كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-1834794855 %45 %

الماتىدا “قارا جۇلدىز” رومان-ەرتەگىسىنىڭ تۇساۋكەسەرى ءوتتى ءبىز ءسىزدى جارقىن الەمگە جەتەلەيمىز! بىزگە قوسىل!


ءتۇرى: ماسساگەت ماقالالارى

ۋاقىتى: 13:40 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version. الماتىدا “قارا جۇلدىز” رومان-ەرتەگىسىنىڭ تۇساۋكەسەرى ءوتتى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


الماتىدا “قارا جۇلدىز” رومان-ەرتەگىسىنىڭ تۇساۋكەسەرى ءوتتى

بەلگىلى جازۋشى، اۋدارماشى باقىتجان مومىشۇلىنىڭ بىتپەي قالعان “قارا جۇلدىز” رومان-ەرتەگىسىن قازاقستاندىق جازۋشى، اقىن ءارى اۋدارماشى يۋري سەرەبريانسكيدىڭ جالعاستىرىپ جازعانى تۋرالى حابارلاعان ەدىك.كەشە الماتىداعى مەلومان كىتاپ دۇكەنىندە “قارا جۇلدىز” شىعارماسىنىڭ قازاق جانە ورىس تىلىندەگى تۇساۋكەسەرى ءوتتى.

وعان بىرلەسكەن اۆتور يۋري سەرەبريانسكي، باسپا ديرەكتورىارزىگۇل مۇقانوۆا، باقىتجان مومىشۇلىنىڭ جارى، جازۋشى زەينەپ احمەتوۆا، ۇلى ەرجان مومىشۇلى، جۋرناليستەر جانە وقىرماندار قاتىستى.

العاش بولىپ ءسوز العان ەرجان مومىشۇلى كىتاپتىڭ جالعاسى قالاي جازىلعانى تۋرالى ايتىپ بەردى.

“قاتەلەسپەسەم 2002-2003 جىلدارى اكەم ەكەۋمىزدىڭ ارامىزدا قازىرگى بالالار ادەبيەتى السىرەپ تۇرعانىن، فەنتەزي جانرىنداعى بالالار شىعارماسى جوق ەكەنى، بالالارعا ارناپ وسىنداي شىعارمالار جازىلۋ كەرەكتىگى تۋرالى ءسوز بولدى. اكەم ءبىر شىعارمانىڭ كەيىپكەرىن ويلاپ جۇرگەنىن، جاقىندا جازاتىنىن ايتتى. ارادا 2 اپتا وتەر-وتپەس وسى “قارا جۇلدىز” رومان-ەرتەگىسىن باستاپ كەتتى. ءبىراق باسقا جۇمىستارىنا، جازبالارىنا كوڭىل ءبولىپ، بۇل شىعارما تولىق بىتپەي قالدى. اكەم 2012 جىلى قايتقاندا “قارا جۇلدىز” تەك جارتىلاي عانا جازىلعان ەدى.

ارادا بىرنەشە جىل ءوتىپ، 2016 جىلى مەن يۋري سەرەبريانسكيمەن تانىستىم. ونىڭ ەرتەگىلەرىن وقىدىم. يۋري شىعارمالارى مەن اكەمنىڭ “قارا جۇلدىز” ەرتەگىسىنىڭ اراسىندا بايلانىس بارىن سەزدىم دە، “قارا جۇلدىزدىڭ” جالعاسىن تەك يۋري عانا جازا الاتىنىن ويلادىم. بۇل يدەيانى انام دا بىردەن قولدادى. وسىلاي يۋري اكەمنىڭ شىعارمالارىمەن تانىسا باستادى. ارينە، شىعارمانى جالعاستىرىپ جازۋ وڭاي بولعان جوق. ءبىراق، ءسىز ەرتەگىنى وقي وتىرىپ اكەمنىڭ جازۋى قاي جەردەن ءبىتىپ، ءيۋريدىڭ جازۋى قاي جەردەن باستالاتىنىن بىلمەي قالاسىز. بۇل قوس اۆتوردىڭ شىعارماسى – ءبىرتۇتاس شىعارما. يۋريگە العىس ايتقىم كەلەدى”، - دەدى ەرجان مومىشۇلى.

وسىدان سوڭ ءسوز العان ادولف ارتسيشەۆسكي شىعارمانىڭ ءمىنسىز جازىلعانىن، يۋري ونى ءساتتى جالعاستىرا بىلگەنىن اتاپ ءوتتى.

“شىعارمانى وقي وتىرىپ، بۇل ەرتەگى قاي جانردا جازىلعانىن بىلە المايسىز. شىعارمادا فەنتەزي دە، فانتاستيكا دا، حالىق تاريحىمەن بايلانىسىپ جاتقان اڭىز دا بار. تالانتتى ادام بارلىق سالادا دا تالانتتى بولادى ەكەن. “قارا جۇلدىزدا” اۆتورلاردىڭ ءوزارا ۇندەستىگى، ايتقىسى كەلگەن ويدى "ايقايلاماي" ءۇنسىز عانا جەتكىزەتىن قاسيەتى بار. وسى شىعارماعا كىرىسپەس بۇرىن يۋري شامامەن ءبىر جىل بويى باقىتجان مومىشۇلىنىڭ جيىرمادان استام كىتابىن زەردەلەي وقىپ شىقتى. ول بارلىق ىستەرىن كەيىنگە قالدىرىپ، باقىتجاننىڭ كوركەمدىك الەمىن، ونىڭ ءستيلىن، قاجەت بولسا، فيلوسوفيالىق ىزدەنىستەرىن مۇقيات يگەردى. ءبىزدىڭ قاربالاسقا تولى كۇندەرىمىزدە بۇل وتە قىمبات تۇرادى. ءيۋريدىڭ ادەبيەتكە سىڭىرگەن ەڭبەگى يگى بولسىن”، - دەدى ارتسيشەۆسكي.

ال وسىدان سوڭ كىتاپتىڭ جارىققا شىعۋىنا مۇرىندىق بولعان “كنيجنىي كلۋب” باسپاسىنىڭ ديرەكتورى ارزىگۇل مۇقانوۆا شىعارمانىڭ قالاي باسىلىپ شىققانى، قانداي قيىندىقتارعا تاپ بولعانى تۋرالى ايتىپ ءوتتى.

“بىز بۇل شىعارمانى باسىپ شىعارۋ ءۇشىن 3 جىل ەڭبەك ەتتىك. الدىمەن اتادان اتتاماي، باۋىرجان مومىشۇلىنىڭ “ۆولوكولامسك تاس جولى” رومانىن باسپادان شىعاردىق. بۇل ءبىر وتە قىزىقتى جۇمىس بولدى. يۋريمەن 2016 جىلعى استاناداعى كىتاپ كورمەسىندە تانىستىق. كەيىن الماتىدا كەزدەسكەندە يۋري “قارا جۇلدىز” جايلى، بىتپەي قالعان شىعارمانى ارى قاراي جالعاستىرىپ جازۋعا نيەتتى ەكەنىن ايتتى. ءبىز قۋانا كەلىستىك”، - دەدى باسپا ديرەكتورى.

"يۋري ءسىزدىڭ وسى كىتاپتى جازۋ كەزىندەگى تالاي قيىندىقتارىڭىز بەن قىزىقتارىڭىزدى، اۆتورمەن تىلسىم بايلانىس ورناعانى تۋرالى سۇقباتىڭىزدان وقىپ بىلدىك. وسى تۋرالى تولىعىراق ايتىپ بەرسەڭىز" دەگەن وقىرمانداردىڭ سۇراعىنا يۋري سەرەبريانسكي جاۋاپ بەردى.

الدىمەن اۆتور شىعارمانى جارىققا شىعاتىنا سەنىمدى بولعانى ءۇشىن جازعانىن، وزىنە سەنگەن بارلىق ادامدارعا العىس بىلدىرەتىن ايتىپ ءوتتى.

“باسقا جازۋشىنىڭ ويىن، ونىڭ ءستيلىن، ءتىلى مەن ىرعاعىن ءتۇسىنۋ وتە كۇردەلى مىندەت. ماعان جازۋشىنىڭ مۇراگەرى، باسپا جانە قانداي دا ءبىر دەڭگەيدە اۆتوردىڭ ءوزى بەرگەن شىعارماشىلىق بوستاندىق، ماتىنمەن جۇمىس جاساعان ەكى جىل ىشىندە اۆتورمەن ءوزارا بايلانىس بارىن سەزىندىم ء(تىپتى سانامنىڭ ەكىگە ءبولىنۋ ساتتەرىنە دەيىن)، بۇل ءبىر جاعىنان شابىت، ەكىنشى جاعىنان قىسىم بولدى. ءماتىننىڭ ءبىر بەتىن جازعاننان قاتتى شارشاپ، بىرنەشە ساعاتقا ۇيىقتاپ كەتكەن كەزدەرىم دە بولدى، ءبىراق مەنىڭ كۇندىزگى ۋاقىتتا دەمالاتىن ادەتىم جوق ەدى. مەن ءبىرتۇرلى تۇستەر كورە باستادىم، ارينە، بۇل وسى كىتاپپەن جۇمىس ىستەۋ بارىسىندا وعان تولىق بويلاعانىمنىڭ ناتيجەسى، وزگە مادەنيەتتە تاربيەلەنىپ وسكەن تۇلعاعا ەتەنە جاقىنداۋ تالپىنىسى”، - دەيدى ادەبيەتشى يۋري سەرەبريانسكي.

بۇدان بولەك يۋري سەرەبريانسكي يلليۋستراتسيانىڭ دا ادەمى جاسالعانىن، شىعارما سونىسىمەن دە كوركەم ەكەنىن جانە ەرتەگى ەكى تىلدە جارىق كورگەندىگىنە قۋانىشتى ەكەندىگىن جەتكىزدى.

"قارا جۇلدىزدى" قازاق تىلىنە اۋدارعان زاريا جۇمانوۆاعا العىسىم شەكسىز. مەنىڭ باسقا دا شىعارمالارىم قازاق تىلىندە باسىلىپ جاتسا قۋانامىن. مەن ءوزىمدى قازاقستاندىق جازۋشى دەپ ەسەپتەيمىن. شىعارمالارىمنىڭ قازاق تىلىندە شىعۋى مەنىڭ وسى ەلدە جازۋشى رەتىندە بار ەكەنىمدى بىلدىرەتىن بىردەن ءبىر جول”، – دەدى جازۋشى سەرەبريانسكي.


تۇساۋكەسەر سوڭىندا وقىرماندار اۆتوردان قولتاڭبا الىپ، بىرگە سۋرەتكە ءتۇستى.

قوس اۆتور جايلى مالىمەت:

باقىتجان مومىشۇلى1941 جىلى الماتى قالاسىندا تۋعان. شەت تىلدەر پەداگوگيكالىق ينستيتۋتىن بىتىرگەن. جامبىل وبلىسىنىڭ جۋالى اۋداندىق گازەتىندە ءتىلشى، جامبىل وبلىستىق گازەتىندە اۋدارماشى، "لەنينسكايا سمەنا" گازەتىندە رەداكتور بولىپ ىستەگەن. "جانىمنىڭ جارىق جۇلدىزى"، "كوگدا تى ريادوم"، "ۆو يميا وتتسا" ت.ب. وتىزعا جۋىق كىتاپتاردىڭ اۆتورى. ش.مۇرتازاەۆتىڭ “تابىلعان تەڭىز”، “بۇلتسىز كۇنگى نايزاعاي” پوۆەستەرىن، جۇبان مولداعاليەۆتىڭ، دۇكەنباي دوسجانوۆتىڭ، ورالحان بوكەەيدىڭ، قالداربەك نايمانباەۆتىڭ، كەمەل توقاەۆتىڭ، ت.ب. جازۋشىلاردىڭ شىعارمالارىن اۋدارعان. قازاقستان جازۋشىلار وداعى سىيلىعىنىڭ لاۋرەاتى، قازاقستان جازۋشىلار وداعى باسقارماسىنىڭ مۇشەسى. بىرنەشە مەدالدارمەن، “قۇرمەت” وردەنىمەن ماراپاتتالعان.

يۋري سەرەبريانسكي – پولياك ۇلتىنان شىققان قازاقستاندىق جازۋشى، اقىن ءارى اۋدارماشى. قازاقستانداعى پولياك دياسپوراسى جۋرنالىنىڭ رەداكتورى. التى كىتاپتىڭ، اتاپ ايتساق، “Destination”، "دوروجنايا پاستورال”، “لومانىي رۋسسكي”، “كازاحستانسكيە سكازكي” كىتاپتارىنىڭ اۆتورى. رەسەيدىڭ “رۋسسكيە پرەمي” جۇلدەسىنىڭ ەكى مارتە لاۋرەاتى. قازاقستاندىق پەن-كلۋب مۇشەسى. الماتىداعى اشىق ادەبي مەكتەپتە جانە ايوۆا ۋنيۆەرسيتەتىندە شىعارماشىلىق سەمينارلار جۇرگىزەدى. شىعارمالارى اعىلشىن، پولياك، قىتاي، اراب، نەمىس تىلدەرىنە اۋدارىلعان.



كەلۋ قاينارى: http://www.elarna.net/koru.php?tur=41&id=1069498

پىكىرلەر:

juz dep sifirmen jazingiz.