كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1728677152 %48 %

تيانشان تورى


ءتۇرى: ءتاڭىرتاۋ تورابى اقپاراتتارى

ۋاقىتى: 14:20 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
شي جينپيڭ فرانسيانىڭ زۇڭتۇڭى ماكرونمەن بىرگە جۇڭگو - فرانسيا ەكونوميكا باسشىلار باس قوسۋىنىڭ جابىلۋ سالتىنا قاتىناستى ءارى ارناۋ ءسوز سويلەدى

  شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى (تىلشىلەر جىڭ ميڭدا، ۋاڭ جولۇن). مەملەكەت ءتوراعاسى شي جينپيڭ 11 - ايدىڭ 6 - كۇنى حالىق سارايىندا فرانسيانىڭ زۇڭتۇڭى ماكرونمەن بىرگە جۇڭگو - فرانسيا ەكونوميكا باسشىلار باس قوسۋىنىڭ جابىلۋ سالتىنا قاتىناستى.

  شي جينپيڭ ارناۋ سوزىندە بىلاي دەپ باسا دارىپتەدى: جۇڭگو سىرتقا ەسىك اشۋعا تاباندى بولىپ، ءوزارا پايدا جەتكىزىپ، تەڭ يگىلىككە كەنەلۋ سىندى ەسىك اشۋ ستراتەگياسىن بۇلجىتپاي اتقارىپ، دامۋدىڭ ءىش پەن سىرت بىرلەسىپ ارەكەتتەنۋ سيپاتىن ۇزدىكسىز جوعارىلاتىپ، وزىندىك دامۋدى جۇزەگە اسىرۋمەن قاتار، باسقا ەلدەر مەن حالىققا اناعۇرلىم كوپ تيىمدىلىك جەتكىزەدى. فرانسيانىڭ، ەۆروپانىڭ ونەركاسىپ - ساۋدا سالاسى جونىنەن ايتقاندا، جۇڭگونىڭ دامۋى تاماشا وراي. جۇڭگونىڭ قاقپاسى دۇنيە جۇزىنە باستان - اياق اشىق ۇستالادى، فرانسيانىڭ، ەۆروپانىڭ قاقپاسىنىڭ دا جۇڭگونىڭ قارجى قوسۋشىلارىنا ءادىل اشىلۋىن ءۇمىت ەتەمىن.

  شي جينپيڭ بىلاي دەپ اتاپ كورسەتتى: جۇڭگو جۇڭگو - ەۆروپا قارىم - قاتىناسىنا باستان - اياق ستراتەگيالىق دەڭگەيدەن قارايدى، فرانسيامەن جانە ەۆروپامەن بىرگە كوپ جاقتىلى ساۋدا ءتۇزىلىسىن تاباندىلىقپەن قولداپ، قورعامپازدىققا، سىڭار جاقتىلىققا قارسى تۇرىپ، ەركىن، اشىق ساۋدا جانە قارجى قوسۋ ساياسات ورتاسىن قۇرىپ، دۇنيە ءجۇزى ەكونوميكاسىنىڭ ارتۋىن جەبەۋگە قوزعاۋشى كۇش ۇستەۋدى ءۇمىت ەتەدى.

  ءبىز اشىق، سيىسىمدى پوزيتسيا ۇستانىپ، اشىق، كىرشىكسىز، جاسىل ۇستانىمى نەگىزىندە، جالپى بىردەي قابىلدايتىن حالىقارالىق ەرەجەمەن، ولشەممەن بەلسەنە ۇشتاسىپ، جوعارى ولشەمدى بولۋ، حالىق تۇرمىسىنا تيىمدىلىك جەتكىزۋ، باياندى بولۋ نىساناسىن قۇلشىنا ىسكە اسىرىپ، ”ءبىر بەلدەۋ، ءبىر جول“دى جوعارى ساپامەن بىرگە قۇرامىز. ءبىز ءورىس اشا جاڭالىق جاراتىپ، جۇڭگو مەن فرانسيانىڭ دامۋ جوباسىن ۇشتاستىرۋدى كۇشەيتىپ، قوس باعىتتا اشىق ۇستالعان، ءادىل باسەكەلەسەتىن قارجى قوسۋ ورتاسىن جاراتىپ، سەلبەستىكتىڭ كومەسكى كۇشىن ۇزدىكسىز اشىپ، سەلبەستىكتىڭ جارقىن تۇيىندەرىن جەتىلدىرەمىز. ءبىز ءىرى ەلدىك جاۋاپكەرشىلىكتى اتقارىپ، دۇنيە ءجۇزىن جونگە سالۋدىڭ قىزىل سيفرىن سەلبەسە وتىرىپ شەشىپ، كوپ جاقتىلىقتى قورعاپ، جەر شارىندىق سىن - سايىستارعا قول ۇستاسا توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز.

  ماكرون مىنالاردى ءبىلدىردى: فرانسيا جاق جۇڭگونىڭ سىرتقا ەسىك اشۋىن وسكەلەڭ قۇپتايدى، مۇنىڭ فرانسيانى قامتىعان ءارقايسى ەلدەردى ماڭىزدى ورايمەن قامدايتىندىعىنا سەنەمىن. فرانسيا كاسىپورىندارى ەرلىكپەن العا ۇمتىلاتىن رۋحپەن جۇڭگو بازارىن ۇزدىكسىز اشادى. فرانسيا مەن ەۆروپا دا جۇڭگوعا بازارىن اشىق ۇستايدى، جۇڭگو كاسىپورىندارىنىڭ قارجى قوسۋىن قارسى الادى، ولارعا ءادىل باسەكەلەسەتىن تيجارات ساۋدا ورتاسىن ازىرلەيدى. فرانسيا مەن جۇڭگو، ەۆروپا مەن جۇڭگو كليمات وزگەرىسىنە توتەپ بەرۋ، الەمدىك ساۋدا ۇيىمى رەفورماسى، كوپ جاقتىلى ساۋدا ءتۇزىلىسىن قورعاۋ سياقتى جاقتاردا سايكەسۋدى، سەلبەستىك جاساۋدى كۇشەيتۋى كەرەك.

  ياڭ جيەچى، حۋ چۇنحۋا، ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.


كەلۋ قاينارى: http://www.elarna.net/koru.php?tur=22&id=1069518

پىكىرلەر:

juz dep sifirmen jazingiz.