كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-212416771848 %52 %
2019-11-222306629247 %53 %
2019-11-2317053439 %61 %

بۇل نە دەگەن باتپان قۇيرىق؟!  جەلىدەگى لوتەرەيا زاڭدى ما؟


ءتۇرى: تۇركىستان گازەتى

ۋاقىتى: 11:30 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
بۇل نە دەگەن باتپان قۇيرىق؟!  جەلىدەگى لوتەرەيا زاڭدى ما؟

الەۋمەتتىك جەلىنىڭ «اۋەنى» ءالى دە تاۋسىلار ەمەس. سوڭعى ۋاقىتتا جەلىدەگىلەردىڭ «جەلىگى» ۇتىس ويىندارىنا اۋدى. بارلىعى بىردەي جارىسىپ لوتەرەيا ويناتىپ، بيلەت ساتۋعا كوشتى. ال از اقشاعا قوماقتى جۇلدە الۋدان ءۇمىتتى قاراپايىم حالىق ۇتىس ۇيىمداستىرۋشىلارىنىڭ بار تالابىن ورىنداۋعا ءازىر. الايدا الەۋمەتتىك جەلى ارقىلى ۇتىس ويىنىن ۇيىمداستىرۋ، لوتەرەيا ويناتۋ قانشالىقتى زاڭدى؟ بۇل ساۋال بۇگىنگى كۇنى بۇكىل قوعامدى الاڭداتىپ وتىرعانى حاق.

الەۋمەتتىك جەلىلەردىڭ اراسىنداعى ەڭ تانىمالى – Instagram. بۇل جەلىنىڭ قولدانۋشىلارى قازىرگى ۋاقىتتا ۇتىس ويىندارىن اڭدۋمەن الەك. ال جازىلۋشىسى كوپ، جەلىدە ءبىراز تانىلىپ ۇلگەرگەندەر ۇتىس ويىنىن وڭدى-سولدى ۇيىمداستىرۋدى ادەتكە اينالدىرعان. ءبىر ميلليون تەڭگەنىڭ كولىگىن لوتەرەيا ويناتۋ ارقىلى ەكى-ۇش ەسە ارتىق ساۋدالاپ جۇرگەن «جۇلدىزدار» تاپقان تابىسىنان مەملەكەتكە سالىق تولەمەيتىنى ايدان انىق.

جۋىق ارادا تابىسىن ەسەلەپ ارتتىرىپ، تايراڭداپ جۇرگەندەردىڭ باسىنا قارا بۇلت ۇيىرىلەر ءتۇرى بار. ويتكەنى ەلىمىزدە «لوتەرەيالار جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قايتا قارالۋدا. ال زاڭ جوباسىنا وزگەرىستەر ەنگىزىلسە، زاڭسىز لوتەرەيا ويناتقان جەكە تۇلعالار ۇتىستان تۇسكەن قارجىسىنان تولىقتاي قاعىلىپ قانا قويماي، بەلگىلەنگەن مولشەردە ايىپپۇل تولەۋگە مىندەتتەلەدى.

ەلىمىزدە بەكىتىلگەن زاڭ بويىنشا كىم كورىنگەن ءوز بەتىنشە لوتەرەيا ويناتا المايدى. ول ءۇشىن ارنايى ۇيىمنان رۇقسات الۋى ءتيىس. رۇقسات بەرەتىن ۇيىم – ء«ساتتى جۇلدىز». بۇل – قازاقستانداعى لوتەرەيا وتكىزۋگە قۇقىلى جالعىز وپەراتور. ء«ساتتى جۇلدىز» اكتسيونەرلىك قوعامى 2017 جىلعى 10 اقپانداعى قازاقستان ۇكىمەتىنىڭ №48 قاۋلىسىنا سايكەس لوتەرەيا وپەراتورى رەتىندە 15 جىلعا بەكىتىلگەن بولاتىن.

ەرەجە بويىنشا، لوتەرەيا ويناتۋعا بەل بۋعان ادام ء«ساتتى جۇلدىزبەن» ەكىجاقتى كەلىسىمشارت جاساۋى قاجەت. الاي­دا ۇتىس ويناتىپ، قالتاسىن قالىڭداتىپ جۇرگەن جەلى «جۇلدىزدارى» بۇل ۇيىمنىڭ بارىن دا بىلمەيتىن ءتارىزدى. ويتكەنى الەۋمەتتىك جەلىدەگى ۇتىس ۇيىمداستىرۋشىلار وسى ۋاقىتقا دەيىن ۇيىمنىڭ ەسىگىن قاعىپ كورمەگەن. ء«ساتتى جۇلدىز» اق PR-مەنەدجەرى اسەمگۇل سىزدىقوۆا دا وسىنى راستايدى.

– قازىرگى تاڭدا الەۋمەتتىك جەلىلەردە ۇتىس ويىندارىن ۇيىمداستىرۋشىلاردىڭ ەشقايسىسى بىزبەن كەلىسىمشارتقا وتىرماعان. حابارلاسىپ، ماسەلەنىڭ ءمانىسىن سۇراعاندار بار، ءبىراق ساۋساقپەن سانارلىق. كەلىسىمشارت جاسالعاننان كەيىن قۇجاتتار بويىنشا بارلىعى ء«ساتتى جۇلدىز» اق اتىنان جۇرەدى، جۇلدە قورى 50 پايىزدان كەم ەمەس، سپورت دامۋىنا تابىستىڭ 15 پايىزى جانە 12 پايىز قوسىمشا قۇن سالىعى تولەنەدى. لوتەرەيا نە تيراجدىق، نە لەزدىك بولۋى ءتيىس، ال تابىسى بولەك تالقىلانادى، – دەيدى اسەمگۇل سىزدىقوۆا.

ۇتىس پا، الدە لوتەرەيا ما؟

الەۋمەتتىك جەلىدەگى ۇتىستىڭ زاڭدى نە­مەسە زاڭسىز ەكەنىن انىقتاۋ ءۇشىن ۇيىمداستىرۋشىنىڭ ءوز سايىسىنا قانداي انىقتاما بەرگەنىنە ءمان بەرسەڭىز بولعانى. ەگەر ۇيىمداستىرۋشى «لوتەرەيا» دەگەن ءسوزدى قولدانىپ، ۇتىس ويىنى بارىسىندا لوتەرەيا بيلەتى مەن لوتوتروندى قولدانسا جانە ونى وتكىزۋ ءۇشىن لوتەرەيا وپەراتورىمەن كەلىسىمشارت جاساماسا، بۇل ۇتىس زاڭسىز بولىپ ەسەپتەلەدى. ال «ۇتىس ويىنى»، «كونكۋرس»، «بايقاۋ» دەپ اتاعان ۇيىمداستىرۋشىلاردى زاڭ جۇزىندە جاۋاپقا تارتۋ مۇمكىن ەمەس. سەبەبى ولار لوتەرەيا بولىپ ەسەپتەلمەيدى. الايدا بۇگىنگى كۇنى الەۋمەتتىك جەلىدە ۇيىمداستىرىلىپ جاتقان «ۇتىس ويىندارى» مەن لوتەرەيانىڭ ەش ايىرماشىلىعى جوق. بارلىعى دا ەڭ الدىمەن قاتىسۋشىلارعا ارنايى بيلەت ازىرلەپ ساتادى. لوتەرەيا ويىنىنداعىداي باعى جانعان بيلەت يەسى جەڭىمپاز اتانىپ، ۇيىمداستىرۋشىنىڭ باستى جۇلدەسىن قانجىعاسىنا بايلايدى. سوندا مۇنىڭ لوتەرەيا ويىنىنان قانداي ەرەكشەلىگى بار؟ «ۇتىس» نەمەسە «بايقاۋ» دەپ وتكىزىلگەن ويىننىڭ زاڭدى نەمەسە زاڭسىز ەكەنىن دالەلدەۋ قيىن. سەبەبى «لوتەرەيا تۋرالى» زاڭدا «ەگەر دە باسقا كومپانيالار ءوز ءونىمىن دامىتۋ ماقساتىندا تۇتىنۋشىلارى اراسىندا ۇتىس ويىن وتكىزەتىن بولسا، ونى «لوتەرەيا» دەپ ەمەس، «ۇتىس ويىنى»، «ويناتىلىم» دەپ اتاۋى كەرەك» دەپ كورسەتىلگەن»، – دەيدى اسەمگۇل سىزدىقوۆا.

ال بايقاۋدى وتكىزگەن ادام ساتىلىمعا تۇسكەن بيلەتتىڭ قارجىسىمەن وپ-وڭاي قالتاسىن قامپايتىپ الادى دا، تاپقان تابىسىنان مەملەكەتكە سالىق تولەۋ تۋرالى ويىنا دا المايدى. ەندەشە، مۇنى «زاڭعا تومپاق كەلمەيدى» دەپ باعالاۋ ابەستىك ەمەس پە؟ بۇل تابىسىن جاسىرۋمەن بىردەي ەمەس پە؟ ونىڭ ۇستىنە، ولاردىڭ ويىندارىن قاداعالاپ وتىرعان جان جوق. سونىڭ سالدارىنان بولار، «قازانشىنىڭ ءوز ەركى، قايدان قۇلاق شىعارسا» دەگەنگە يەك ارتىپ جۇرگەن ۇتىس ۇيىمداستىرۋشىلار قاتارى كۇن ساناپ ارتىپ بارادى.

توقتاۋ بولار كۇن تاياۋ ما؟

ء

دال قازىرگى ساتتە ۇيىمداستىرىلىپ جاتقان قوماقتى ۇتىس ويىنىنىڭ ءبىرى – ءانشى نۇرلان ەسپانوۆتان 20 اۆتوكولىك بايقاۋى. بايقاۋدىڭ Instagram جەلىسىندە ارنايى پاراقشاسى بار. ۇتىس ويىنىنىڭ جۇلدە قورى دا قوماقتى. 20 اۆتوكولىك، 180 قۇندى باعالى سىيلىقتار. جارناماسى دا جەر جارادى. تەك بۇل بايقاۋدىڭ ەرەكشەلىگى – تۇسكەن تابىستان 20-دان اسا مۇمكىندىگى شەكتەۋلى جانعا قول ۇشىن بەرەتىنى. الايدا كومەكتىڭ قانداي مولشەردە كورسەتىلەتىنى بىزگە دە، وزگەگە دە بەيمالىم. بايقاۋعا قاتىسۋ ءۇشىن 10 مىڭ تەڭگەگە بيلەت ساتىپ الۋىڭىز كەرەك.

ء

بىز دە بايقاۋ پاراقشاسىندا كورسەتىلگەن نومىرگە حابارلاسىپ، قاراپايىم جەلى قولدانۋشىسى رەتىندە ويىنعا قالاي قاتىسۋعا بولاتىنىن سۇراعان ەدىك. «ويىنعا قاتىسۋ ءۇشىن 10 مىڭ تەڭگەگە بيلەت الاسىز. بىزدە بيلەت تەز ءوتىپ جاتىر. سول سەبەپتى ءقازىر بيلەت الىپ، تىركەلەسىز دە، ويىنعا 100 پايىز دايىن بولاسىز» دەگەن جاۋاپ جازدى. ال «بۇل ويىن قانشالىقتى زاڭ جۇزىندە ۇيىمداستىرىلۋدا جانە لوتەرەيا وپەراتورىمەن كەلىسىمشارت جاسالدى ما؟» دەگەن ساۋالىمىزعا ەش كىدىرمەستەن «ارينە، 100 پايىز زاڭدى» دەپ جاۋاپ بەردى. بۇدان كەيىن ءبىز ء«ساتتى جۇلدىز» اكتسيونەرلىك قوعامىنا قايتا حابارلاسىپ، ولاردىڭ ءسوزى قانشالىقتى شىندىققا جاناساتىنىن بىلگىمىز كەلگەن. الايدا كومپانيانىڭ PR-مەنەدجەرى اتالعان بايقاۋ تۋرالى ەشقانداي كەلىسىمشارتتىڭ جاسالماعانىن اشىپ ايتتى.

سوندا بايقاۋدى ۇيىمداستىرىپ وتىرعان ازاماتتار كىمدى الداپ ءجۇر؟ حالىقتى ما؟ مەملەكەتتى مە؟ ولار ءۇشىن مەملەكەت الدىنداعى جاۋاپكەرشىلىك دەگەن تۇسىنىك بار ما؟ الدە زاڭدى بەلشەسىنەن باسىپ، قارا باسىنىڭ قامىن كۇيتتەگەندەرگە زاڭ جۇزىندە ەش شارا قولدانىلمايتىنىن ءبىلىپ، وسىنداي قادامعا بارىپ ءجۇر مە؟

اينالىپ كەلگەندە ماسەلەنىڭ ءبارى زاڭنىڭ سولقىلداقتىعىنا كەلىپ تىرەلەدى. ويتكەنى بۇگىنگە دەيىن لوتەرەيانى زاڭسىز ويناتتى دەگەن نورما تولىق انىقتالماعان. ونىڭ ۇستىنە زاڭسىز ويناتقان ادامدارعا ەشقانداي شارا قولدانىلمايدى. دەسەك تە، بيىل ماۋسىم ايىندا پارلامەنت ماجىلىسىنە «لوتەرەيالار جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تۇسكەنى حابارلانعان. تالقىلانىپ جاتقان زاڭ جوباسىندا لوتەرەيا ويناتۋدىڭ پرينتسيپتەرى مەن ونى زاڭسىز وتكىزگەندەردىڭ ارقالايتىن جاۋاپكەرشىلىگى قاراستىرىلۋدا. سونداي-اق بۇل قۇجاتتا زاڭسىز لوتەرەيا ويناتۋدى اكىمشىلىك قۇقىق بۇزۋشىلىققا جاتقىزۋ ۇسىنىلىپ وتىر. زاڭسىز ۇتىس ۇيىمداستىرۋشىلارعا العاشىندا ەسكەرتۋ جاسالادى. ەگەر ول ادام ءبىر جىل ىشىندە وسى ارەكەتىن تاعى دا قايتالاسا، ۇتىستان تۇسكەن پايدا تاركىلەنەدى. ودان بولەك جەكە تۇلعالارعا – 200، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا – 750، ورتا كاسىپكەرلىك سۋبەكتىلەرىنە – 1 000، ءىرى كاسىپكەرلىك سۋبەكتىلەرىنە 2 000 اەك مولشەرىندە ايىپپۇل سالىنادى. ءبىراق بۇل زاڭ ءالى دە ناقتى بەكىتىلمەدى. قاشان بەكىتىلەتىنى دە بەلگىسىز. دەگەنمەن ءبىر ءۇمىت وسى وزگەرىستەردە بولىپ تۇر. ايتپەسە، مەملەكەتكە سالىق تولەمەستەن ميلليونداعان قارجىنى قالتاسىنا سالىپ، جۇمىر جەردى جالپاعىنان باسىپ جۇرگەندەردىڭ ارەكەتىنە توقتاۋ بولمايتىن ءتۇرى بار.


كەلۋ قاينارى: http://www.elarna.net/koru.php?tur=14&id=1069428

پىكىرلەر:

juz dep sifirmen jazingiz.