كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-1834794855 %45 %

بولات باقاۋوۆ توقاەۆ پەن پۋتينگە قازاقستان-رەسەي شەكاراسىنداعى جۇك وتكىزۋ ماسەلەسى تۋرالى ايتىپ بەردى


ءتۇرى: Abai.kz ماقالالارى

ۋاقىتى: 13:20 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.

ومبىدا وتكەن XVI ءوڭىرارالىق ىنتىماقتاستىق فورۋمىنا قاتىسقان پاۆلودار وبلىسىنىڭ اكىمى شەكاراداعى ۇزىن-سونار كەزەكتىڭ سالدارىنان كاسىپكەرلەر شىعىنعا ۇشىراپ وتىرعانىن جەتكىزدى.

بولات باقاۋوۆ فورۋمنىڭ پلەنارلىق وتىرىسىندا ەكى پرەزيدەنت الدىندا ءوڭىرارالىق ىنتىماقتاستىق باعىتىنداعى ماسەلەلەر تۋرالى بايانداما جاسادى. پاۆلودار وبلىسىنىڭ اكىمى رەسەي فەدەراتسياسىنىڭ شەكاراداعى وتكىزۋ پۋنكتتەرىنىڭ وتكىزۋ قابىلەتىنىڭ تومەندىگىن اتاپ ءوتتى.

– تەز بۇزىلاتىن تاۋارلاردى وتكىزەتىن كاسىپكەرلەر شەكاراداعى ينسپەكتسيالىق قىزمەتتەردىڭ – ۆەتەرينارلىق، فيتوسانيتارلىق جانە كولىكتىك ينسپەكتسيالاردىڭ، سالىق ورگاندارىنىڭ اراسىندا وڭتايلى ءتارتىپتىڭ جوقتىعىنان ايتارلىقتاي شىعىنعا ۇشىرايدى. ءاربىر ماشيناعا تەرەڭ تەكسەرۋ جۇرگىزىلەدى، قۇجاتتار ۇزاق ۋاقىت سكانەرلەنەدى. كەيبىر اۋىر جۇك كولىكتەرى تالاپتاردىڭ ساقتالماۋىنا بايلانىستى كەرى قايتارىلادى. بۇل ماسەلەنى شەشۋ ءۇشىن جەدەل تۇردە شارالار قابىلداۋ قاجەت، – دەدى بولات باقاۋوۆ. 

بولات باقاۋوۆ سونىمەن بىرگە رەسەيلىك ارىپتەستەرىن ەنەرگەتيكا جانە كومىر سالاسىندا ىنتىماقتاستىق ورناتۋعا شاقىردى. ول پاۆلودار وبلىسىندا ەنەرگيا رەسۋرستارىندا ايتارلىقتاي ارتىقشىلىقتار بارىن اتاپ ءوتتى. بۇل ايماقتان كۆت ءۇشىن 2 رۋبلگە دەيىن ارزان ەلەكتر ەنەرگياسىن جەتكىزۋگە مۇمكىندىك بەرەدى.

ەكى مەملەكەت باسشىلارىنىڭ قاتىسۋىمەن وتەتىن ءداستۇرلى ءوڭىرارالىق ىنتىماقتاستىق فورۋمى وسىمەن16-شى رەت ۇيىمداستىرىلىپ وتىر. بيىل فورۋم ومبى قالاسىندا ءوتتى.

پاۆلودار وبلىسى اكىمىنىڭ ءباسپاسوز قىزمەتى

Abai.kz


كەلۋ قاينارى: http://www.elarna.net/koru.php?tur=51&id=1069489

پىكىرلەر:

juz dep sifirmen jazingiz.