كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-201983628842 %58 %
2019-11-212416771848 %52 %
2019-11-222102532748 %52 %

ازاماتتىق اۆياتسيا اكادەمياسى بعم تەكسەرۋىنەن وتپەي قالۋىنا قاتىستى تۇسىنىك بەردى


ءتۇرى: قازاقپارات جاڭالىقتارى

ۋاقىتى: 11:24 - 2019/11/08

: PDF Download - Жұктеұ - Скачать - ءتۇسىرۋ

elarna.net Printed Version.
ازاماتتىق اۆياتسيا اكادەمياسى بعم تەكسەرۋىنەن وتپەي قالۋىنا قاتىستى تۇسىنىك بەردى

نۇر-سۇلتان. قازاقپارات – قازاقستاندا اۆياتسيالىق قىزمەتكەرلەردى دايارلاۋدى حالىقارالىق تالاپتارعا جانە ازاماتتىق اۆياتسيا سالاسىنداعى حالىقارالىق تاجىريبەگە سايكەس كەلتىرۋ ارەكەتى قر ءبىلىم جانە عىلىم مينيسترلىگىنىڭ بىلىكتىلىك تالاپتارىنا قايشى كەلەدى. اتالمىش مينيسترلىك جۇرگىزگەن تەكسەرۋ بارىسىندا «ازاماتتىق اۆياتسيا اكادەمياسى» اق ليتسەنزياسى توقتاتىلدى، دەپ حابارلايدى قازاقپارات.

«2009 جىلى حالىقارالىق ازاماتتىق اۆياتسيا ۇيىمى قازاقستانداعى اۆياتسيالىق قىزمەتكەرلەردى دايارلاۋدا ءبىرقاتار سايكەسسىزدىكتەردى انىقتادى. بۇل قازاقستاندىق اۆياكومپانيالاردىڭ ەۋروپالىق وداقتىڭ «قارا تىزىمىنە» كىرۋىنە سەبەپ بولعان. حالىقارالىق اۆياتسيا ۇيىمى 2016 جىلى قىرعىز رەسپۋبليكاسىندا تەكسەرۋ جۇرگىزۋ بارىسىندا دا اۆياتسيالىق قىزمەتكەرلەردىڭ بىلىكتىلىگى تۋرالى ەسكەرتپە جاساعان. وسى سەبەپتى قىرعىز رەسپۋبليكاسىنىڭ اۆياتسيالىق قىزمەتكەرلەرىنىڭ الەمدەگى بارلىق مەملەكەتتە، سونىڭ ىشىندە قازاقستاندا جۇمىس ىستەۋىنە تىيىم سالىنعان. قىرعىز رەسپۋبليكاسىنداعى 21 ۇشقىشتان كوممەرتسيالىق اۆياتسيا ۇشقىشى ەكەنى تۋرالى كۋالىگى قايتارىپ الىندى»، - دەيدى ازاماتتىق اۆياتسيا اكادەمياسىنىڭ ءباسپاسوز قىزمەتى.

قازاقستاندا اۆياتسيالىق قىزمەتكەرەردى دايارلاۋدى حالىقارالىق تالاپتارعا جانە ازاماتتىق اۆياتسيا سالاسىنداعى حالىقارالىق تاجىريبەگە سايكەس كەلتىرۋ ارەكەتى قازاقستان رەسپۋبليكاسى ءبىلىم جانە عىلىم مينيسترلىگىنىڭ بىلىكتىلىك تالاپتارىنا قايشى كەلەدى.

«قر ءبىلىم جانە عىلىم مينيسترلىگى جۇرگىزگەن تەكسەرىستەر بارىسىندا «ازاماتتىق اۆياتسيا اكادەمياسى» اق ليتسەنزياسىنىڭ قولدانىسى توقتاتىلدى. 2012 جىلى اكادەميا قايتالانعان تەكسەرىستەن وتە الماي، كەيىن سوت ارقىلى ليتسەنزياسىن قايتارىپ العان. ءدال وسىنداي جاعداي بۇگىن دە ورىن الىپ وتىر. اكادەميانىڭ تەكسەرىسىنەن وتپەۋىنىڭ نەگىزگى سەبەبى – اۆياتسيالىق ينجەنەرلىك كادرلاردى دايارلاۋ سالاسىنداعى عىلىمي دارەجەلى مامانداردىڭ جەتكىلىكسىزدىگى»، - دەيدى ءباسپاسوز قىزمەتى.

قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قر زاڭىنىڭ 3-بابىنا سايكەس – ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا كوزدەلگەننەن وزگەشە ەرەجەلەر بەلگىلەنسە، وندا حالىقارالىق شارتتىڭ ەرەجەلەرى قولدانىلادى، الايدا ءبىلىم مينيسترلىگى بۇل تالاپتى ەسەپكە المايدى.

«حالىقارالىق ازاماتتىق اۆياتسيا ۇيىمنىڭ نەگىزگى تالاپتارى – عىلىمي دارەجەلەردىڭ بولۋى ەمەس، ازاماتتىق اۆياتسيا سالاسىنداعى ۋاكىلەتتى ورگانمەن بەكىتىلگەن سەرتيفيكاتقا سايكەس بىلىكتىلىك دەڭگەيى بار نۇسقاۋشىلاردىڭ بولۋى. بۇل – ۇشۋ قاۋىپسىزدىگىن قامتاماسىز ەتۋگە كومەكتەسەدى، ول ءۇشىن اۆياتسيالىق قىزمەتكەردىڭ بىلىكتىلىك دارەجەسىنىڭ ءرولى زور. وسى ماقساتتا قر يندۋستريا جانە ينفراقۇرىلىمدى دامىتۋ مينيسترلىگى قازىرگى ۋاقىتتا جوعارى مامانداندىرىلعان وقۋ ورنى مارتەبەسىن بەرۋگە باعىتتالعان ء«بىلىم تۋرالى» قازاقستان رەسپۋبليكاسىنىڭ زاڭىنا وزگەرىستەر ەنگىزۋ تۋرالى» زاڭ جوباسىن ۇسىندى. بۇل اكادەمياعا ازاماتتىق اۆياتسيا سالاسىندا جانە قازاقستان رەسپۋبليكاسىندا ۇشۋ قاۋىپسىزدىگىن قامتاماسىز ەتۋ سالاسىندا باسەكەگە قابىلەتتى كادرلاردى دايارلاۋ بويىنشا سالالىق رەتتەۋشىلەردىڭ، حالىقارالىق ستاندارتتاردىڭ جانە حالىقارالىق تاجىريبەنىڭ تالاپتارىنا سايكەس كەلۋىنە مۇمكىندىك بەرەدى»، - دەلىنگەن ءباسپاسوز حابارلاماسىندا.


كەلۋ قاينارى: http://www.elarna.net/koru.php?tur=3&id=1069425

پىكىرلەر:

juz dep sifirmen jazingiz.