كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-1230264843 %57 %

اقتوبەدە اپاتتى جاعدايداعى تۇرعىن ۇيلەردىڭ ماسەلەسى ءۇش جىلدا شەشىلەدى


ءتۇرى: قازاقپارات جاڭالىقتارى

ۋاقىتى: 13:51 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.

اقتوبە. قازاقپارات – اقتوبەدە 17 كوپقاباتتى ءۇي اپاتتىق جاعدايدا تۇر. قازىرگى ۋاقىتتا جاڭاقونىس اۋىلىندا 205 پاتەرگە ارنالعان 5 كوپقاباتتى ءۇيدىڭ قۇرىلىسىنا جەر بەرىلدى، دەپ حابارلايدى قازاقپارات ءتىلشىسى.

ۇقساس جاڭالىقتار
قولجەتىمدى باسپانانى قالاي الۋعا بولادى: «7-20-25»، «باقىتتى وتباسى» جانە «اسكەري باسپانا» «7-20-25»، «باقىتتى وتباسى»، «اسكەري باسپانا»: قازاقستاندا قولجەتىمدى باسپانانى قالاي الۋعا بولادى جۇمىس ىستەيتىن ءار قازاقستاندىقتىڭ باسپاناسى بولۋى كەرەك - مارحابات جايىمبەتوۆ

بۇگىن قالا اكىمى ماۆر ابدۋللين 10 ايدى قورىتىندىلاپ، كوشپەلى جيىن وتكىزدى. وندا قالا كوشەلەرىنە جول سالۋ، جارىقتاندىرۋ، الەۋمەتتىك نىساندار قۇرىلىسى مەن اپاتتى جاعدايدا تۇرعان ۇيلەردى جويۋ ماسەلەلەرى تۋرالى ايتىلدى. ماسەلەن، قالاداعى 17 كوپقاباتتى اپاتتى ءۇيدىڭ ماسەلەسىن شەشۋ ءۇشىن جاڭاقونىس اۋىلىنان جەر بەرىلگەن. بيىل قۇرىلىس باستالىپ، 2021 جىلعا دەيىن اپاتتى ءۇي ماسەلەسى تولىق شەشىمىن تابۋى ءتيىس.

«قالادا 497 توزىعى جەتىپ تۇرعان ءۇي بار. ال 17 ءۇي اپاتتى جاعدايدا تۇر. قازىرگى كەزدە مەردىگەرمەن كەلىسىپ، مارەسەۆ كوشەسىندە ءبىر ءۇيدىڭ قۇرىلىسى ءجۇرىپ جاتىر. جاڭاقونىس اۋىلىنداعى جاڭا قۇرىلىس تا بيىل باستالادى. جوبالىق-سمەتالىق قۇجات دايىن، قۇرىلىس جۇرەدى. ءبارى 205 وتباسىعا ءۇي بەرىلەدى. ءۇش جىلدىڭ جوسپارى وسى»، - دەدى قالا اكىمى ماۆر ابدۋللين.

2011-2019 جىلدار ارالىعىندا اقتوبە قالاسىندا 141 كوپقاباتتى ءۇي «تەرموجاڭعىرتۋ» باعدارلاماسىمەن جوندەلدى. ەندى رەسپۋبليكالىق بيۋدجەتتەن تاعى قوسىمشا قارجى بولىنەتىن بولدى. بارلىعى 92 ءۇي كەلىسىم بەرسە، ونىڭ 45-نە جوبالىق-سمەتالىق قۇجات دايىندالۋدا.

«وداق كەزىندە سالعانعا ۇيلەردى جوندەپ، قالىپتى ۇستاپ تۇرۋ كەرەك. ياعني، اپاتتى جاعدايعا جەتكىزبەي ءۇشىن جوندەيمىز. ال اپاتتى ءۇيدىڭ تۇرعىندارى كەلىسىم بويىنشا 1 بولمەگە 1 بولمە الادى. ەگەر پاتەر يەسى كەڭەيتىپ، 2 بولمە العىسى كەلسە، قوسىمشا اقشاسىن تولەيدى»، - دەدى م.ابدۋللين.

تۇرعىندار بۇل ۇسىنىسقا بىردەن كەلىسىم بەردى.

«مەن 8 جىلدان بەرى سول اپاتتى ۇيدە تۇرامىن. كۇندە قورقىپ، ۇرەيلەنىپ وتىرامىز. ماسەلەمىزدى ايتىپ 2005 جىلدان بەرى اكىمدىك جاعالاپ ءجۇرمىز. ەندى جاڭا ءۇي سالىپ بەرۋگە كەلىستى. ءبىز قۋانىشتىمىز»، - دەدى اپاتتى ءۇيدىڭ تۇرعىنى التىن اسقاروۆا.


كەلۋ قاينارى: http://www.elarna.net/koru.php?tur=3&id=1069500

پىكىرلەر:

juz dep sifirmen jazingiz.