كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-1230264843 %57 %

الماتىدا «Egemen Qazaqstan» گازەتىنىڭ قۇرمەتىنە ەسكەرتكىش تاقتا ورناتىلدى


ءتۇرى: قازاقپارات جاڭالىقتارى

ۋاقىتى: 14:18 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.

الماتى. قازاقپارات - الماتىدا «Egemen Qazaqstan« گازەتىنىڭ 100 جىلدىعىنا وراي مەرەكەلىك شارالار تسيكلى باستالدى، دەپ حابارلايدى قازاقپارات ءتىلشىسى.

ۇقساس جاڭالىقتار
لاززات تانىسباي وتاندىق سەريال وندىرۋدەگى باستى پروبلەمالاردى اتادى

بۇگىن گوگول 39 مەكەنجايىنداعى عيماراتتا قازاق تاريحىنداعى ەڭ قابىرعالى گازەت - «Egemen Qazaqstan« باسىلىمىنىڭ قۇرمەتىنە ەسكەرتكىش تاقتا ورناتىلدى.

«ساناۋلى كۇندەردەن كەيىن ەلىمىزدىڭ باس گازەتى ءوزىنىڭ عاسىرلىق مەرەيتويىن وتكىزەدى. وسىعان وراي، ەلىمىزدىڭ ءار ايماعىندا مەرەكەلىك ءىس-شارالار ءوتىپ جاتىر. «Egemen Qazaqstan« گازەتىنىڭ عاسىرلىق تاريحىندا الماتى قالاسىنىڭ ورنى بولەك. باسىلىم ۇجىمى ءبىزدىڭ الماتىمىزعا 1929 جىلى قىزىلوردادان تولىق كوشىپ كەلدى. سودان باستاپ، 70 جىلداي باسىلىمنىڭ رەداكتسياسى ءبىزدىڭ الىپ شاھارىمىزدا ورنالاسىپ، جۇمىس ىستەگەن. سوندىقتان، الماتى تورىندە وسىناۋ ەسكەرتكىش-تاقتانىڭ اشىلۋى – تاريحي زاڭدىلىق قانا ەمەس، ازاماتتىق پارىزىمىزدىڭ دالەلى. بۇگىنگى ەسكەرتكىش-تاقتا ارقىلى الماتى شاھارىنىڭ كەلبەتىنە تاعى ءبىر كەلىستى بوياۋ قوسىلدى دەپ ەسەپتەيمىز. «Egemen Qazaqstan« گازەتىنىڭ عاسىرلىق تويى قۇتتى بولسىن، اعايىن! تاۋەلسىزدىگىمىز عاسىرلارعا ۇلاسسىن!»، - دەدى الماتى اكىمىنىڭ ورىنباسارى ەرجان باباقۇماروۆ.

ايتا كەتۋ كەرەك، ءدال وسى عيماراتتا گازەت رەداكتسياسى 1987 جىلدان باستاپ 12 جىل بويى شىعىپ تۇرعان.

«قۇرمەتتى حالايىق، تولقىعاننان كوزىمە جاس العىم كەپ تۇر. مەنىڭ مەكەنىم، تۋعان جەرىم دەسەم دە بولادى. كۇنى ءتۇنى وسى گازەتتە جۇمىس اتقارعانبىز. ءبىزدىڭ جۇمىس ينەمەن قۇدىق قازعانداي ەدى. قۇداي جارىلقاپ، ەڭبەگىمىزدى حالقىمىز باعالاپ جاتىر. بۇل بۇكىل قازاقتىڭ تويى دەپ بىلەمىن»، - دەدى باسىلىمنىڭ ارداگەرى تۇرىسگۇل دايراباەۆا.

ء

بىر عاسىرلىق تاريحى بار جىلنامانىڭ 100 جىلدىعىنا واري وتكىزىلەتىن شارالار مۇنىمەن اياقتالمايدى.

بۇگىن سونداي-اق، «جۇلدىز» مەيرامحاناسىندا باسىلىمنىڭ بۇرىن-سوڭدى باسشىلىعىندا بولعان، قىزمەت ىستەگەن، ومىردەن وتكەن جۋرناليستەرىنىڭ رۋحىنا باعىشتالىپ اس بەرىلدى.

سونىمەن قاتار، بۇگىن قالا اكىمىنىڭ قاتىسۋىمەن ۇلتتىق كىتاپحانادا باسىلىمنىڭ تاريحى مەن كەلەشەگى تۋرالى عىلىمي كونفەرەنتسيا وتەدى.

«Egemen Qazaqstan« رەسپۋبليكالىق گازەتى 1919 جىلى العاش رەت ورىنبور قالاسىندا «ۇشقىن» گازەتى بولىپ جارىق كورگەن. ودان كەيىنگى جىلدار دا اتى بىرنەشە رەت وزگەرگەن گازەتتىڭ اتى سوڭعى رەت 1937 جىلى «سوتسياليستىك قازاقستان» بولىپ وزگەرتىلدى دە، وسى اتپەن 54 جىل بويى جارىق كورىپ تۇردى. ال 1991 جىلى ەلىمىزدىڭ ەگەمەندىك الۋىنا بايلانىستى «ەگەمەندى قازاقستان» بولىپ وزگەرتىلدى.

كەلۋ قاينارى: http://www.elarna.net/koru.php?tur=3&id=1069513

پىكىرلەر:

juz dep sifirmen jazingiz.