كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1728677152 %48 %

ەۋروپا ليگاسى: «استانا» فك «از الكمار» كومانداسىنان 0:5 ەسەبىمەن جەڭىلدى - قازاقستان جانە الەمدەگى سوڭعى جاڭال


ءتۇرى: 24.kz اقپاراتتارى

ۋاقىتى: 14:40 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
ەۋروپا ليگاسى: «استانا» فك «از الكمار» كومانداسىنان 0:5 ەسەبىمەن جەڭىلدى


«استانا» بيىلعى ەۋروكۋبوك دوداسىن ءساتسىز وتكىزدى. ەلوردالىقتار ىشكى بىرىنشىلىكتە توپ جارعانىمەن، ەۋروپا ليگاسىندا قاۋقارسىزدىق تانىتتى، دەپ حابارلايدى «حابار 24».

رومان گريگورچۋكتەن ءتالىم الاتىن كوماندا ءتورت ويىندا ءبىر عانا گول سوعىپ، ءوز قاقپاسىنا 14 دوپ جىبەرىپ الدى.11 گولدى «استاناعا» «از الكمار» سوقتى. نيدەرلاندىدا 6:0 ەسەبىمەن جەڭىسكە جەتكەن قىزعالداقتى ەلدىڭ كلۋبى قارىمتا ماتچتا بەس دوپپەن توقتادى. «از الكمار» «استانا-ارەنادا» الاڭ يەلەرىنىڭ مىسىن باسىپ، شەبەرلىكتەرىن پاش ەتتى. 29-مينۋتتا شابۋىلشى مايرون بوادۋ ەسەپ اشتى. 18 جاستاعى فۋتبولشى ۇزىلىستەن كەيىن دە مەرگەندىك تانىتتى. ەكىنشى تايمدا فرەدريك ميدتشە مەن ۋسساما ىدىرسسي ەريچ قاقپاسىنان ساڭلاۋ تاپتى. 76-مينۋتتا قورعاۋشى پانتەليس حاتسيدياكوس كوزگە ءتۇستى. قورىتىندى ەسەپ:0:5. «استانا» وسى جەڭىلىستەن كەيىن پلەي-وففقا شىعۋ مۇمكىندىگىنەن ايىرىلدى. «از الكمار» 8 ۇپاي جيناپ، ەكىنشى ورىنعا كوتەرىلدى.

دميتري شومكو، «استانا» فك فۋتبولشىسى:

وتە ۇيات بولدى. ءبىزدى قولداۋعا كەلگەن جانكۇيەرلەردەن كەشىرىم سۇرايمىز. ءوزىمىز كىنالىمىز. ەكى-ۇش گول ءبىزدىڭ قاتەلىگىمىزدەن سوعىلدى. كەلەسى ماتچتاردا جاقسى ويناۋعا تىرىسامىز. العاشقى تايمدا قارسىلاسقا قىسىم كورسەتۋگە ۇمتىلدىق. ءبىراق جوسپارىمىز جۇزەگە اسپادى. «از الكمار» جاقسى وينادى. اقتالۋعا سەبەپ جوق.

ەل توبىندا «مانچەستەر يۋنايتەد» «پارتيزاندى» قابىلداپ، 3:0 ەسەبىمەن جەڭىسكە جەتتى. اعىلشىن كلۋبى 10 ۇپايمەن پلەي-وفف كەزەڭىنە جولداما الدى. «استانا» كەلەسى تۋردا «مانچەستەر يۋنايتەدپەن» كەزدەسەدى. ماتچ 28 قاراشادا «استانا ارەنادا» وتەدى.

 

بۇكىلالەمدىك دوپينگكە قارسى كۇرەس اگەنتتىگىنە جاڭا باسشى سايلاندى

بۇكىلالەمدىك دوپينگكە قارسى كۇرەس اگەنتتىگىنە جاڭا باسشى سايلاندى. پولشانىڭ تۋريزم جانە سپورت ءمينسترى ۆيتولد بانكا 2020 جىلدىڭ ءبىرىنشى قاڭتارىنان باستاپ اتالعان ۇيىمنىڭ تىزگىنىن ۇستايدى. پولياك مامانى رەسەيدەگى دوپينگ داۋىنا قاتىستى قاتاڭ شەشىم كۇتىپ تۇرعانىن مالىمدەدى. بۇدان بىلاي كەز كەلگەن ەلدىڭ دوپينگكە قارسى كۇرەس ۇيىمى حالىقارالىق كودەكسكە ساي كەلمەسە، ول مەملەكەتتىڭ سپورتشىلارى جارىستارعا قاتىسۋ قۇقىعىنان ايىرىلادى. جاڭا ەرەجە بويىنشا وليمپيادا ويىندارى قارساڭىندا سپورتشىلاردان الىنعان دوپينگ سىنامالارى 10 جىل ساقتالادى. ولار جىل سايىن قايتا ساراپتامادان ءوتىپ، تەكسەرىلەدى.

 

تەننيس: جاستار اراسىنداعى قورىتىندى تۋرنير

يتاليانىڭ ميلان قالاسىندا 21 جاسقا دەيىنگى تەننيسشىلەر اراسىندا جىلدىڭ قورىتىندى ءتۋرنيرى ءوتىپ جاتىر. الەمنىڭ ۇزدىك سەگىز ويىنشىسى اراسىنداعى جارىستا جارتىلاي فيناليستەر انىقتالدى. ويىننىڭ پارتياسى ءتورت گەيمنەن تۇرادى. جالپى كەزدەسۋ بەس سەتقا دەيىن سوزىلادى. امەريكالىق فرەنسيس تيافۋ شۆەتسيالىق ميكاەل يمەردىڭ وسال تۇسىن تاۋىپ، كەلەسى اينالىمعا شىقتى. ءۇش پارتيا دا 4:2 ەسەبىمەن اياقتالدى. اۆستراليالىق الەكس دە ميناۋر نورۆەگ جىگىتى كاسپەر رۋدتان باسىم ءتۇسىپ، جارتىلاي فينالعا ءوتتى. سەربيالىق ميومير كەتسمانوۆيچ تە جارىستى جالعاستىرادى. ول يسپان تەننيسشىسى الەحاندرو داۆيدوۆيچ-فوكينانى جەڭدى.


كەلۋ قاينارى: http://www.elarna.net/koru.php?tur=38&id=1069528

پىكىرلەر:

juz dep sifirmen jazingiz.