا اينالاتىن كۇن دە الىس ەمەس. بيىل كوپتەن ايتىلىپ جۇرگەن قايتا جاڭعىرتۋ جۇمىستارى ءۇشقوڭىر كوشەسى تۇسىنان باستالىپتى.

جاسۇلان مىرزاحمەتوۆ، قالالىق قورشاعان ورتانى رەگەنەراتسيالاۋ باسقارماسىنىڭ ءبولىم باسشىسى:

- بىزگە بەرىلگەن جەر تەلىمى 1،1 شاقىرىم. قازىرگى كۇنى 70%-تەي جۇمىس اقتالدى. جۇمىستار بىزدە وزەندى كەڭەيتۋ، تەرەڭدەتۋ سياقتى تەمىر-بەتون جۇمىستارى جۇرگىزىلۋدە. كەلەسى جىلعا جارىقتاندىرۋ مەن كوگالداندىرۋ قارالىپ وتىر.

سارىبۇلاقتىڭ بۇل بولىگى تولىقتاي كەلەسى جىلدىڭ ەكىنشى توقسانىندا اياقتالادى دەگەن جوسپار بار. ال، قالعان بولىگى كەزەڭ-كەزەڭىمەن  جاسالماق. قۇرىلىس جۇمىستارى 2 جىلعا سوزىلادى.


كەلۋ قاينارى: http://www.elarna.net/koru.php?tur=38&id=1069550

پىكىرلەر:

juz dep sifirmen jazingiz.