كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-211599541851 %49 %

اعاجاي التاي تورى


ءتۇرى: التاي ايماعى اقپاراتتارى

ۋاقىتى: 13:00 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
التاي قالاسىنداعى 3 ـ شاڭعى الاڭى وسى ايدا اشىلادى

  التاي قالاسىنداعى 3 ـ شاڭعى الاڭى وسى ايدا اشىلادى

  وسى قىستا ”جۇڭگوداعى قارلى مەكەن“ التاي شينجياڭنىڭ ٴىشى ـ سىرتىنان كەلەتىن ساياحاتشىلارعا ”ۇلكەن سي“ ازىرلەدى

  التاي تاۋى ەكاشا حالىقارالىق شاڭعى الاڭى اشىلۋ الدىندا تۇرشاڭعى اۋەسكەرلەرىنە جاڭا ٴبىر كولەمدى شاڭعى تەبۋ ورتاسى ازىرلەندى

  بىرنەشە كۇننىڭ الدىندا ٴتىلشىمىزدىڭ التاي قالالىق پارتكومنىڭ ۇگىت بولىمىنەن ۇعىسۋىنشا، التاي قالالىق پارتكوم مەن حالىق ۇكىمەتىنىڭ قىسقى ساياحاتتى دامىتۋ جوسپارىنا ساي، اۋا رايى جاعدايىن ەسكەرە وتىرىپ، التاي تاۋى ەكاشا حالىقارالىق شاڭعى الاڭى التاي قالاسىنىڭ 3 ـ ٴىرى شاڭعى الاڭى رەتىندە وسى ايدا شار تاراپتان كەلگەن ساياحاتشىلاردى رەسمي قارسى الادى ەكەن. وسىدان بۇرىن التاي قالاسىندا التاي تاۋى دالالىق شاڭعى باقشاسى جانە التاي قالاسىنداعى گەنارال تاۋ شاڭعى الاڭى سىندى ەكى كولەمدى شاڭعى الاڭى بار بولاتىن.

  بيىكتىك پارقى (°15 تان جوعارى) 1200 مەترلىك قارلى تاۋدا شاڭعى تەبۋ قانداي سەزىم باعشتاماقءسىز ادەتتەگى ساياحاتشى بولساڭىزدا، بيىك تاۋدا شاڭعى تەۋىپ، وسى ارانىڭ كوركەم كورىنىسىنە كوز مەيىرىڭىزدى قاندىرا الاسىز

  التاي تاۋى ەكاشا حالىقارالىق شاڭعى الاڭى التاي قالاسى- قوم تاسجولىنىڭ 50 كيلومەتر جەرىنە ورنالاسقان، قوم، قاناس كورىنىس رايوندارىنان 140 كيلومەتر قاشىقتىقتا، التاي اۋەجايىنان 62 كيلومەتر قاشىقتىقتا. ماڭايىندا ەكى اڭعار مەن ٴتورت بيىك تاۋ بار، شاتقال مەن تاۋ بەتكەيلەرى جالعاسقان، ماڭايداعى تاۋ بەتكەيلەرىندە اعاش جوق. التاي تاۋى ەكاشا حالىقارالىق شاڭعى الاڭىندا شاڭعى تەبۋ كەڭىستىگى كەڭ، اناعۇرلىم كوپ شاڭعى اۋەسكەرلەرى مەن ساياحاتشىلاردى قابىلداي الادى. العاشقى ەسەپتەۋگە نەگىزدەلگەندە شاڭعى الاڭى قۇرىلىسى اياقتالعاننان كەيىن 100 دەن استام شاڭعى جولى جاسالىپ، شاڭعى جولىنىڭ جالپى ۇزىندىعى 70 كيلومەتردەن اسادى ەكەن.

  ”جۇڭگوداعى قار مەكەن“ التاي سولتۇستىك ەندىك 45 گرادۋستىق ”التىن قار الابىنا“ ورنالاسقان. تەمپەراتۋرا، جەل جىلدامدىعى، ىلعالدىق قاتارلى شاڭعى تەبۋ شارت - جاعدايى دۇنيە ٴجۇزى بويىنشا ماڭداي الدى ورىندا تۇرادى. بۇل جەردىڭ قىسى ۇزاق، قارى قالىڭ كەلەدى. قار ٴۇستى سپورتىن ورىستەتۋگە ۇيلەسەتىن ءتيىمدى شارت- جاعدايى بار، قىستا قاردىڭ ورتاشا قالىڭدىعى ٴبىر مەتردەن اسادى. جىلدىق قار جاۋاتىن مەزگىلى 179 كۇن، قاسات قارلى مەزگىلى 134 كۇن. التاي تاۋى ەكاشا حالىقارالىق شاڭعى الاڭىندا قار قالىڭ جاۋادى قاردىڭ قالىڭدىعى 2 - 3 مەترگە دەيىن جەتەدى، ءبىر جىلداعى قارلى مەزگىل 200 كۇننەن اسادى. قازىر بۇل شاڭعى الاڭى اشىلا قويماعانىمەن كوپتەگەن شاڭعى اۋەسكەرلەرىن قىزىقتىرۋدا.

  ۇعىسۋعا قاراعاندا، 11-ايدىڭ 27-كۇنى 14-كەزەكتى شينجياڭ قىسقى ساياحات كاسىبى ساۋدا كورمەسى التاي قالاسىندا وتكىزىلەدى ەكەن. سول كەزدە التاي قالاسىنا كەلىپ 14 ـ كەزەكتى شينجياڭنىڭ قىسقى ساياحات كاسىبى ساۋدا كورمەسىنە قاتىناساتىن ساۋداگەرلەر مەن ساياحاتشىلار وسى شاڭعى الاڭىنا كەلگەن العاش توپتاعى ساياحاتشى رەتىندە شاڭعى الاڭىندا شاڭعى تەبەدى.قازىر التاي تاۋى ەكاشا حالىقارالىق شاڭعى الاڭىن اشۋدىڭ دايىندىق قىزمەتتەرى ىستەلىپ بولايىن دەدى، قارلى القاپ موتوتسيكىلى سياقتى شاڭعى الاڭىنداعى تاسىمال قۇرالدارى ىركەس-تىركەس اكەلىندى، تىك ۇشار ارقىلى شاڭعى تەبۋدىڭ دايىندىق جۇمىستارى دا ىستەلۋدە، جاتاق، اس - سۋ جانە w i f i قۇرىلعىلارىن تەڭگەرۋ جۇمىسى نەگىزىنەن اياقتادى.

  10-ايدىڭ 26-كۇنى التاي قالاسىنىڭ 2019 - جانە 2020 - جىلعى قىسقى ساياحاتتى ىلگەرىلەتۋ ماجىلىسىندە التاي قالالىق پارتكومنىڭ ورىنباسار شۋجيى، قالا باستىعى جاڭ جىجۇن بىلاي دەدى: التاي تاۋى ەكاشا حالىقارالىق شاڭعى الاڭى التاي ايماعىمەن التاي قالاسىنىڭ ٴتۇيىندى تۇردە قۇرعان شاڭعى جارىستارى وتكىزىلەتىن شاڭعى تەبەتىن رايون، ول التاي قالاسىنىڭ ساياحات كاسىبىن دامىتۋ جاعىندا ماڭىزدى رول اتقارادى. قالا باستىعى جاڭ جىجۇن ايتىپ وتىرعان ماڭىزدى رول ٴبىر جاعىنان التاي تاۋى ەكاشا حالىقارالىق شاڭعى الاڭىمەن التاي قالاسىنداعى قازىرگى ەكى شاڭعى الاڭى اراسىندا ٴبىرىن - ٴبىرى تولىقتاۋ، ساياحاتشى قاينارىنان ورتاق يگىلىكتەنۋ، بايلىقتى بىرگە دامىتۋ جاعىن كورسەتسە، ەندى ٴبىر جاعىنان التاي قالاسى وسى تۇردەگى شاڭعى جارىستارىن وتكىزەتىن شاڭعى الاڭىن اشۋ ارقىلى 2022 - جىلعى بەيجيڭ قىسقى وليمپيادا سپورت جارىسىنا دەم بەرىپ، ” 300 ميلليون ادامدى قار - مۇز سپورتىنا اتسالىستىرۋ“ ۇندەۋىنە بەلسەنە ٴۇن قوسۋدى كورسەتەدى.

  جۋىرداعى جىلداردان بەرى التاي قالاسى” ءمولدىر سۋ ، جاسىل تاۋ – باعالى بايلىق، اق قار، كوك مۇزدا اسىل قازىنا“ دەگەن ۇستانىمدى بەرىك ورناتتى. قار - مۇز ساياحاتىن تىرەكتى كاسىپ رەتىندە مىقتى يگەردى. قازىر التاي قالاسىنان ٴۇرىمجى، كورلا، قارامايلى، قۇلجا، حوتان، اقسۋ، قاشقار، تارباعاتاي سياقتى شينجياڭداعى 9 قالا مەن گۋاڭجوۋ، جىڭجوۋ، چۇڭچيڭ، شي ـ ان سياقتى ەلىمىزدەگى 4 قالاعا تىكە ۇشاق ۇشۋ نەمەسە ايالداۋ جۇزەگە اسىرىلدى.

  وسى قىستا ”جۇڭگوداعى قارلى مەكەن“ التايدا جۇزدەسەتىن بولايىق

اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى

كەلۋ قاينارى: http://www.elarna.net/koru.php?tur=64&id=1069479

پىكىرلەر:

juz dep sifirmen jazingiz.