كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-1834794855 %45 %

بالالارعا ءومىر سىيلاعان ورتالىق | DalaNews


ءتۇرى: قالا مەن دالا گازەتى جانە استانا اقشامى گازەتى

ۋاقىتى: 11:45 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.بالالارعا ءومىر سىيلاعان ورتالىق | DalaNews

بالالارعا ءومىر سىيلاعان ورتالىق

نۇر-سۇلتان قالاسىنىڭ اكىمدىگىنە قاراستى 2016 جىلدان باستاپ جۇمىس ىستەپ كەلە جاتقان “الەۋمەتتىك قىزمەت كورسەتۋ ورتالىعى” مەملەكەتتىك كوممۋنالدىق قازىنالىق كاسىپورىنى پسيحونەۆرولوگيالىق پاتولوگياسى بار، تىرەك-قيمىل اپپاراتى بۇزىلعان بالالارعا جانە جالعىز باستى قارت ادامدارعا ارناۋلى الەۋمەتتىك قىزمەت كورسەتۋدە.

ارنايى الەۋمەتتىك قىزمەتتى ۇيدە دە، جارتىلاي ستاتسيونار جاعدايىندا دا الۋعا بولادى. قازىرگى تاڭدا ورتالىقتا 3 بولىمشە بار. ولار تسەرەبرالدى سال اۋرۋى دياگنوزى بار بالالار بولىمشەسى، داۋن دياگنوزى مەن اۋتيزم دياگنوزى بولىمشەلەرى. ورتالىق ءۇشبۇرىش-پيراميدا جۇيەسى بويىنشا جۇمىس ىستەيدى. مۇندا مامان – الەۋمەتتىك قىزمەتكەر-انا.

بالا وڭالتۋعا كەلگەندە، ورتالىقتىڭ ماماندارى بالاعا جەكە دياگنوستيكا جۇرگىزىپ، مەديتسينالىق مۋلتيكوماندالىق باعا بەرەدى. سونان سوڭ بالانى ەمدەۋدىڭ جەكە جوسپارىن جاسايدى.

ورتالىقتا پسيحولوگتار، دەفەكتولوگتار، لوگوپەدتەر، رەابيليتولوگتار، ورتوپەدتار، نەۆروپاتولوگتار، سونداي-اق ەڭبەك تەراپياسى مەن مۋزىكوتەراپيا ماماندارى جۇمىس ىستەيدى.

– بۇگىنگى تاڭدا بىزدە 1040 قىزمەت الۋشى بار. ولاردىڭ 560-ى مۇمكىندىگى شەكتەۋلى بالالار، 480-ى جالعىز باستى قارت ادامدار. وڭالتۋ ۇزاقتىعى 3 ايدى قۇرايدى جانە جىلىنا 4 رەت وتەدى. ءبىزدىڭ نەگىزگى قىزمەتىمىز ارنايى الەۋمەتتىك كومەكتى ۇيدە كورسەتۋ. ءبىزدىڭ الەۋمەتتىك قىزمەتكەر قىزمەت الۋشىعا اپتاسىنا 2 رەت بارادى. ورتالىقتىڭ بالالارمەن بەلسەندى جۇمىستانۋى ناتيجەسىندە 30 – عا جۋىق بالا العاشقى قادامدارىن جاساپ، العاشقى سوزدەرىن ايتتى، – دەدى ديرەكتوردىڭ مىندەتىن اتقارۋشى امانباي ەرداۋلەت.

ورتالىق كۇن سايىن بالالاردى وڭالتۋ بويىنشا ءىس-شارالار وتكىزەدى. “بۇل ورتالىققا 4 جىل بويى كەلۋدەمىز. مەنىڭ نەمەرەم بۇل جەردە باسقا بالالارمەن ارالاسادى، وينايدى. وسى 4 جىل ىشىندە كوپ نارسەنى ۇيرەنىپ ۇلگەردى. ورتالىققا كەلۋگە ءاردايىم اسىق، ۇلكەن قۋانىشپەن كەلەدى. ورتالىق قىزمەتكەرلەرىنە ۇلكەن العىسىمدى بىلدىرەمىن” دەپ ميحايل ەسىمدى بالانىڭ اجەسى سۆەتلانا رومانەنكو ءوز ويىمەن ءبولىستى.

ورتالىق ماماندارى 8 ارنايى الەۋمەتتىك قىزمەت كورسەتەدى. ولار – الەۋمەتتىك-تۇرمىستىق، الەۋمەتتىك-مەديتسينالىق، الەۋمەتتىك-پەداگوگيكالىق، الەۋمەتتىك-پسيحولوگيالىق، الەۋمەتتىك-ەڭبەك، الەۋمەتتىك-مادەني، الەۋمەتتىك-قۇقىقتىق، الەۋمەتتىك-ەكونوميكالىق قىزمەتتەر بولىپ جىكتەلەدى.


كەلۋ قاينارى: http://www.elarna.net/koru.php?tur=25&id=1069439

پىكىرلەر:

juz dep sifirmen jazingiz.