كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-222166564148 %52 %

20 مىڭ قازاقستاندىق جات اعىمنىڭ جەتەگىندە


ءتۇرى: تۇركىستان گازەتى

ۋاقىتى: 11:50 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
20 مىڭ قازاقستاندىق جات اعىمنىڭ جەتەگىندە

ۇقك تەرروريزمگە قارسى ورتالىق باستىعىنىڭ ورىنباسارى سەرگەي شۆەيكين قازاقستاندا دەسترۋكتيۆتى اعىمدى ۇستاناتىنداردىڭ سانى 20 مىڭنان اساتىنىن حابارلادى.

«مالىمەتتەرگە سۇيەنسەك، ءححى عاسىردىڭ باسىنان بەرى الەمدە 72 مىڭنان استام تەراكت بولىپ، ودان 170 مىڭداي ادام كوز جۇمعان. كوپ جاعدايدا ولار راديكالدى، ءدىني يدەولوگيانىڭ ىقپالىمەن جاسالادى. ينتەرنەتتەگى ۇلكەن ناسيحاتتىڭ سالدارىنان ءبىزدىڭ جەكە ازاماتتار شەتەلدەگى ءارتۇرلى تەرروريستىك ۇيىمدارعا قوسىلىپ كەتەدى. راديكالدى ناسيحاتتىڭ قاقپانىنا كوزقاراسى قالىپتاسپاعان، ءدىني ءبىلىمى جوق، جاستىق ماكسيماليزمى باسىم جاستار ءتۇسىپ قالادى. ءبىزدىڭ ازاماتتاردىڭ «ال-كايدا» قۇرامىنا كىرۋ ءۇشىن اۋعانستانعا ءبىرىنشى رەت شىعىپ كەتۋ جاعدايى 2008 جىلى تىركەلگەن ەدى. 2013 جىلى قازاقستاننان شىققانداردىڭ كوبى سيريا مەن يراكقا اتتاندى. وسى كەزەڭگە دەيىن شەتەلگە 800-گە تارتا قازاقستان ازاماتى ءوتىپ كەتكەن»، – دەدى سەرگەي شۆەيكين.

سەرگەي شۆەيكيننىڭ ايتۋىنشا، شەتەلگە شىعىپ كەتكەن قازاقستاندىقتاردىڭ كوبى كوز جۇمعان، قالعانى ۇستالىپ، ەلگە جەتكىزىلگەن. قازىرگى تاڭدا ۇقك ەسەبى بويىنشا، قازاقستاندا دەسترۋكتيۆتى يدەولوگيانى ۇستاناتىنداردىڭ سانى 20 مىڭنان اسادى. تەرروريستەر مەن ەكسترەميستەردىڭ ءدال وسى دەسترۋكتيۆتى اعىمدى ۇستاناتىنداردىڭ قاتارىنان شىعاتىنىن تاجىريبە كورسەتىپ وتىر. ولاردىڭ باسىم كوپشىلىگى اتىراۋ، تۇركىستان، قاراعاندى، اقتوبە وبلىستارىندا، نۇر-سۇلتان مەن الماتى قالالارىندا تۇرادى ەكەن.

ارايلىم جولداسبەكقىزى


كەلۋ قاينارى: http://www.elarna.net/koru.php?tur=14&id=1069443

پىكىرلەر:

juz dep sifirmen jazingiz.