كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-1233077245 %55 %

رەكتوردىڭ «Open space» فورماتىندا كەزدەسۋى | قازاق گازەتتەرى


ءتۇرى: قازاق گازەتتەرى

ۋاقىتى: 15:21 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.


6 قاراشادا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «Open space» فورماتىندا رەكتور تاكير بالىقباەۆ جۇرتشىلىقپەن كەزدەسۋ وتكىزدى. كەزدەسۋگە پرورەكتورلار مەن دەپارتامەنت ديرەكتورلارى، ستۋدەنتتىك رەكتورات مۇشەلەرى قاتىستى. ۋنيۆەرسيتەت باسشىلىعىنا 75-تەن استام ءوتىنىش كەلىپ ءتۇستى.

كەزدەسۋ بارىسىندا وقۋ اقىسى; ءبىر ماماندىقتان ەكىنشى ماماندىققا اۋىسۋ; جاتاقحانالارداعى جاعدايلاردى جاقسارتۋ جانە وقۋ ۇدەرىسىندەگى ۇيىمداستىرۋ جۇمىستارى، باسقا دا الەۋمەتتىك ماڭىزى بار ماسەلەلەر تۋرالى سۇراقتار قويىلدى. ءار ءوتىنىش بەرۋشى رەكتورمەن جانە ۋنيۆەرسيتەتتىڭ باسقا دا باسشىلارىمەن بەتپە-بەت سويلەسىپ، ۇسىنىستارىن اشىق ايتۋعا مۇمكىندىك الدى. بۇل كەزدەسۋدە ستۋدەنتتەر مەن ولاردىڭ اتا-انالارى كوكەيكەستى ماسەلەلەرىن ەمىن-ەركىن ورتاعا سالدى.

ۋنيۆەرسيتەت باسشىلارى وزدەرىنىڭ قۇزىرەتتەرىنە قاتىستى سۇراقتارعا دايەكتى جاۋاپ بەردى. بارلىق ءوتىنىش بەرۋشىلەرمەن تىكەلەي بايلانىس ورناتقان ۋنيۆەرسيتەت رەكتورى «Open space» قاتىسۋشىلارىنىڭ ماسەلەلەرىن ءوز باسشىلىعىنا الدى.

رەكتورمەن كەزدەسۋگە كەلگەن ستۋدەنتتەر مەن اتا-انالار كوپتەگەن ماسەلەلەردىڭ جەدەل شەشىلگەنىنە ريزا بولدى. كەيبىر پروبلەمالىق سۇراقتاردىڭ شەشىمى ۋاقىتتى قاجەت ەتەدى، ولاردى دەرەۋ شەشۋ مۇمكىن بولمايدى. سوندىقتان ۋنيۆەرسيتەت باسشىسى ولاردى جيناقتاپ، تالداپ، ورىندالۋ مەرزىمىن كورسەتىپ، ءتيىستى قۇرىلىمدىق بولىمشەلەرگە تاپسىرما بەردى، سودان كەيىن بەلگىلى ءبىر ماسەلەنىڭ قالاي شەشىلىپ جاتقاندىعى تۋرالى حاباردار ەتەدى.

ۋنيۆەرسيتەتتىڭ ءبىرىنشى باسشىسى باستاعان اكىمشىلىك قىزمەتكەرلەرى ءبىلىم الۋشىلاردىڭ قاجەتتىلىكتەرىنە ۋاقتىلى نازار اۋدارادى جانە ولاردىڭ ورىندالۋىنا كومەكتەسۋگە تىرىسادى. اشىقتىق ورناتۋ، وقۋعا قولايلى جاعداي جاساۋ، جاستارمەن تىعىز ىنتىماقتاستىق، تۋىنداعان ماسەلەلەردى شەشۋ — ۋنيۆەرسيتەتىمىزدىڭ باستى مىندەتى.

 ريمما جانباەۆا



كەلۋ قاينارى: http://www.elarna.net/koru.php?tur=6&id=1069547

پىكىرلەر:

juz dep sifirmen jazingiz.